24-01-2011, 08:51 PM
25-01-2011, 02:56 AM
|
المشاركة الأصلية كتبت بواسطة شيخة البنـــات
هلااااااااااااا وغلاااااااااااا ببعد روحي
وحشتيني كثير والله فديتك ربي يخليك لي يارب دوووم افكر فيك فديتك والله افكر فيكم كلكم ولا احد نسيته انا بخير حبيبتي بس كانت رحلتي شاقة من فرنسا للسعودية صار في تاخير وتعبت كثير في الرحلة انا بخير ياروحي دام حسك بهالدنيا احبك أهم شي وصلتي بالسلامة وانتي بخير وبالنسبة للوقت اللي المفترض يعطيج إياه هو صحيح إن ما شافج من فترة والمفترض يكون معاج زيادة لكن معليش ياقلبي انتي خليج بموقفج يعني لا تحسسينه بهالشي ولا تبيني له جذي صدقيني هو بنفسه بعدها راح يلاحظ إنج مب مثل قبل وايد تحبين تناقشين وعلى أقل شي تسببين مشكلة صدقيني حبوووبة آنا فاهمتج زين وحاسة باللي حاسته الوحدة لما تغيب عن زوجها فترة طويلة لما ترجع تبي تحس إنه متلهف عليها ومشتاق لها وما يبي يبعد عنها ولو حتى شوي ومهما كان مرتبط تبيه يحسسها بعاطفته ويغمرها بحنانه يحتيوها بشوقه وحبه بس معليش ياعمري هونيها وتهووون رغم الألم ورغم الحزن خلج مثل ما انتي لا تحسسينه أبد خليه أدري انتي تحترقين لكن صدقيني لما يلقاج جذي صرتي غير وما قمتي مثل مثل قبل هو بنفسه راح يتغير صدقيني وراح يصير معاج هو اللي غير بعد مسألة وقت اعتبريه تحدي بينج وبين نفسج وحاولي قدر المستطاع انج تكونين هادئة ومبتسمة رغم كل شي لي عوووووووووودة إن شاء الله رغم إنج ما خبرتيني عن هالشي وما فضفضتي لي بالضبط وعرفت هالشي من ردج على اختنا ذكريات بس معليش الأهم إنج تفضفين لأي وحدة يرتاح لها قلبج يالغااااالية وربي يحفظج دووووم ويفرحج لي عووووودة |
25-01-2011, 06:12 AM
25-01-2011, 06:19 AM
25-01-2011, 06:27 AM
|
المشاركة الأصلية كتبت بواسطة تالينااا
ياهلا والله بصبورة الحلوة نورت السعودية بطلتك يالغالية
يلا عاد لاتثقلي علينا ودنا نشوووفك ، ولا بس الجلسة مخليتها لابو الشباب عالعموم حبيبتي ودي انصحك نصيحة طبعا كلام اختي ذكريات ماعليه غبار بس بقولك شي بعد حااااااولي انك ماتصارحي زوجك باللي في نفسك ، خليه هو يحس من نفسه مو كل شي تبينه تقولينه ، فيه اشياء اذا انقالت وانطلبت مايصير لها طعم مووو حلو ابدا نطلب الحب والاهتمام ونستجديه ، حلو لما نثقل والرجال يلاحقنا ويركض ورانا الله يسعدك يارب |
25-01-2011, 07:04 AM
25-01-2011, 06:51 PM
|
المشاركة الأصلية كتبت بواسطة تالينااا
ياعمري انتي ياصبورة
والله اعرف احساسك وحاسة فيك وحاسة انك تبغي زوجك معك كل ليلة الانثى ضعيفة وتتمنى انه زوجها سندها يكون معها على طول الزواج من معدد يحتاج لامرأة قوية مستقلة بذاتها وتعتمد على نفسها وتتناسى احتياجها للرجل وتجعل علاقتها بزوجها علاقة متعة وسعادة ، اذا جاها تعيش معاه لحظات حلوة ، واذا ما جاها براحته ، لانه سعادتي مو مرهونة ولا مرتبطة بوجوده مو اي وحدة تقدر تتحمل انها تكون زوجة لمعدد ، ومادام انك وافقتي عليه فلازم حبيبتي تتعلمي كيف تتعايشي معاه وانتي معتمدة على نفسك انتي محتاجة تعتبري زوجك شي ثانوي في حياتك ، زي الصديقات اذا قابلتي صديقتك انبسطي معاها ، واذا ما قابلتيها ترى الدنيا ما طارت نفس الشي لازم يكون زوجك ، لاتخليه هو اساس حياتك ، خلاص ابني حياتك في السعودية ادرسي اشتغلي كوني لك صداقات سجلي بتحفيظ سجلي بدورات وانسي واذا ما قدرتي تناسي وجود زوجك في حياتك واذا جات ليلتك انبسطي وخليها ليلة سعادة لاتخلي فيها مكان للشكوى والعتب والـ ...الخ واذا في قلبك شي ودك تشكي منه ، اشكي لغيره لا تشكي له هو زوجك مرررة مو محتاج لهذا الشي ، زوجك محتاج للسعادة فقط ، لما كنت سعيدة وفرفوشة اول زواجك كان سعيد معاك زوجك كمان مو محتاج للعاطفة لانه متشبع ، ومو محتاج انك تتعبيه بكثرة العاطفة ، لانها تخليه ينفر منك مايقرب |
