المشاركة الأصلية كتبت بواسطة بنت الحكمي

أنا عندي حل للي زوجها مارد على المسج أحسن شئ إنها إذا كان خارج البيت تنتظره عند الباب حتى تحس صوته جاي حول الباب يدق الباب بس تتأكد إنه زوجها بلأول وتفتح الباب مباشره بوجهه وتقول له حبيبي
أنت بحياتي كل شئ جميل أنا بحياتك من أكون وتصلب على النون حتى يرد عليها .
أو تكتبها في رساله وتحطها قدامه على أقرب طاوله أو كنب بالبيت وتحط القلم على الورقه مباشره وتكتب تحت الورقه ماراح تلقاني إلالما تجاوبني وتستخبي بأي بمكان بالبيت وتكتب له أكتب جوابك هنا بنفس الورقه هاذي وأنا أطلع لك أو إنها ترسل له المسج وتتبعه برنه جوال وتقل طبعا هو بيشوف من المتصل وحينها بيفهم شوفني تراني أرسلت لك أكيد بيستحي ويرد عليها .
أنا بصراحه أحس إن الكلام المباشروالتعبير عن المشاعر أبلغ واقرب وافيد بين الزوجين وله معنى وطابع خاص أفضل من التقنيات لأنه يلامس مسامح الأذن مباشرة ويحرك الخلايا الذهنيه والعصبيه ويفرز مادة الأدرينالين التي لها دور كبير في سعادة الإنسان وراحته
بس تراني أمزح معكم بالحل الأول لاتسونها إذا كان الزوج عصبي ويجي متنرفز لاتقابلينه عن الباب مباشره لأن العواقب بتكون وخيمه وعلى قولة أمة البديع الله يحفضها ياقاتل يامقتول إلا طبعا إللي تعرف زوجها إنه طبعه هادئ ومايعصب عادي أما العصبي إللي يجي من برى خشمه في رأس مناخيره هاذا لاتقولي له إلا إذا تغدى وأخذ قيلولة ولوصلى العصر جهزي القهوة والشاي وجيبي سوالف يمنه ويسره ومني ومناك حتى تعرفي إنك مسكتي الخط السريع معاه وقولي له يا بعد عمري يبو فلان تراني أشوفك بحياتي كل شئ جميل وأنا بحياتك من أكون وقبل مايرد أغرسي قطعة كيكه أوملعقة حلا بيدك في فمه وبعدها شوفي إيش بيرد بس أنتظريه يخلص أكل ويرد عليك إذا رد عليك برد طيب زوديه اللقمه الثانيه وقولي له تسلم يابعدهم كلهم ولقميه صحن الحلا كله بس أنتبهي لاتفجرين بطن الرجل بالحلا شوي شوي عليه.