يا أخي بدل ماتجي تتشكى هنا روح لزوجتك كلمها قولها أبغاك تلبسي كذا وتلبسي كذا بعدين يمكنك ساكن مع أهلك فشئ طبيعي الزوجه مابتاخذ راحتها في لبسها وبعدين يا أخي أنت ماتشوف كلمة زوجه غبيه كبيره شوي بحق زوجتك أم ولدك يعني لوكانت ذكيه كان قرأت أفكارك وش تحب وإيش تكره وبعدين هل أنت موفر لها الإمكانات الماديه علشان تتغير تشتري وتلبس وتتكشخ قدامك على قد ماتعطي تاخذ أنت نزلها السوق وأختار لها إللي تبغاها تلبسه لك وترى الزوجه تنبسط لو زوجها قال لها أحب أشوفك لابسه كذا وإلا أحب ريحة العطر إللي تحطينه وإلا تسريحت شعرك حلوه وعاجبتي وأنت حلوه وزادك لبسك وكشختك حلاوه أنت أعطها سعرات حراريه حسسها بإهتمامك فيها ولا تخلي أمورك الماديه تأثر على حياتك الزوجيه وترى زيادة الضغوط عليك بتخليك تشوف كل شئ بعينك شين من حولك وعليك بالإستغفار والمداومه على صلاة الجماعه وأحفظ دعاء قضاء الدين وأدعي به دائما وربنا يفرجها عليك أسأل الله أن يرزقك رزقا طيبا مباركا ويعينك وتقضي
ديونك وعسى الله أن يعطيك حتى يرضيك وفقك الله لمافيه الخير والصلاح .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله