29-09-2010, 04:45 PM
29-09-2010, 07:34 PM
30-09-2010, 12:13 AM
30-09-2010, 12:22 AM
|
المشاركة الأصلية كتبت بواسطة مسك الحروف
انا راح اعطيكم ,,,,,
امر وعتاب وهمسة ماراح اقول مين الغلطان انا ابغى كل واحد فيكم يقول انا غلطان عن قناعة ذاتية بعد مراجعة حساباته الأمر ,,,, يا ام عبد الله تشيكي وتغندري والبسي احلى لبس وكوني في ابهى صورة يابو عبد الله البس وتهندم وخذ ام عبد الله لـ أحلى كافيه ( مومطعم ) وجلسو جلسة رومنسية متقابلين وكل واحد فيكم يطلع ورقة وقلم ويكتب اللي يبغاه ونفسه فيه من الطرف الثاني بس ( يعني مايكتب عيوب ولا تعليق ) بس يكتب اللي يبغاه بعدين تبادلو الورق وكل واحد يقرا طلبات الثاني ويناقشها في حوار ودي عميق بدون مراجعة الماضي وذكر احداث سابقة وان شاء الله تطلعون بنتيجة حلوة ,,,,,وعلى فكرة الطلبات تكون في قالب عاطفي وليس امر فرضي اما العتاب ،،،،،، فأبدا فيه بزوجة لأنها السكن والباس والحنين ورمز العطاء والمودة ,,,,يااختي الكريمة التعامل مع الرجل بندية امر فاشل والعناد نهاية الندم والخسارة مهما كان الزوج له احترامه وله السمع والطاعة فيما يرضي الله ولاتنسي انه جنتك ونارك وطاعته حق من حقوقه العظيمة وللاسف انك متهاونة فيه كثيرررر ويعني لما امرك تقصي اظافرك وطنشتيه تخيلي طول فترة تطنيشك شايلة اثمه نعم اخذت الاثم لاتتهاوني في صغير وربما اثمه يكون عليك كبير بطول المدة ولما طلب منك تجي تنامي وتتركي السهر هذا دليل ان زوجك يحبك ويبغى قربك يا اختي في ازواج كثيررر مطنشين زوجاتهم وهمهم السهر برى البيت انت في نعمة كبرة فحافظي عليها حتى لو مافيك نوم صيري جنبه وسولفي معه او تسلي بشي تحبينه مثل القراءة او مشاهدة التلفزيون ,,,,عودي زوجك ينام في دفى حضنك يجلس على انفاسك انا وحدة ما احب اكون في مكان وزوجي في مكان ثاني وحنا في بيت واحد حتى اذا بطبخ في المطبخ اصلح الشاهي وخليه يتقهوى قدامي وانا اشتغل صدقيني يصير خاتم في صبعك ووقت نوم الرجال يكون جوه حميمي تقدرين تقنعينه بشي هو مو مقتنع حتى فيه بس بذكاء ,,,لاتنفرينه منك ترى الرجال له طاقة معينة يا بو عبد الله ....اترك عنك المثالية في القوامة اذاكانت زوجتك عنيدة تعامل معها بعاطفة تروضها فيها قالو في الامثال ( الخيل من خيالها والمرة من رجالها ) انتهى زمن سي سيد انت في بيتك شريك حياة مو ريس ومرؤس المفروض منك انت اللي تشيل عنها مو هي اللي تشيل الاغراض ,,,,رفقا بالقرارير وطلباتك مالازم تكون اوامر تكون في قالب عاطفي حنون مثلا بدل ماتصدر الامر بتقليم الاظافر غير اسلوبك وقولها اصابعك تكون احلى وانعم اذا قصيتي اظافرها او امسك يدها ووضمها في صدرك وقول لها اه اظافرك اذتني ,,,,زوجتك تحتاج عاطفة وحميمية في التعامل ولا تقول هي ماتعاملني بنفس المعاملة .... العطاء لايكون في نفس الوقت بل الامر يحتاج لصبر زوجتك مثل الوردة لها عبير وجمال بس تحتاج انك ترويها بالماء العذب عشان تورد ,,,, الجفاف مايجيب نتيجة بل بالعكس يكثر الشوك همسه ,,,,,,,,,, ياأم عبد الله كوني انثى بمعنى الكلمة ذات غنج ودلع وحنية وعاطفة ,,,,ارتقي بأنوثتك وستخدمي حيلك الفطرية في تحقيق مطالبك واخذ حقوقك البسي ثوب الجاذبية في تعاملك حتى يتحقق املك وكوني لزوجك امة يكن لك عبدا ياابو عبد الله ..العافية عشر اجزاء كلها في التغافل حاول ان تتغافل الاشياء التافه ولا تلح في طلباتك وليست زوجتك موظفة حتى تحاسبها انما هي نصفك الاخر كن عفويا ومرنا وبحث بطريقتك من اين تأكل الكعكة وغير من اساليب تعاملك من الشجار الى العتاب الودي ومن الامر الى الطلب ومن التدقيق الى التطنيش اما الكذب فأنه اذا دخل الحياة احبطها فتجنبوه |
