انا مثلك .. طفلي كان مجنني .. وكنت اضربه لما كان في عمر ولدك.. بعدها يعذبني ضميري وصرت انا المريضه بالقولون

وطفلي كمان .. الحين عمره 5 سنوات .. ماجبت غيره لانه عقدني وجنني ..

لكن تدرين وش صار؟؟

صار هو معقد من ضربي له..

ارجوك لاتغلطي مثل غلطتي وتضربيه على كل صغيره وكبيره..

حاولي تشغليه.. جيبيله كراسه كبيييييييره اكبر حجم والوان حقت اطفال اللي ماتضر بالجلد تلقينها بالمكتبات الكبيره..

والعابه لاتشيليها .. خليها اذا نثرها في كل مكان.. عادي اذا نام شيليها ..

جيبيله لعبة ادوات الطبخ.. حتى لو انه ولد.. تراها جدا مناسبه في عمره .. لانها مره تشغله عن مضايقتك ..

ووبس .. ان شاء الله اكون افدتك باللي اقدر عليه