اذاً موضوعك منتهي اصلاً ويا اخي انصحك ان ااستطعت ان لاتستعجل بزواجك الآن انتظر ليصل سنك ل 27 اعتقد انه بداية الوقتت المناسب للزواج ...

ما دامت هي انهت العلاقة فهذا يكفي ..

لا تعلق حياتك بحياة شخص آخر...

لازالت الحياة تخفي لك الكثير بخباياها ...

عيشها بحلوها ومرها...

اقرأ ماكتبه لك الأخ البليغ مرة واثنين وعشرة
الله يجزيه خير.

[QUOTE=cute poison 2;2563806]merciful
طيب نفرض انها لقت واحد غيري .. ابغا اعرف ليش يعني ؟ انا كنت معطيها كل شي.. كنت اعاملها بكل طيب وحنية .. وكنت دايما موجود عشانها الا اخر فترة .. يعني المفروض اعاملها بالعكس عشان يمشي الموضوع ولا كيف ؟
وكمان كنت معاها 5 سنين وداخلين فالسنة السادسة يعني .. فجأة تقرر تروح ؟
يا ريت تشرحلي بتفصيل اكثر ايش المطلوب من الرجل عشان يحافظ عالعلاقة ؟
لاني اشوف اني سويت كل شي يدل اني ابغا العلاقة تستمر ؟ هيا كيف ممكن تفهمها اني سويت شي غلط وواني مابغاها ؟

cute poison 2

المشكلة متعدده كما يبدوا نحن سمعنا من طرفك المشكلة لاشك ان لها اسبابها التي قد تكون غير منصفة وغير لائقة وقد تكون بالعكس منصفة ولائقة ،،

انا قلت اتوقع بحكم خبرتي ان الست لاتغادر فقط هكذا،،، الست تغادر لأسبابها التي ذكرت احدها ان تكون وجدت غيرك هذا احد الاحتمالات بس هو الارجح .
ممكن وعلشان اخفف عنك لا منجد ممكن الشخصيتين غير متوافقتين فكريا ثقافيا اجتماعيا من ناحية الطبقة الاجتماعية في الميزات الشخصية شخصيتك عاطفية وهي قياديه وقوية ،، ولكن لمدة خمس سنوات اظن هناك اعمق من هذا هناك جوانب مظلمة اكتشفتها اثناء التقارب الحسي اكثر واكثر وقررت انك لاتصلح زوج لها ،، هذا حقها يا خويه حقها ،،صح تسحيب خمس سنوات بس لا زلت مصر على ان هناك تجملات كثيرة جعلتها تنفر منك بتراكم زمني ،،ثم قد يكون من اتى و دخل على الخط..
لااريد ان اقول لا يذوق مرارة الحب الا المخلصين ولا يسعد به الاالخائنون،، كن كمبادئك وسر كما انت
لكن كن حذر لاتعطي قلبك الا من يستحق هذا درس مثل ماذكرت لك حب الرجال يسبب ازمة لهم
لأن( الرجل يحب سريعا ودائما والمرأة تحب ببطء وقلما !!!!) هذا مثال قد يكون مجحف ،،وقد يكون حقيقي ؟

اجب عن النواحي المظلمة في شخصيتها ،،
وقد تكون مضطربه فعلاً لا تظن ان الناس سليمين نفسياً
كلهم هناك كثير من الاضطربات النفسية

اما انت فواضح انك مباشر جدا.
لاتسمع اي اغاني الان خصوصا العاطفية ،،فضل شاكر والجسار ومجيد وماجد..
سافر اشغل نفسك بزملاء برحلات انا اعرف
الحب منقوش في القلب لكن ستنسى
واضح انك لم تدخل اي مرحلة من مراحل الاكتئاب وهذا جيد والا كنت نصحتك بأشياء اخرى ..
معرفية سلوكية وطبيه ..

الحمد لله ربي صرفها عنك
وباذن الله راح تلاقي البنوته اللي تقدر شخصيتك
الطيبه والوفيه
بالعكس الان لاتحزن ولاتضايق
خلاص
مو هي اللي تحايلت حتى وصلت الى طلب
الانفصال وتم لها
هذي لاتنقهر عليها ولاتزعل ولاتكدر خاطرك
الايام والعشره بينت لك معدنها الحقيقي
ونصيحه لك يااخي الفاضل
اسال الله وادعه دائما ان يعطيك الزوجه الصالحه الطيبه الوفيه
وحاول تمسحها من بالك كلما طرت على قلبك
فكر في شئ ثاني تملى به يومك في مايرضي ربنا
(((انتبه لاتقول ياحسافه ع الخمس السنين ياقهري)))
لا
قول ياالله لك الحمد ولك الشكر انك ابعدتها عني
قبل مايصير ارتباط بينكم
واخيرا
اسال الله ان يمسح حبها من قلبك وان يعوضك بالزوجه الوفيه
واذا قررت الارتباط مجددا
فبدا علاقتك في الاطار الشرعي
موفق يااخي الكريم

__________________
اللهم صلي على نبينا محمد وعلى اله وصحبه اجمعين

ياليت الاقي شخص يحبني كل هالحب .. والله مافرط فيه ولو كان الثمن حياتي

اااه بس... ماايحس بالجممره الا واطيها

الله يوفقك اخوي.. ويرجعكم لبعض

اخي البليغ

ان شاء الله باحاول باللي اقدر عليه .. واهلي الحمد لله بيساعدوني وبيغيرولي جو .. وان شاء الله الوقت يخليني انسى
مشكور على نصائحك القيمة وتفاعلك مع الموضوع .. ما تقصر يا غالي الله يسعدك

