حبيبتي تاليتا انا ورب محمد ماعمري انتظرت المقاابل من احد طول عمري اعطي بلا حدود وخاصا لمن احبهم
صح ان زوجي ليس مجبر انه يتحمل ماعشته من حرمان اب وام ولكن يبقى هو زوجي واقرب الناس لي وهو الوحيد الي يقدر يفهم ظروفي ويقدر يعوضني عن كل سنين القهر ..والله اني مدحه كل يوم ومن كثر مااقوله كلمات وحركات قوية صار يحس انه ملك زمانه وعلى قد مااعطيه كلام حلو على قد مايتجاهلني ويعتبرني ولا شى يمكن يشوف نفسه اقل مما اقوله فيقول هذه انسانة تافه ..اقسم بالله اني قلت له لو العبادة لغير الله كان عبدتك استغفر الله العظيم والله انه ماتحرك فيه ساكن او مثلا ماحاول يقول كلمة تحسنني اني وصلته الي مرحلة العبودية
ادري انك بتقولي اني مبالغة بس هذا الي صار ياعيوني ...تاليتا حبيبة قلبي والله اني شايلة عليه عبئ الحياة ومخففة عنه مصاريفي عشان ماثقل عليه ولا عمري قلت له خذ قرض وسفرني ولا اشتري لي ورغم هذا تروح فلوسي بالعطورات واللبس وماني مخلية بجهدي تقصير والهدف ابيه يشوفني احلى وحدة وحتى بوقت ماتكون علي العادة الشهرية اكرمك الله اريحه واخليه ينام وهو مبسوط ..سامحيني على قلة ادبي بس ابي ابين لك اني والله اسوي اشياء واشياء والمفروض هو بوقت انا علي الدورة كرم الله وجهك يحتويني لان والله نفسيتي تكون بالحضيض
ابدا ياتاليتا ماعنده اعتبار للنفسيات ولا الضغوطات ..والله ياحبيبة عمري اني صرت اكشخ واتعطر واللبس اروح لصديقتي وتقولي يافلانة تراك عيونك حلوة تراك تفتنن هي تقولي هالكلام وانا تنزل دمعتي اقولها صحيح؟؟ طيب زوجي ماقد قالي كذا ولا مدحني ولا حسسني اني حلوة ولا كشخة على الاقل يزيد عطائي مو احبط .....اقسم بالله ياروحي اني صرت اطالع بالمرايا واشوف نفسي بشعة اقول يمكن ماني حلوة وزوجي عافني مع العلم ان الناس تقول عني جميلة ولي تاثيري
واتعرض للغزل لا طلعت الاسواق او اماكن عمومية ,,ورب المصحف ماهمني االاخرين لكن همني زوجي الي احاول اصير جميلة بعيونه وهو ماهو مقدر الشى ذا
وحتى باالاوقات الحميمة يخلص ويعطيني ظهره واحيانا اصير اسويله مساج وابوسه وهو نايم وكذا مرة دفني وربي تنزل دمعتي بجوف الليل واقول هذا شكله يكرهني بيني وبينه متر في السرير ,,قلت له يازوجي ياحبيبي ترى ابيك تحضني وقت النوم تكفى وربي مايجيني النوم الا وانت حاضني ,,الجنس بدون مقدمات
يخلص وينام وقد نبهته لحلقة من حلقات الشقيري بعنوان الثقافة الجنسية عند رسول الله عشان يستوعب ان الرسول كان يتكلم عن مايسمونه الغرب الان الاورقازم وان الزوج مايقع على زوجته زي البعير ويخلص وينام الشى هذا انا مرة يدمرني ....ادري اني حساسة بالحيل لكن عاد الشكوى لله شسوي حاولت اصير عادية ولا اهتم واسوي زيه واعطيه ظهري وانام بس وربي ماقدرت...ماخليت مسجات حب وغرام وشوق وربي من قوة المسجات احس اني صرت شاعرة احس ان عواطفي تعدت حدود المعقول وفاضت علي اكتب له وانا العبرة تخنقني ....المسالة ماهي مسالة انتظاري للمقابل بس انا احتاج له واحتاج انه يرضي مشاعري ويشبعني واذا ماشبعت منه هو الي حلالي اشبع من مين؟؟
تاليتا انا والله مابي اسمع كلمة من رجل غيره واتعب نفسيا وياثر علي الشيطان
انا ابيه هو الي يشبعني ويخليني اشوف الرجال قدامه حريم ...انا والله ان ثقتي بنفسي انسحبت مني بتعامله معي وجفافه صرت احس انه مايرغبني وان كان هذا غير صحيح وتاكدي حبيبتي ان الكلام الطيب له اثر علينا ..ابي اقولك معلومة ياروحي ان زوجي كانت تنزل دمعته عشاني وكان يدعي الله ليل نهار انه يالف بين قلبي وقلبه وفعلا تحقق ماكان يتمناه لاني ببداية الزواج ماكنت احبه ولا كنت اعطي ربع ارباع ماياخذ مني الحين بس كان يسعى لرضاي وكان يتمنى كلمة حلوة مني تسعده ...وبعد ماغرق في الهوى وتشبع بكل عواطفي الجياشة صار عنده كل شى عادي وقسم بالله يمكن لو اجيب له بساط ريح واطيره فوق سابع سما بيقول ترى عادي أي زوجة تسوي مع زوجها كذا وهذا فعلا ماسبب لي احباط وبديت اقلل من عطائي في الايام الاخيرة لاني صرت اشوف في الحالتين عااااااااااااااااااادي
اتمنى انك فهمتيني يابعد روحي اتمنى انك حسيتي بي وبالي انا ادوره----احبك في الله وسامحيني على الاطالة.

__________________