اذا اعترفت خير وبركه ؟؟ ايش مسوي الي يسمع كلامك يعتقد اني مسوي الشي الفلاني ، اخواني اخواتي بعد زواجنا بشهر سافرت لدوله عربيه لمؤتمر عالمي وشاركت فيه وفي نهاية المؤتمر عملوا حفل كبير بحضور السفراء والوزراء كان في الحفل رجال ونساء ووجدت في جيبي رقم احد الاخوات منسقه الحفل لان المشاركين معي من المملكه كان معهكم كاميرات وصوروا الحفل وطلبت مني ارسلها صور الحفل قلت حاضر وكان رقم جوالها مسجل في الاوراق معي والله نسيته ما ارميه وما في بالي لاسمح الله شي غير اخلاقي فانا متزوج من اثنتين والحمد لله ، فزوجتي تجعل كل سبب شكها هذا الموقف وانا حلفت اني مالي في الحرام واسال الله ان يغنيننا بحلاله عن حرامه .
انا والحمد لله من صغري مستقيم ولم اعمل الحرام لا في فترات الجامعه ما قبل الزواج ولا بعدها فكيف بي الان بعد هذا السن وزوجتين وذريه ان اعمل الحرام ؟
كان الشباب يغروني ايام الدراسه بالسفر الى الخارج ورفضت خوفا من وقوعي في الحرام ، ولم اعمله عندما كنت في فترة المراهقة والدراسه الجامعيه .
ولا تعلق كل شكوكها على هذا السبب . لانه عذر غير مبرر
وانا احلف لكم وقد حلفت لها بان كل الموقف التي تقول انني كنت اناظر فيها الة نساء وعملت مشكله كبيره عليها ، اقسم بالله انها غير صحيحه تقول انت ناظرت في الحرمه هذي وانا برئ براءة الذئب من دم يوسف في كل الموقف وتقلب يومنا وسفرنا الى نكبد بسبب انها شكت في نظري

اسمحلي يازوجي الحبيب ان اخالفك الراي وهذا لا يعني اني اهاجمك او انتهزها فرصة امام اعضاء المنتدى الكرام وافضح بك لا والله بل انا سترك وغطاء
وكل ماسوف اقوله للتوضيح فقط وان شكي ماجا من الباب للطاقة
طبعا زوجي الحبيب سافر لاحدى الدول العربية عشان كان عنده ماتمر وطلب مني اسافر معه قلت له مابي احرجك مع ربعك وكلها اسبوع وبترجعلي بالسلامة ولاتنسون اني كنت اثق فيه في بداية الامر والا كان استغليتها فرصة وسافرت معه وخاصا هو من اقترح علي..
البنت الي كان معه رقمها ليس لها أي علاقة بالماتمر هي كانت معزومة فقط وجلست مع زوجي وربعه في نفس الطاولة وتصورت معهم
الحفل كان فيه راقصة وتبرج وعري وماكان ضروري ان زوجي يحضره وهذي اول صدمة اكلتها كيف زوجي يحضر بحفل فيه اختلاط لانه راح الماتمر لاجل الدورات مو عشان الحفل وانا كان في اعتقادي ان زوجي متشدد ولايسمح لنفسه بالجلوس في مكان فيه اختلاط وقلة حيا...بتقلون ليش قلة حيا؟؟ برد عليكم
طبعا كيف عرفت السالفة كنت اداعب زوجي ودخلت يدي بجيب ثوبه ولقيت معه رقم من نفس الدولة الي راح لها قلت هذا رقم منو؟
قال هذا رقم المرشد السياحي وهذي اول كذبة .....معلش يازوجي تحملني
قمت دقيت وطلعت لي بنت قلت انتي مين؟؟؟ رقمك مع زوجي ,,قالت روحي اسالي زوجك وقفلت بوجهي ادق عليها ماترد ادق ماترد جن جنوني وحسيت ان الارض بكبرها لفت بي
اصريت على زوجي وش السالفة قال هذي مضيفة في قصر الماتمرات وتصورت معنا وطلبت مني ارسل لها الصور على ايميلها
ارسلت للبنت رسالة وقلت لها من باب التخويف والله لو ماتقولين لي الحقيقة لا انشر صورك بالنت وافضحك ...طبعا ماكنت بسويها بس عشان ترد
في النهاية ردت وقالت بعترف لك ............قالت انه الي كانوا جالسين مع زوجي كلهم اخذوا معهم بنات للفندق وكان في ترقيم بطاولتهم وقلة حيا
قالت لي زوجك محترم ماخذ معه لا بنت ولا سوا شى بس انه طلب رقمي عشان يرسل لي الصور...........على حسب كلام زوجي يقول هي الي طلبت رقمه
دخلت في الصدمة الثانية وخاصا اني قبل الزواج والله شاهد على كلامي اني سالت زوجي هل انت انسان ملتزم ترى انا مافي شى يشدني للرجل الا دينه وتراني غيورة اذا كنت ياولد الاجواد غير كذا علمني دامنا باول خطوة
قال ان شاء الله انه فيني خير وخصوصا ان زوجي من عائلة محافظة ماشاءالله كل اخوانه والده كان يضرب فيه المثل في الدين والكرم ومحافظين لابعد حدود اسال الله ان يحفظهم ...
المهم هنا انا قررت الانفصال عن زوجي وانا الي طلبت الطلاق لاني اعرف نفسي لايمكن اتقبل ان زوجي يتكلم جوال ولا له علاقات ولايمكن اسامح واغفر في هالشى اعرف نفسي جيدا
تدخلوا ناس بينا ورجعنا لبعض وكنت انا وقتها لو تطلقت منه كنت بكون مقتنعة تماما لنفرض ان الموضومانكشف تتوقعون انه بعد ماخذ جوالها وايميلها ماتتكون علاقة حتى وان كان زوجي ملتزم ومحافظ لكن هناك بنات متخصصين في جلب الرجال وتخريب البيوت
انتهى الموضوع بالصلح ولكن لم يصفى خاطري اتجاه زوجي ومن هناك بدات اركز عليه كثير واراقبه واشك وعندما اشوف انه يناظر اقوله انت ليه تناظر الحريم؟؟ تبيني اتبرج زيهم
عشان اعجبك ؟؟؟ عشت في خوف وحذر معه من اول سالفة باول شهر من زواجي منه وكل ماحسست بعدم الامان اقوله احلف لي عشان ارتاح وهذا يمكن الي ركب علي وسواس وصرت اهوجس حتى وانا صاحية

__________________