رومانسية الوحدة

والله يا اختي انا اعترف اني متعلق بيها .. اكيد الحياة ما توقف على احد .. وانا متاكد اني حاقدر اتجاوز الموضوع مع الوقت .. بس برضو الحياة حلوة مع اشخاص .. ومو نفس درجة الحلاوة مع اشخاص ثانين ..
انا اقول الحمد لله على كل حال .. وانا راضي باللي قسمو ربنا .. بس مادري خايف من اللي جاي
خايف من المقارنة .. احس هيا كانت بالزبط مفصلة زي ما انا ابغا .. واني يعني اشوف البنت تكون حلوة لما تكون صفاتها تشبهلها ( يا رب تكوني فهمتي نقطتي واني ما اقصد شي غير )
يعني هيا كانت تكملني بشكل عجيب .. وكنت القى منها كل اللي ابغاه ..
اخاف الجاي يكون اقل من اللي اتعودت عليه .. واظلم بنت الناس معايا ..
بصراحة ما اعرف
الحمد لله على كل حال ..
دعواتك اتجاوز الموضوع بسلام .. وانو ربنا يعوضني بالاحسن ..
اشكرك على تفاعلك


نصف دائرة

جزيت خيرا على التفاعل

merciful

والله يا اخي ما أدري يعني .. الاحتمالات اللي قلتها احسها بعيدة يعني ..
لاني انا وهي كنا مبسوطين واخر حلاوة وما كان في اي شي بيننا.. ومن جد يعني ولا شي .. الا من خلال ما بدأت المشكلة ..
والمشكلة والله وربي يشهد عليا .. انا كتبت كل اللي سار بالتفصيل الممل ..
ما زودت ولا شي من عندي
هيا بس الـ 3 شهور اللي بعدت عنها .. هيا اللي مادري ايش ممكن سوت فيها يعني ..
بس والله ماعرف يعني ارجع في ذاكرتي .. اقول في مواقف سارت بيننا .. حسيت فيها ان اللي بيننا فعلا شي حقيقي وكنت المسو فيها .. واتاكدت يعني .. واقول مستحيل انها تبغا الشي دا يروح منها يعني انا صراحة مني مستعد ابدل الاحساس الحقيقي دا بالعالم .. كان شي مرة حلو يعني واحس انو يلغي اي خلاف موجود لو ايش ما كان .. حتى لو سارت مشاكل .. كيف ممكن نستغنى عن الاحساس دا ؟

وانا عارف نفسي يعني ما اتعقلت بيها الا لما اتاكدت ..
وبعدها حاولت اسوي اي شي عشان احافظ عالعلاقة .. بسبب الاحساس هذا ..
يمكن عشان كدا تشوف اني عاطفي .. بس انا كنت باسوي اللي اشوفو صح
هيا شخصيتها ممكن تبان انها قوية .. بس قوية بايش ؟ انها تقدر تستغني ؟ وتبيع ؟ انها تقولي الباب يفوت جمل ؟ مادري لو سارت قوة الشخصية هذي الايام كدا .. بس انا اشوفها كبر وعناد صراحة
هي ما حاولت تحافظ عالعلاقة زي ما انا حاولت ..
مادري ليش سوت كدا ؟ مادري ليش كانت كانها تبغا تدور الانفصال ؟
حتى انا والله نفسي اعرف السبب الحقيقي

حركت في داخلي الكثير
الله يعيننا
اشكرك عالتفاعل

نسيم الوسم

الحمد لله يا رب على كل شي ..
اللهم امين يا رب
اشكرك على تفاعلك في الموضوعين .. الله يجزاكي خير

حلم بنت

ان شاء الله .. الله يرزقنا جميعا يا رب
مشكورة عالرد

يمكن لان الموضوع طول وايد هي تغيرت ... تري البنت ما تحب الموضوع يطول و تحب دوم حبيبها يسال عنها و هو اللي يبادر
لا تفكر انها ما تحبك لانها قالت انت بطريق و انا بطريق ... يمكن قاعده تختبرك و تختبر غلاها عندك
انت بعد الله يهديك مطنش زياده عن اللزوم
انا من رايي تتصل عليها و تكلمها عدل و تشوف هل المياه ممكن ترجع لمجاريها .. لو حسيت برد ايجابي لا تطول الموضوع تزوجها علي طول
خمس سنين مو شويه من عمر البنت

بس يا اختي هيا عارفة ظروفي وقالت انها مستعدة تنتظر .. وما فرقت معاها المدة .. وبعدين خلاص احنا حددنا موعد الزواج وكان مدة مو مرة طويلة يعني
وكمان يعني باي منطق يا اختي تختبر غلاها عندي .. بأنها تقولي ابغا ابعد عنك ؟ .. يعني لو واحد قلي مابغاك في حياتي .. اكيد محا اجبرو عليا !

وانا بعدت عنها كل المدة هذي لاني بادرت معاها كتيييييير .. وهي ما فكرت تبادر .. كنت ابغا المباردة تجي منها .. بس ما جات .. وحبيت اوصلها رسالة انك زي ما انتي تقدري تكملي عادي .. انا كمان اقدر اكمل .. واقدر اعاملك بنفس اسلوبك .. دا اللي كنت ابغا اوصلو .. ولو انها كلمتني فاي فترة قبلها .. كنت مستعد اتكلم معاها واتفاهم .. بس ما جا شي منها .. عشان كدا طولنا ممكن

ايش رأيك في كلامي ؟

سويت صفحة فالفيس بوك اسمها : رهام لازم ترجع لـ هشام
الصفحة محد يعرف طبعا انها مني ولا شي .. واي احد يقدر يدخل ويشوفها ويكتب فيها ..
تتوقعو لو ارسلتها ليا بطريقة سرية .. ممكن تفكر تاني ؟