والله موضوعك حلو ....


يلا خلينا نشوف ردود الرجال < وبالأخص اللي يقولون المرأة وظيفتها في بيتها ومو لازم تعمل !!!


والله العظيم اني كثييييير أشوفهم يعانون من هالمشكلة .... مع ان ازواجهم موظفين برواتب عالية ..


لكن يتعذرون بكثرة الديون .... واذا أعطى يكرم مرة وحدة ..... وبعدها يبطل !


ووحده من قريباتي تقول زوجي مايقصر ابداً بحاجيات البيت يترس البيت ترس لحم وسمك وخضره وفواكه من كل الانواع ..

يعني كل فلوسه تروح على الاكل وأغراض البيت والعيال ....

أما اذا جت تبي تشتري ( ملابس ماركة والا مكياج والا فستان سهرة بسعر محترم .. )


يبدا يعصب ويتذمر وتبدأ الأعذار ويلومها انها ماتقدر تعبه وكفاحه ..!

مع ان راتبه حلو ... لكن ينظر للأمور هذي انها دلع ومالها داعي ...


أقول والله مافي أحسن من الوظيفة تعيش الوحده هي وعيالها أحلى عيشة ....

__________________
بنفس القدر من الجهد نجعل أنفسنا أقوياء أو ضعفاء

__________________

ترا هذه الأمور فعلاً دلع ومالها داعي

يا أختي نحن لا نؤيد البخل ولا نحب الرجل الشحيح ... ولكن كوني حقانية .. فالرجل بشاهدة زوجته لا يقصر في بيته أبداً ويقوم بواجبه نحوه على أكمل وجه .. وأزعم أنه لا يشتكي لأنه يدرك أن هذا واجبه وهو ملزوم به.

وبعدين لا تنسين ان السالفة مب سالفة أكل وبس .. هناك فواتير ورسوم دراسية ومصاريف طبية .. ويمكن إيجار بيت إن لم يكن عندهم بيت ملك .. كل هذا على ظهر الرجل.

أما حكاية الملابس والماركات .. فنعم هذا ترف زائد عن اللزوم .. وطبيعي أن يستثقل الزوج الدفع على هذه الأمور لأنها غالية بشكل مبالغ فيه ولأن الهدف الأساسي من شرائها واستخدامها هو المنظرة والاستعراض أمام الأخريات .. وهو مب محصل فلوسه في الشارع.

والزوجة اللي تحب تتدلع مثل هذا الدلع فالمفروض تتدلع على حسابها .. أو على الأقل تتحمل نصف قيمة هذا الدلع وهي ساكتة.

__________________


اللهم طِيبَ الأثر .. وحُسْنَ الرحيل.