الله يعطيكم العافيه مااااقصرتوا بردودكم
جزااااااااااااااكم الله كل خير جميعا"
ولكن صدقوني أنا أرى أن مشكلته ليست صحيه..المشكله نفووور من الزوجة نفسها
الماضي الدفين أدري أنها رفلة وأدري أنه يشكي من هذا الشئ فهوعايش معها ويتعامل معها أكثر مني
ويرى انها لاتناسبه لابالتفكير ولابغيييره وأدري أنه طااايب خاطره منها..بس أيش نسوي بينهم طفل وهي مع أن لسانها طويل بس صدقيني ماتعرف تتصرف مسكينه..وأخوي سهل أن وحده تسيطر عليه..يعني لوتزوج عليها..الزوجة الثانيه إذا ماكانت أنسانه تخاف الله بتخليه يظلم الأولى ويظلم أطفال الأولى..أنا ودي أن زوجته تتسنع وتتغير وودي أنه يتحمل ويصبر ويتنازل لأجل الأطفال.
من بعد تلك الليلة..أقصد اليوم الثاني طلعوا مع بعض وارجعوا بعد صلاة العشاء وجايبين معهم حلويات وفطائر وجلسنا مع بعض وربي رحمتها وكان الوضع عادي بينهم..وقالت لي أنهم يكملون نواقص للبيت..ولاحظت الأيام اللي بعدها صار يتقهوى فوق عندها ويفطر عندها..وكمان الليلة أخذت منها البنوته لأنها تجهز له عشى..يعني فيه تغير
أنا إذا أنتهت أختباراتي بتفرغ لها..في بالي أنزل معها لسوق نشري له هديه طبعا هي تقدمها له على أساس أني ماأعرف شئ عن الموضوع..لأنه مره قال لي أعطيها مبالغ كبيرة ولامره فكرت تهدي لي مع أني دايم أهدي لها..
وأفكر أدخل مواضيع عن تجهيز الليالي الرومنسيه وأطلع لها فوق بوقت يكون خارج البيت وأضبط معها
وأفكر كل يوم أطبخ عندها فوق ونتعلم مع بعض ونسوي أكثر من طبق..يعني حبة حبة..ومنها بعد أنا أتعلم لأنواع كثيرة من الأطباق...برضو بعطيها كم فكرة يعني كل يومين أخليها تطبق عليه كيف توصل له مشاعرها وأنها تحبه وماتستغني عنه..وأكيد روابط المواضيع اللي عطيتوني مع مواضيع آخرى بوقت فراغنا بفتح لها اللاب توب وأخليها تقراها
وبإذن الله أخر يوم من أمتحاناتي بقولها أيش رايك تقولين له بننادي أهلك يتعشون عندنا>>>>وحده ودها تتعشى عندهم خخ
لأنه أكيد بيفرح لأني عارفه اللي بخاطره وده أنها تستقبل ضيوف...وبشجعها بقولها العشى علي أنا اللي راح أطبخه وأنتي ساعديني...أما من ناحية نومهم مع بعض ..فإذا هوتكلم معي بقوله أنت متأكد قايم بحقوقها كامله؟!
يمكن يحس..أوإذا هوجاب طاري أنه يبي الزواج يعف نفسه..بلمح له أن اللي عنده زوجته
وهي برضو بعطيها مواضيع عن هالأمور تقراها..والله يصلح حالهم..
05-01-2011, 11:29 PM
ضوابط المشاركة
العرض المتطور