مافي مجال اختي انك توصلي زوجك لعمله وتستخدمي السيارة انتي أثناء دوامه ؟


عصبيتك بتجي بسبب شعورك بالفشل في ضبط أطفالك .... وعند اليأس من كل الطرق لضبطهم لا تجدي غير الصراخ ملجأ وغالبا تجدي انهم يتجاوبوا معاكي ...صح

الاطفال أذكياء جدا وبيعرفوا متى تكون والدتهم وصلت حدها وانتهى صبرها .... خليكي أذكى منهم وأظهري لهم الحزم والشدة قبل ما تنفلت اعصابك ... يعني لا تعطيهم مجال كبير لعصيانك ... عجبتني فكرة ال time out وكرسي العقاب ... لكن يجب أن يرى أطفالك الحزم بعيونك عند التنفيذ حتى يسمعوا الكلام ...

وضروري جدا مسألة الخروج من البيت ولو لمدة ساعة ... حتى لو طلعتوا بالباص لاخر محطة ورجعتوا ... لا تقفليها علينا

ممكن تنفذي فكرة المكتبة بالبيت ... خصصي وقت للقراءة والرسم وله مكان معين ثابت وله نفس قوانين المكتبة العامة ...ممكمن يتجاوبوا معاكي لو سبق وزاروا مكتبة عامة ونبهتيهم لقوانينها ..... خليه روتين يومي عندهم وبيكون فترة راحة لك

اشتركي بقناة تليفزيون عربية وافتحي عليها بخلال وجودك بالبيت ...بتعطيكي شعور بالالفة وكأن أحد يكلمك ...هذي طريقتي عند شعوري بالوحدة بالبيت .


بشكل عام ...تنوع نشاطات الطفل بالبيت تجعل منه طفلا هادئا ... لا تتركيهم يختاروا طرق لعبهم طوال الوقت ...انتي أعطيهم أوقات .. وقت رسم ..وقت تي في ..وقت لعب مع ماما وهذا وقت مهم جدا لانه الطفل يشاكس الام أحيانا حتى يكسب انتباهها له وحتى تكلمه حتى لو كان هذا الكلام عبارة عن تأنيب ..
يمكن ما بتحسي بطول فترة جلوسك على النت وخلال جلوسك يمل الاطفال ويبدأوا بمحاولات لفت انتباهك بالمشاكسة ووقت ما تقومي لهم بيكونوا انتصروا وحققوا مرادهم فيزيدوا بالمشاكسة حتى يكسبوكي أكثر ..

خصصي لهم وقت تلعبي معاهم فيه وبعدها حددي لهم أوقاتهم ونظميها ..
وربي يعينك ويهونها عليكي .