يضرب الحب شو عم بيذل يادانه إسمعي تراك أنت غلطتي بلأول لأنك ما أخذتي إذن منه قبل لاتروحي لجارتك وثاني شئ مصافحتك لإبن خالك طبعا ابن خالك إجنبي عنك كان من الأولى إنك تصرفين نفسك لأي مكان قبل لايجي إبن خالك ويمد إيده لك أنت تعرفي إن هذا حرام ولايجوزشرعا إنك تسلمي على رجل إجنبي بالنسبه لزوجك فتصرفه وتعامله خطأ وأتوقع إن هناك فارق بالعمر بينكم أنت وياه
لأنه إذا كان فيه فارق بالعمر تجدي بعض الازواج إذا كان زوجته صغيرة بالسن تجدينه يغار عليها بشده ويشك فيها وتحصلينه مراقب كل تصرفاتها وحركاتهاحتى لبسها ينتقدها فيه وتجدينه وقت طلوعها من البيت لأي زياره يراقب لبسها وشكلها وينتقد بعض الأشياءعليك ويسأل ليش حاطه كذا وليش
لابسة كذا وليش وليش جملة من التحقيقات وكل هاذا يصير حتى لوإنه مو كبير بالعمر لأنه مو ضروري العمر كثر مايكون مريض بالشك والغيره فعلشان كذا عنده وسواس في نفسه إنك راح تناظرين غيره وتقارنيه فيهم أمامن ناحية قوة بدنية أو وسامة أو صغر سن علشان كذا يربطك ويضربك وبعدها يجامع بعنف قصده يحسسك إنه عنده قوة وإنه مو ضعيف يعني بيظهر رجولته لك ويبغى يبرز شخصيته
عليك وأتوقع والله أعلم إن زوجك مره بظروف أسرية قاسية وإن عنده في باله نماذج وصور لنساء سمع عنهم إنهم خائنات لأزواجهم فظن في عقله الباطن إن كل النساء صنف واحد وإذا ما أحسن تأديبها
وتلقينها درس منذ بداية الزواج وجعلها تخاف منه وتهابه فإن زوجته بعدها لن تهتم له وفي هاذي الحاله يجب عليك طاعته وإجتناب مايغضبه وأكثري من مدحه والثناء عليه تقربي منه
حاوريه أدخلي له من ناحية تدينه وإلتزامه إسأليه بعض الأسئلة الشرعية وخليه يجاوبك
حتى لوأنت تعرفي الإجابة وفهميه بهدوء بأن يقول لك الشئ الذي يضايقه وأوعديه إنك رايحه تنفذين جميع طلباته وقولي له أريد منك لورأيت أي خطاء أوملاحظة عليه أريدك أن تنصحني وتوجهني التوجيه الصحيح فإن عندك علم ودين كثير وأنا ليس عندي سواك يهتم بي وبخدماتي وطلباتي وأغدقي عليه الحب والحنان وأعرفي إن زوجك ماتصرف كذا إلابوجود دافع في داخله نفسيا وبعض الأزواج عندهم غيرة لحد المرض يكون نفسه يحط زوجته بخزنة ويقفل عليها ماوده أحد يشوفها غيره ويعتبرها من أملاكه الخاصه وإن مايحق لها مخاطبته أو مراجعته في أي قرار أوأي أسلوب يتخذه تجاهها أنت إذا قدرتي تعدلينه بأسلوبك وتحدثين فيه تغير فهاذا أفضل أما إذا شفتيه ماأستمع لكلامك
وجلس على نفس الموال وشفتي إن وضعه ميؤس منه
فاأفضل شئ إنك تستعيني بأهلك لأن هاذا الوضع ماينسكت عليه ولكل شئ حدود
المرأة منا لماتتزوج تبغى زوج يحفظها ويكرمها ويحترمها ويقدرها ويخاف عليها ويحسسها بلأمان معاه ما تتزوج
ناقصها ربط وجلد وبهذله أهلها يدللوها ويدلعوهاوعايشه عندهم معززه مكرمه ويجي إللي مثل زوجك المصون يلقى
له ضحية يتفنن في تعذيبها وضربها وإهانتها عنده عقد نفسية وإضرابات عصبيه ومشاكل متراكمه من بيئته ومجتمعه إللي عايش فيه يقوم يحط حرته في بنات الناس ويذيقهم شر العذاب ويستمتع بتعذيبهم وبصراحه زوجك يا أختي باين عليه ماعنده مبدأ النصح والتحذير والترهيب والترغيب ماعنده إلا ربط وجلد وكأنك مجرمة أرتكبت كبيره من الكبائر وأنا أتوقع إن زوجك سالفة الربط والجلد شكلها متأصله في عقليته ومتمكنه منذ نعومة أظفاره وإذا ماكان أبوه يسوي مع أمه كذا أو أحد أقاربه كان يمارس هالأسلوب والصورة تأصلت وثبتت في ذهن زوجك وصار يطبقها فيك بعد زواجه بك أخر شئ يا أختي إنتبهي لنفسك وقومي بواجباتك على أكمل وجه وأرضيه بما تستطيعين به إرضائه وحاولي مناقشته بالوضع هذا قبل ما تضطري تقولي لأهلك علشان ماتصير بينهم مشاكل وحزازيات بالنفس وتتغير معاملة أهلك لزوجك لاكن إذا مانفع مع زوجك الطيب فآخر العلاج الكي قولي لأهلك خليهم يتفاهموا معاه وإن شاء الله تعالى تتيسر كل أمور حياتك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله