حبيبتي ... الحل بإيدك مع انك متأخره شوي لكن ان شاء الله في حل ...

شوفي ... اكبر خطأ انك تسكتين على الاهانه والمذلة ... سواء شتم تجريح ضرب استهزاء ... ولا تتحججي بالبنت
هل من مصلحتها انها تشوف امها مهانه منذلة امامها ... ؟ هل من مصلحتها انها تعيش في بيئة ما فيها احترام
متبادل ؟ بصراحه اتعجب من الزوجه اللي تقول صابرة على اهانات زوجي وضربه وشتائمه علشان عيالي ... يعني بأي
نفسية بتربي عيالها ... ؟؟؟؟

ما عليه سامحيني يالغاليه ...بس جد مستغربه الصمت هذا ....
شوفي حبوبه ... اذا تقدرين اجلسي مع زوجك جلسه جاده وقولي له ابي اتفاهم معاك على نقطة ... ولا تبينين له ان
الطفلة نقطة ضعفك ... وقولي له : انا ما قبلت فيك واخترتك وتزوجتك علشان احصل منك الضرب والشتائم ... ولا اسمح
لك انك تشتم اهلي ... بما اني اعاملك باحترام ... استحق نفس الاحترام منك ... وبس لا تكثرين .. وخليك جادة من غير
دموع .... ولا عصبية ... سمع الكلام خير وبركة .... ما سمع الكلام .... بعطيك طريقة ثانية يحرم انه يشتمك او يجرحك
او يشتم اهلك مرة ثانية ...

المهم لا تسكتين على هذي الاهانات اختي ... ترا اللي تسكت من البداية تتحمل اللي يجيها ...في امور افضل ان نتجاهلها
وفي امور اذا تجاهلناها ضرتنا ... الله يسعدك ويوفقك يا عصفووووره