ياقلبووو عليها لسه صغيييرة

وماشاء الله عليها كل اللي سوته انها كلمت 4 مرات من جد بريئة

الزمن هذا زمن يخوووف وبنات اصغر منها بكثير بتحصل منهم حاجات من جد ماتجي عالبال والواحد ينصدم اذا عرفها

تبغى الرأي الصحيح :

اولا .. انظر لحال اهلها والبيئة اللي خرجت منها ، لانه في الغالب الانسان اذا غلط مرده يرجع لاصل التربية

ثانيا .. البنت كانت في سن مراهقة وهو السن اللي يحصل فيه انجذاب للطرف الاخر وتحس البنت انها كبرت وتبغى تحس بانوثتها من خلال اعجاب الجنس الاخر بها

ثالثا .. واضح انه البنت بريئة وطيبة وعلى نياتها بدليل انها ما تعاملت معاك على انك زوج ، وانما شافت فيك السند والعزوة ، ودام انها صارحتك بهذا الشي فهذا معناه انك وصلت في قلبها لمعزة يمكن تكون اكثر من معزتها لاهلها

رابعاً .. البنت لسه صغيرة بدليل انها ماتفكر في عواقب الامور ولا تعرف تأثير موضوع زي هذا على الزوج

خامساً .. البنت شافت فيك انك الشخص الوحيد اللي ممكن انه يحميها حتى من نفسها وهي باعترافها تبغى تحس انه لو صار في يوم أحد ضايقها او آذاها انها ما بتلجأ لاحد غيرك

سادساً .. اعترافها دليل ثقة كبيييييييييييييرة جدااااا فيك ماشاء الله ودليل حب صاااااااااااااادق لك

أنا رأيي بصراحة انه البنت عجينة في يدك امسك عليها بالمعروف و لا تعاملها معاملة الزوج لزوجته وانما ربيها على الاسلوب والطريقة اللي انت تبغاها لانها الان في سن يسمح بالتقبل خاصة انها وثقت فيك وقالت لك على اللي في نفسها

وطبعا ما اعتقد ابداااا انك صدقت انه مشاعرها كانت حب ، هي خرابيط المراهقة ومستحيل تاخذ مساحة وحيز في عقلها ومشاعرها

خليك معاها ولا تتخلى عنها ولا تعاملها على انها زوجة كبيرة ناضجة ، واحرص على غرس القيم الاسلامية في بيتك من قنوات اسلامية ومحاضرات وندوات ودور التحفيظ .. الخ

لانه الخوف من الله هو الدرع الوحيد ضد الفتن

الله يفرج همك ويريح قلبك وخاطرك