تعوذي بالله واستهدي بالله
واتصلي عليه خليه يجي يأخذك
وقولي له وحشتني ومن الكلام هذا
واكثري من الاستعفار وقراءة سورة البقره
ولاتستعجلي الحياه حلووه
ودائما تذكري الأشياء الحلووه
ولاتخلي السلبيات تنكد علييك حياتك.
ربي معاك.

أنا أنصحك تستخيري
وتنفصلي عنه
وإن شاء الله الله يرزقك بأحسن منه
وهما يلاقوا وحدة ترضى في تدخلات أهله وعصبيته الزائدة
إلي والله ماراح يقدر يسويها ع الثانية لوتزوج
الله ياخذلك حقك منه
بس
وكلي الله والله والله والله ماراح يضيعك
وبنتك أعطيها له
الله يرزقك ع نيتك ويوفقك حبيبتي

انا بصلي الاستخارة إن شاء الله
وابوي يلمح المغرب انه المفروض يكون عند الزوجة استقلالية والكلمة من زوجها ماتأثر على حياتها
فهمت انه متصل على ابوي
خصوصا اني قفلت جوالاتي ودق على امي ورفضت اكلمه
ويبدو انه اتصل على ابوي وانا محتارة كيف اكشف عيوبه لأبوي صعبة مرررة
وهو ماعنده اي حواجز او خطوط حمراء ممكن يقول أشياء لأبوي مااحب يطلع عليها >>طبعا مو قصدي شيء يخص العلاقة الخاصة علشان لاينفهم كلامي غلط بس مو كل المشاكل ابي ابوي يطلع عليها
يارب يسر أمري واشرح صدري

الله يعطيك العافية ع المرور والمشورة

بصراحة ضحكني ردك وسط دموعي
اقول وحشتني!!! للأسف بتصرفاته قتل كل حب له بداخلي..
أنا عارفة أن الحياة حلوة وأننا بنعمة وربي لما أكون بالدوام شخصية ثانية
عندي شخص مايعجبه التفاؤل والايجابية
حتى لما نزلت علاوته وقالي صار رتبي كذا وكذا قلت له الله يبارك يارب
قال اللي يسمعك يقول وصل الـ15000 أصلا من ثاني يوم يخلص..
وعلى فكرة انا مااحب النكد
صح حساسة بس اكره النكد
لدرجة مرة بكاني بالسيارة قال كلها ساعة وانتي تضحكين>>يعني ماهمني كلها ساعة وليته مقدر هالشيء الا مايعجبه الا النكد

صحيح مو كل الأوقات
وصحيح تمر علينا أوقات صفاء
بس مشاكلنا متراكمة واشكالتنا كثيرة ولافيه حوار ولاقاعدة صلبة نأسس عليها ابجدياتنا

الله يسعدك ويشكر لك مرورك وردك