حبيبتي عاشقه ..

لا تكلفين على نفسك كثير .. الموضوع بسيط جدا .. اذا كان في خاطرك شيء او متضايقه من شيء شوفي الوقت اللي
يكون فيه فاضي وقولي له بدلع وهدوء : حياتي في خاطري شيء وأبي اقوله لك .. واختاري الاسلوب المناسب ..
اهم شيء الاسلوب .. والله لو تختارين الاسلوب المناسب .. بيستمع لك كل وقت ..بدون تحديد اوقات ..
اذا تبينه يحب السوالف والجلوس معاك .. اختاري السوالف الحلوه والمضحكة والمفيده .. وابتعدي عن المشاكل والحش
في الناس والسخريه والشكاوي .. اعرفي شخصية زوجك وشو يحب وشو ما يحب في الحوار والنقاش ..
طلعات المطعم حلووه للكلام والتعبير عن المشاعر ... الاجازات مناسبة لفتح النقاش والمواضيع العالقه ...
اما عن تجربتي فأنا اعتمد على مزاج زوجي وحالته النفسية وظروفه.. يعني بعد الدوام والشغل والتعب ما افتح معاه أي
موضوع .. كل اللي افكر فيه راحته .. ومن اشوفه جالس اجهز الشاي او القهوة او العصير مع شوية بسكوت او كيك ..
واجلس افتح معاه المواضيع ... وعندي فكرة اتبعتها يوم تزوجت علشان تساعدنا على النقاش والمصارحه والحوار ...
لكن الحين الحمد لله ما احتاجها لان الحوار والنقاش اصبح سهل واغلب الاوقات ..
الله يسعدك ويهنيك ويجمعكم على الخير والمودة والتفاهم ياااارب ...