أختصر لك الأمر .... إنتَ الغلطان..
كلنا مرينا بأزمات!! ... ومرينا بأيام نعتقد محد ذاقها غيرنا..
بس نطوف ونمشي بحياتنا ومانخليها تأثر علينا وعلى اللي حوالينا
لا تستهين بأغلاطك ولا تشوفها صغيره
{ الصلاة وتأخيرها } شيء يسبب الكسل وينشر الخمول في جسمك وحتى في قلبك اذا بغيت!
وهذا مو شي سهل .. وأمر لا يحتاج لتبرير لأنه غلط وأكبر غلط
قال الرسول صلى الله عليه وآله وسلم " ليس منا من استخف بصلاته "

{ وتأخير أمور الزوجة والبيت لمدة يوم أو يومين أو اسبوع } شي يسبب الضيق في نفس المرأة
انت تبي حاجتك أول بأول !! وأهيه حاجتها ماتنقضي إلا بعد اسبوع!!!
بصراحة شيء مقلق ويوتر!!

لا تنشد كمال انت ماعندك إياه!
وترى على فكرة المرأة عموماً ماتحب الزوج اللي وايد يتشكى ويتوجع..
لأن المرأة هي نفسها تحب تكون ضعيفة وتحس زوجها يحميها!
فما بالك إذا كان زوجها يشعرها بضعفه تحس ماعندها ظهر تستند عليه!!!

اتوقع لو آآنه مكان زوجتك .. ما اظن راح اصبر 4 سنوات
وطلبها للتغيير حق مشروع!!
غير من نفسك..
ومثل ماقالوا خواتي لا تقول " آنه بتغييير " خلها تشوف انك متغير فعلاً

وآآنه رأيي مثل رأي أختي رسيل بالنسبة لإلتهاب الكبد ... يعني آنه احط نفسي مكان زوجتك!
ماظن برضى استمر وياك ابصراحه ! اسمح لي ..
لأني باكون خايفة على نفسي وايد ..
ومن حقها تماماً إنك اتعلمها بأمر مرضك وفعلاً هذا يُعتبر " تدليس " !!
وبسبب هذا التدليس وقعت زوجتك في وهم دفعها للزواج..
ولولا إنها كانت تعرف الحقيقة ماكانت اتزوجت ... هذا توضيح للتدليس قانوناً..

أخوي كلامي يمكن يكون قاسي ... آآسفه بس ترى والله عشان مصلحتك وعشان تنتبه لنفسك

الله يوفقك