26-01-2011, 03:58 PM
|
المشاركة الأصلية كتبت بواسطة صابرة بدنيتي
يابعد عمري ياحبيبتي
احبك اليوم طلعني فرفرنا شوي بالمطر كنت سعيدة وانا معه زي الطفلة اي شى يرضيني اهم شى اني اكون معه شيخة انا احبه بالحيل على قد مايبعدني عنه ايام على قد مايرجعني وارجع احبه احب اضحك معه واسولف معه احب اسوي كل شى معه يسعدني بس مشاعري تخوني وفي لحظة اضيع وانا معه حبيبتي انا بعد افكر فيك كثير ونفسي اشوفك واكلمك واضمك خبريني عن امتحناتك يالغالية انا ادعي لك وادعي لكل الاخوات بكرة ان شاء الله حبيبتي بروح اسوي عمرة مع زوجي وبدعيلك بدعي لدلوعة وبنت الحكمي وذكريات لا تغيب روح الطير وكل خواتي الي احبهم وبدعي ان الله يجمعني فيكم بالجنة شيخة حبيبتي كل ماذكريتني ادعيلي بالذرية الصالحة ابي بيبي اضمه واتهتم فيه ابي اعطيه حبي وحناني لانه فايض كله على زوجي كل ماشفت طفل ولا طفلة مع امها احس اني ابي اصير ام وانا بعد اشيل ولدي واطلعه معي ربي لا تذرني فردا وانت خير الوارثين ربي الهمني يقينا يجعلني اؤمن ان كل ما احلم به سيتحقق احبك ياشيخة البنات احبك يابعدهم كلهم |
26-01-2011, 05:18 PM
|
المشاركة الأصلية كتبت بواسطة شيخة البنـــات
أهلين فيج حبيبتي وأنا بعد أكن لج حب كبييييييييير وغلا أكبر ياقلبي شي جميل جدا انكم طلعتوا وتونستوا مع بعض وشعور أجمل اللي حسيتيه ياقلبي إنشاءالله دووووم فرحانة ومبسووطة المشكلة إن احنا لما نحب شخص ونتعلق فيه رغم كل اللي يسويه فينا ورغم الألم اللي ممكن يسببه لنا لكن بمجرد إنه يرجع ويعطينا لفتة معينة أو يسوي لنا شغلة حلوة بسيطة شكثر ننسى اللي توه صاير ويرجع قلبنا ينبض له من جديد رغم إن الشي اللي سواه لنا يكوون بسيط جدا لكن هو بالنسبة شي كبييييييير وايد ويحسسنا داخل خلجات صدرنا بأحاسيس غيييييير هذا اللي أعتقد يصير معاج انتي تحبينه والمشكلة مو حب عادي لا عشق وتعلق وهوى يعني انتي مخليته هو محور حياتج كلهاااا ومخلية نفسج تؤمن إن الحياة بدونه أبد ما هي حياة وفي نفس الوقت تتحسسين لأقل شي يسويه لكن مهما يكن حبه هو المسيطر والغالب دوووما بالنسبة للإمتحانات آنا خلصتها ولله الحمد وكانت زينة وأنتظر النتايج وادعي لي تكوون منيحة يااارب وبالنسبة لأخباري شقوولج حبوووبة الأهل مسافرين وتاركين البيت واخواني ومسوؤلياتهم كلهم علي أحس نفسي خلاص تعبااااااااانة كل واحد فيهم من صوووب ومتطلباته من صوووب أنتظر بس يرجعوون وأرتاح من هالمسوؤلية حتى خطيبي ما أكلمه لأني أكون أغلب الوقت متضااااااااااااايقة ومالي خلق شي أبد فأتجنب أحاجيه علشان ما يتضايق رغم إن هو حاس إني تعبانة و يدز لي مسجات وايد بس شسووي ما أبي أضيق خلقه بعد عمري وأمس بعد سويت حادث الصبح وقضيت الظهرية كلها بالمرور فأموري كلش زفت ومب منيحة أبد الأهم ما عليج مني ألحين آنا دوووم أدعي لج والله بالذرية الصالحة بطفل حلووو أمور يملي عليج دنياج ويسعد قلبج ويفرحج وبتعطينه كل حبج وحنانج صدقيني أجمل إحساس راح تحسينه رغم إني ماجربته بس وايد أسمع صديقاتي والبنات اللي من أهلي يقولون هاللون عاد بعدين شووفي أبو الشباب هو اللي بيغار وهو اللي راح يلاحقج وما يخليج بيكوون حبج كله للبيبي الله يرزقج ياعمري ويفرج قلبج الطيب ويرزق كل محروم ومحرومة يااااااارب العالمين رايحة العمرة ياحبي عليج بألف عاااااااافية أمانة لا تنسيني من الدعاااااااء حبيبتي إنشاءالله زيارة مقبوولة يااااااااااااارب تمنياتي لج دوووم بالصحة والعافية والسعادة والحب والله يسخر قلب زوجج لج على طووول ويحفظكم وين ما كنتوا بانتظاااااااااااارج يالغلا تحملي برووووحج ودي |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
