نكمل..



اليوم الأول كان يوم الجمعة..


قمنا الساعة 8 الصبح عشان نفطر.. وكنا متفقين مع السواق يجينا الساعة 9..

وكان برنامجنا أول يوم حديقة الحيوان..


بصراحة أنا مو مرررررة مع حديقة الحيوان لأني أكره ريحتهم!!!
بس لازم الواحد يكون شوي فرش في السفر عشان ما يضايق اللي معاااه..
وعشان بعد بنتي تستانس .. بس المشكلة كان الجو رطب وحاااااار..
هذا اللي شوي بيخ الرحله.. وماخلاني أصور كثير..

المهم ..

هذي الصور لقطتها وأحنا نمشي بالطريق رايحين لحديقة الحيوان.









الديرة ديرة دبابات.. الصغير الكبير.. الحريم الرجال كلهم يسوقون..







سبحان الله الطبيعة عندهم خرااااااافية..







وصلنا طبعا بعد طريق تقريبا ساعة ونص..

وما قدرت أصور لكم المدخل لأن السواح الأجانب مالين المكان.. وطبعا اللبس ما يحتاج.. لذلك ما صورت..


الحديقة كبيرة مرررررة..فيها مدينة مائية.. للي يبون يسبحون.. وفيه سفاري بس مو قد كذا.. وفيه ركوب الفيله..

فلازم نركب قطار يودينا لخط البداية..

وكان خط البداية اللي هو عالم الحيوانات..

وهذي أول صورة..



مشاء اللخ الأخ نايم.. ومعطينا مقفاه.. للاسف ما خلانا نشوف خشيشته..




وهذا النمر الأبيض..







هذا بصراحة مدري شنو بالظبط.. هو خنزير .. ولا أكل النمل .. ما أدري المهم هو واحد منهم..
بس بصراحة تحسفت اني أحط أسمي على الصورة .. بس الشكوى لله..








وحنا متجهين للسفاري .. شفت لكم هالشي الحلو..










رحنا للسفاري بس مثل ما قلت لكم مو قد كذا.. يعني عادي مو عجبه.. فما نزلت لكم الصور لأنه سفاري بونشاااااااك يجنن ..




انتهت رحلة حديقة الحيوان.. ورجعنا للمنتجع قبل المغرب بساعة عشان نلحق نسبح بالمسبح قبل لا تعتم الدنيا..





انتظروني في برنامج يوم السبت..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))