اخوي اشكر لك هذه الغيره,,حفظك الله,

قبل كل شيئ: لو تمسكها وتضربها وتقطعها .. لازم يكون المانع من داخلها..

اول شي شيل فكرة انك تخبر ابوها واخوها..لا حرام عليك اخوي راح تتغير نظرتهم ويضلوا يعاملوها اسوء معامله طول عمرها وحتى لو التزمت راح تشوف بعيونهم نظرات لاترغب بها..انتبه انتبه انتبه اخطر شي والله..

ولاتقول لها حاطين رقابه وماعرف وشو..وبرامج..لا موحلوه ابدا راح تنعدم نهائيا

--


لا تنتظر الى الصيفيه..يمدي ابليس سوى عمايله والعياذ بالله والبنت مراهقه وعلى نياتها مسكينه
ماراح تزعل اذا كلمتها وجهه لوجه بالعكس بالعكس راح تفرح انك تخاف عليها
لكن واجهها بإسلوب لين بعيد كل البعد عن الصراخ والعصبيه والمزاااح

1 -
اول شي لازم تتصل عليها وتقول لها ابيك بموضوع خاص اذا فضيتي اتصلي علي,
راح تتصل عليك..قول لها يابنت اخوي ابيك بموضوع بيني وبينك..مشكله وابي آخذ رايك فيها؟
صديقي اكتشف ان بنت اخته (لإبعاد الشبهه) ضايفه شباب بالمسن..محتار يعلم ابوها والا لاء..وجاي يشكي لي السالفه وش رايك

راح تسكت وتتردد بالحكي..قولها تبي رايها بالموضوع اذا عندها حل..وانك مالقيت الا هي تشرح لها المشكله(من باب تحفيز الثقه في نفسها)

-------
او

2 -
قول لها مباشره : البنت مثل الزجاجه اذا صار عليها صمات مااحد ياخذها,
قول لها : دخلتي محل وشفتي زجاجه جميله جدا..كنتي راح تاخذينها
لكن استوقفك منظر البصمات وبعض الخدوش على الزجاجه...
وبالجنب الآخر زجاجه ثانيه لكن اقل جمالا من الأولى ولكن ليس عليها بصمات او خدوش ونظيفه ولامعه
ايهم تاخذين؟؟


بتقول اكيد الثانيه

--
جبيبتي يالغاليه انا اعتبرك اختي وبنتي وصديقتي واخاف عليك من كل شي
انتي تستخدمين الماسنجر...اذا في اي شخص مزعجك علميني انا .. راح اساعدك ان شاءالله
ولاتخافين من اي تهديد يجي من اي شخص,, انا الحمدلله واثق فيك انتي الدره المصونه والجوهره الغاليه..ومتربيه احسن تربيه .. (ومن هالكلام الزين والدعم لكن مع شوي حزم)


------

بالأخير
نهاية الحلول
3 -
كلمها بهدوء وانصحها بهدوء بدون اي عصبيه وبدون اي ضحك بنفس الوقت _ حزم+لين..
وقول لها مباشره من الشخص اللي ضايفته,,الآن احذفيه بما ان الثقه مازالت موجوده
(تهديد ) لأني ماودي ابوك او اخوك يوصلهم الموضوع
(اذا بتزعل تزعل كيفها اهم شي مصلحتها مصيرها راح ترضى وتكبر وتعقل)
انت بعدها طلعها مشيها بس انتبه تفهم انها ترضاوه لا..خلي ان الطلعه هذي قول لها لأنك خلصتي اختبارات ونجحتي [ الاختبارات هذي ]

ايش احسن :

تخشى انها تكرهك وتزعل منك..

او يلعب عليها الإبليس ويسرق صورها من جهازها (تهكير)ويهددها ويرسل الصور لبيتهم
ويقص عليها انا بجي اخطبك دليني على بيتكم (راج يجيها خطوات)..
===



اخوي انتبه قبل يطيح الفأس بالرأس
انا اثق ان ابنة اخوك ان شاءالله انها انسانه صالحه وربما انت فهمت الموضوع خطأ
=

ملاحظه : قرأت احد ردودك ان اهلها مو مقصرين معها من ناحية الفلوس
اخوي البنت ماتبي فلوس قد ماتبي الحنان والصداقه
البنت تبي من يتقرب منها..مو حلوه الحواجز بين الأب وبناتها بعدين يقول ماقصرت كل شي اشتريته
والأم كذلك لازم تكون صديقة بناتها

لكن على كذا هذا مو عذر للبنات اللي يسوون علاقات ولو للوناسه [العقل موجود]
البنت اللي عقلها براسها تعرف خلاصها
وان شاءالله بنت اخوك بنت صالحه اكيد ولكن يمكن التبس عليك الموضوع الله اعلم
انت بدورك خليك صديق لبنات اخوك..
-----

حسبي الله ونعم الوكيل
كثرت الذئاب البشريه


اكرر مليون مره انتبه من اخبار ابوها او اخوها
انت عالج المشكله بنفسك اولا بالطيب ثم التهديد ثم التهديد ثم [ الضرب لو مانفع شي ]
يمكن بتخاف وترتدعت..بس ثق ثقه تامه انها ماراح تكرهك
بالعكس بتكرهك اذا خبرت اهلها...وخل الموضوع سر بينك وبين نفسك.