هلا حبيبة قلبي
حبيبتي احنا نتواصل على بيبي مسنجر يعني كل مايبا يكلمني ولا اكلمه نحصل بعض
وكلامنا على خفيف زي اخبارك وشلون الاهل ومن ذا الكلام
يعني اخر مرة تكلمنا فيها قبل اسبوع وامس قالي جمعة مباركة
وباركت له ..سالته صليت .؟ قال قصرت وجمعت وانصدمت بسفره بس سكت
بخصوص الايميلات حبيبتي هو يرسل اشياء احيانا بس انا عقدني الطلاق
يعني بدل مايرسل شى يطيب الخاطر مرسلي الي طلق زوجته وفرحان والثاني مدري وشفيه
هو يا ذكريات الحين يبغى يحتك فيني باي طريقة
وانا خايفة من الاحتكاك لا يوصلنا لطريق مسدود مابقى امل الا بطلقة وحدة وبعدين خلاص
اخاف يستفزني مرة ثانية ونوصل الي طريق فعلا مسدود
قاعدة اهرب من الاحتكاك قلت لا طابت الخواطر نتكلم على روقان ويكون الكلام وجها لوجه هذا اذا يبغى هو يفتح معي ويناقشني واذا مايبغى هذاني ساكتة
اليوم تدرين وش قالي !!
صار يتكلم عن الظلم ومدري وشو
قلت الانسان يكون مظلوم ولا ظالم
وقلت اللهم اجعلني مظلومة ولا ظالمة
قام قالي انتي ظلمتيني
قلت.. لو ظلمتك السموحة منك وابشر بالي يرفع عنك الظلم
قلت ما ارضى الظلم حتى لعدوي فما بالك زوجي
قالي وش تقصدين بكلامك تبين الطلاق يعني!!!!
لاحظي ياذكريات ماعنده حل الا الطلاق
قلت له الي متى طيب اذا فكرة الطلاق معششة براسك ترى صعب اشيلها
قال ورب المصحف ما ابا اطلقك !!!
راسي ياعالم طيب وش تبا؟؟؟؟؟؟؟
الحين وانا قاعدة اكلمك جاتني رسالة منه يقول انه يدخل المنتدى ويشوف ردودي وتستفزه
طيب انا وش قلت غير اني ما ابا اكلمه بالوقت الحالي؟

__________________

صابرة ارجعي اقرأي ردودك في هذا الموضوع والي قبل

كم مره كررتي كلمة الطلاق..

أتمنى في البداية تردين على اسئلتي بردي السابق

وبالنسبة لموضوع الطلاق فأنا بهذي الأمور يا أبيض يا أسود

ما ينفع أنتي وهو تتكلمون فيه كأنه شيء عادي تتكلمون فيه بكل حوار بينكم

انتظر إجاباتك ولي تعليق إن راد الله

اقتباس:

المشاركة الأصلية كتبت بواسطة صابرة بدنيتي الحين وانا قاعدة اكلمك جاتني رسالة منه يقول انه يدخل المنتدى ويشوف ردودي وتستفزه طيب انا وش قلت غير اني ما ابا اكلمه بالوقت الحالي؟

طيب حاولي حبيبتي ما تكتبي شي بخصوص مشكلتكم واعتمدي على نفسك بحل المشكلة وانتي الحين ما شاء الله عليكي ماسكه أعصابك وقرارك بيدك وسمعتي كل الاراء .

يمكن يتضايق انه مشكلتكم منشورة وتتناقشي فيها .. مع انه ما فينا أحد يعرفكم شخصيا

ما بعرف .. أنا جبانه شوي .. خايفه يصير المنتدى سبب مشاكل بينكم بدل ما يكون طريق للحل

__________________

هلا حياتي
والله انا قلت له ماعندي متنفس غير المنتدى وهو يعرف اني احبه
وماقلت شى يستفزه
يمكن لو يحس ان اعصابي بردت هذا بحد ذاته استفزاز له
يبيني على طول نار هههههههه
يعطيك العافية حبيبتي على تحليلك وهو فعلا صحيح
بس ياختي مالي غيركم اشكيله بعد الله
لي صديقة مقربة وهي اعتبرها جزئي الثاني بس تاخذها العواطف بالدفاع عني
ودوم تايدني الراي فحبيت اني اتكلم مع ناس انا بعيدة عنهم على الاقل من ناحية العواطف
احنا الحمد الله كلنا هنا نحب بعض ونبي سعادة بعض بس نصاحبكم حتى لو قستم علي فيها بتكون بصالحي
عساني مانحرم منكم يارب

__________________

بما انه يقرأ مواضيعك وردوك فهذا شيء ممتاز استغلي هذا الأمر لصالحك
اكتبي مواضيع وامدحي فيها زوجك وانه ما في احسن منه في الدنيا وامدحي تصرفاته وحكمته وكل شيء اكتبي ايجابيته... واكيد بعدها بيتغير..
الرجال ما يعجبهم غير المدح

واذا انتٍ كنت حابه تبوحي بمشاكلك وتفضفضي دروي على منتدى اخر ما يكون فيه احد يعرفك ولا تخلي زوجك يعرف وما اكثرهم المنتديات في النت... وما اعتقد انه زوجك راح يساوي بحث على كل المنتديات ويشوف اذا انت كاتبه شي ولا لا..

وفقك الله وسدد خطاك..