اولا حمدالله علا سلامتكم من سفركم والله إني يا أخت همس كل شويه أشيك علا الموضوع وأتابع التطورات والحمدالله إنك أنت وزوجك شفت عمك وتطمنتوا عليه وزوجك شئ أكيد إنه كل ماشاف أبوه بيتعب لأنه حاس وعارف عن أشياء
يمكن أنت وعمتك وبنات عمك ماتعرفونها
عن مرض ابوه فهاذا اللي محطم نفسيته
بزياده وكلنا نعرف إن مرض عمك مرض
مميت إلا من أراد له الله بشفائه فزوجك الحين محتاج لأحد يذكره بأن هذا إبتلاء من الله حتى لايتملكه اليأس لأن الإنسان وقت المصايب يحتاج إلى من يذكره بلأحاديث والآيات الكريمه التي تحث على الإبتلاء والصبر نحن نعرف إنه إنسان مؤمن ويعرف تلك الآيات والأحاديث لاكن عندما تذكرينها له مره تلوى الأخرى بيحس وكأنه أول مره إستمع لهاوسترفع معنوياته لأنه الحين باله مشغول ومايتذكروما يشوف إلا تعب أبوه قدامه أختي همس إنتي الحين ريحي عند أهلك يومين بس خلك قريبه منه بلإتصالات بالذات وقت ماتحسين إنه مختلي بنفسه ويكون لحاله حاولي تكلمينه وتسولفين معه ولاتتركيه إلا لوحسيت إنه بينام لأن الوحده هيه إ للي تجلب الهموم والتفكير بلأحزان وحاولي لوخلصت الأشغال في بيت عمك بسرعه روحي جنب زوجك وأوقفي معاه وسانديه وشدي من أزره قولي له يبو فلان لاتسوي بنفسك كذا عمي الحين بحاجة وقفتك معاه وليس بحاجة دمعتك لأنها لو نزلت قدامه بتكسر نفسيته وتزيده ألم علا ألم وهويشوف عياله يبكون عليه وبتزيد حسرته ويتسرب إلى نفسه إحساسه بمغادرت الدنيا وفراق أهله وأولاده فهو الآن يحتاج إلى صمودكم وثباتكم أمامه حتى تبثوا روح الأمل في روحه ونفسيته ويحس إن عياله حوله متفائلين بشفائه عندما يرى روحهم ومعنوياتهم مرتفعه ويخلون املهم بالله كبير وقولي لزوجك الله ما أخذ إلا ليعطي وما أدراك إن الله أخذ صحت عمك إلا لكي يعطيه الجنه بدلا عنها
فأسأل الله عزوجل أن يشفي عمك ويخفف عنه ما أبتلي به وأسأله أن يصبر قلب زوجك وقلوبكم أختي إن غدا الجمعه وسنسأل الله جميعا بإذنه تعالي مع النداء الأول في صلاة الجمعه الشفاء لعمك نسأل الله أن يشفيه شفاء لايغادر سقما وأتمنا من إخوانا وأخواتنا الدعاء لعم همس بالشفاء العاجل ربما بينناشخص لوأقسم علا الله لأبره ودعوته مجابه عند مالك الملك وما نحن إلا فقراء عند العزيز المقتدر سباحنه تجلى شأنه وهوالقادرعلى ذلك .







‏ ‏

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله