اولا هذا مقدر ومكتوب لها إنها تتزوج من غيرك وهذا نصيبها تتزوج وتطلق وترجع لك لأنها يمكن حست إنك كنت تبغاها ومتمسك فيها لاكنهارفضتك وتزوجت غيرك وشيئ أكيد إنها ماتوافقت وياه وتطلقت وحينهاصدقت المثل إللي قال خذ من يحبك وأترك من تحبه لأن إللي يحبك يضحي بكل شئ لأجلك لاكن اللي تحبه يذلك ويتغلا ويشوف نفسه عليك فتذكرتك علشان كذا تبغاك تتزوجهاالحين
وثانيا أخوي إذا كانت البنت صاحبة دين وأخلاق وأنت تحبها وتبغاها وباقي قلبك متعلق فيها وهذا أناماحسيت فيه من طلبك للأستشاره إنه مازلت تفكر فيها وتبغاها فتوكل على الله وأستخير وتزوجها وشوف ترى ممكن إنها حطت ببالها إنك للحين ماتزوجت إنك مازلت تفكر فيها كزوجه فعلشان كذا أرسلت لك وتلقاها الحين ندمانه علارفضهالك من البدايه إنت لوتحبها تزوجها بس بشرط حتى حياتك الزوجيه لاتكون فيها منغصات هذا الشرط هوإنك تنسى إنهارفضتك في يوم من الأيام وإنها تزوجت من غيرك وتطلقت ورجعت لك إذا شفت نفسك تقدر علاذلك فتزوجها وبالذات إذا كان باقي لهافي قلبك مكان فلإنسان إللي تحبه مستحيل تكرهه وتصدق فيه أبد وحاول لوعندك أخت تعرفها خلها تزورها وتجس نبضها هل هي فعلا ندمانه علا رفضها لك أوإنها عندها مشكله من لقب مطلقه وبتهرب من هلقب أو هيه ردة فعل منها لطليقها وتبغى تثبت له إنها ألف واحد يتمناها بدليل زواجها بعد طلاقها بشخص عزابي
إللي هوأنت فأنت لا تستعجل وتصرف بعقلك ولا تتصرف بعواطفك حتى لاتندم أخي يسر الله لك أمرك وإن كان لك فيه خيروسعاده نسأل الله أن ييسره لك وإن كان فيه شقاء وتعاسه صرفه الله عنك ونسأل الله لك التوفيق لمافيه الخير والصلاح.