أريد نصف زوج ..!! - منتدى عالم الأسرة والمجتمع

06-01-2011, 10:56 PM

#35

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

غاليتي الله يوفقك لما فيه الخير ..

ماراح اعلق على الملتحي لانه الماضي الدفين كفت ووفت الله يجزاها الخير

بس راح اعلق على الطبيب .. مادري من وين جبتي نظرتك للطبيب .. طليق اختك مو مقياس و الناس تختلف

زوجي طبيب لذا ردي بيكون من تجربة ..

زوجي طبيب ودارس و عاش برى .. ماراح اقول وسيم عشان ما تقولوا تمدح زوجها >>>من يشهد للعريس

المهم مميزات االطبيب (وهذه شفتها في زوجي وكثير من الاطباء في عائلتي)
صبوورين .. فا مهتنهم تعلمهم الصبر و التأني ..
منطقي و عقلاني في تفكيره و في قراراته و في رؤيته للامور .. يعني تستشيريه باي امر و انتي مرتاحة لرأيه
بالنسبة للي عاش برى .. غالبا .. تلاقيه عملي .. يعني ابدا ما اتفق معاك بموضوع انك لازم تكوني على الموضة و مادري ايش ..
بالعكس العيشة بالغربة تعلم الانسان البعد عن المظاهر والاهتمام بالجوهر .. تعلمه الاعتماد على النفس و تحمل المسؤلية
غالبا اللي يكون عاش لوحده فترة .. بعد الزواج يكون جدا ممتن لزوجته .. يفرح للاشياء اليسيطة الي تسويها له
لانه عاش وحيد فترة .. فا وجود شخص يشاركه يعتبرها نعمة ....
بعكس اللي عاش مع امه .. تدلله و تدلعه و كل شي يوصل لعنده حتى كوب الماي
بالتالي لما يتزوج يتوقع من زوجته نفس الدلال و الدلع ..

السلبيات ..
انشغاله بعمله .. بس هذه بالنسبة لك ايجابية طالما و انك حابة تتفرغي للعبادات ..
فا استغلي اليوم اللي يكون فيه مناوب و سوي اللي تبيه

حتى في البيت مايكون دايما متفرغ .. لانه في الغالب يحب يقرا و يثقف نفسه خاصة في مجاله ..

بيني و بين زوجي تقريبا 10 سنوات فارق عمري و ابدا مااحسييييت بالنقص او باني اقل منه
بالعكس يدفعك للعلم و التعلم .. تشوفي المجالات اللي تهمه و تثقفي نفسك فيها
اذا يحب الاخبار او الاقتصاد او او .. فا اقراي .. منها تعرفي تناقشيهه و منها انتي كمان تتوسع مداركك

قلتي انه يميل للالتزام .. اذا بيدك ايضا تزيدي من التزامه و تكسبي اجره ...
و امه زي ماذكروا اخواتي ... اكسبي برها .. و مهما كانت غيرتها راح تكون اخف من غيرة الزوجة الاولى
وطالما انتي طيبة معاها ان شاء الله بتكون طيبة معاك

من كلامي ماودي اقنعك بالطبيب .. لا بس حبيت اعطيه حقه عشان لما تفكري بالاثنين
تكون على بينة اكثر بمساوء و ايجابيات الطرفين و ما تميلي من البداية للملتحي فقط عشان انكم مريتم بتجربة مريرة
مع طليق اختك ..

استخيري .. و اسالي اكثر و اكثر عن الملتحي و عن الطبيب و ربي يوفقك للخير

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 02:48 AM.

روابط سريعه