30-09-2010, 12:36 AM
30-09-2010, 02:57 AM
30-09-2010, 07:17 AM
30-09-2010, 08:52 AM
|
المشاركة الأصلية كتبت بواسطة شاري السعادة
[FONT="Georgia"]السلام عليكم ورحمة الله
في البداية أنا عضو جديد معكم آمل الصبر على وعلى مشاكلي الى كل شوي أبستشيركم فيها... أنا يا أخوان وأخوات لي تقريبا ثلاث سنين متزوج ومن ذيك الساعة وأن وزوجتي من مشكلة إلى مشكلة وعلى أشياء تافهه بس تتطور وتكبر ولا أدري وش السبب. والحين أبعطيكم بعض صفاتي وبعض صفات زوجتي ثم أبعرض عليكم مثال حدث بينا وهو آخر شي صار. صفاتي على قولها : 1ـ ما أقولها كلام رومنسي. 2ـ عنيد. 3ـ واثق من نفسك. 4ـ ما أعطيها حقوقها. هذي أهم ما تصفني به.... طبعاً أنا راح أكون صادق لأني أبي الحل وأبي أشتري السعادة بأي ثمن. الصفة الأولى (مانيب رومنسي) إفتراء لأنها تشوفني أحسن منها وعودتها على أني دائما ما أبادرها بالرومنسية ثم توقفت وقلت لها ليش ماتسوين مثلي ترا أنا لي أحاسيس مثلك أبي مثل ما تبين .. بعد ذلك صارت تتهمني بها الشي. ـ الصفة الأولى (عنيد) ربما أكون عنيد في حاجة وحدةإذا طلبت منها شي ولا نفذته عاندت عليه .[ ـ الصفة الثالثة (واثق من نفسي) الحمد الله واثق من نفسي لأني نجحت ولله الحمد في كل شي الا معها فسبحان الله في عملي نجت حيث إني تسلسلت في العمل من رئيس قسم منذ أن كان عمري (25) سنة إلى مدير وأنا توني صغير في السن وعمري الأن (27) سنة وما أدري ليش حارقه رزها المفروض تفرح وتستانس وتفتخر بي لأني زوجها والي يحصل لي يعتبر لها بس ما أدري ليش ما تقتنع بهذا مع إني سبق وأنقلت لها ها لشي.ـالصفة الثالثة (ماتعطيني حقوقي) هذه إفتراء وكذب عيني عينك وكل ما سألتها طيب وش هالحقوق تقول أنسى ما أذكر . أما الصفات الي أشوفها فيها ومن أهمها : 1ـ العناد. 2ـ عدم الوضوح. 3ـالكذب. 4ـ عدم إظهار الإحترام بتاتاً. 5ـ رفع الصوت والصراخ. 6ـ العصبية الزائدة والمزاج المتعكر. 7 ـ الشك وعدم الثقة. طبعا راح أشرح هذي الصفات بشكل موجز.. زوجتي وحبيبتي وإم ولدي في عناد بشكل غير عادي وملحوض بس هي تقول لا أنا ماني عنيدة ما أدري صادقة والا تستهبل .. وبعدين ما هي وضحه معي في مقاصدها ولا طلباتها فأحيانا تسألني عن أشياء وأقول ليش تسألين تقول عشان كذا وفي النهاية أكتشف إنها تسأل عشان حاجة ثانية ... الكذب وهذا بعترافها تقول أنا كذابه بعدين تراجعت وقالت ماقلتها ... أما عدم الإحترام فحدث ولا حرج فمثلا أدخل البيت ومعي أغراض ما تقوم تقابلني وتاخذها مني وبعد ماكلمتها وفاهمتها صارت تقوم وإذا زعلت صارت تقوم ببطء وأحيانا تعرف إن مقعدي في البيت معروف وألقها جالس فيه وتعرف إني أبي أجلس فيه ماتقوم تضل جالسه ولا كنها شايفتني طبعا أنا أروح أقعد في مان ثاني وأسكت وأحيانا أدخل البيت وألقاها منسدحة والا رافعه رجولها ما تقوم تتعدل تنتظر لين أمر من جنبها ثم لين شافت ملامح وجهي تغيرت بدأت تتعدل.. أما رفع الصوت فمجرد ما يكون بينا خلاف خلاص تنقلب (مايك) إزعاج وصراخ حتي تتهزأ بي وبكلامي وأسلوبي وتسكر أبواب البيت في وجهي بكل قوة .... العصبية مثل ماقلت بس أزيد عليها بأنها دايم تتلفض بألفاض مشينه ولا يجوز نطقها شرعا مثل أنا أكرهك أبزين في أكلك (سم) طلقني بين وبينك المحاكم وأنا أدري إنه منغير شعور بس ولو المفروض تثبت وما فيه شي يستاهل هذا كله.... إلى أن وصل الأمر ومدت يدها علي وضربتني آآآآآآآآه ماقول إلا الله يهديك يام عبدالله.. أما بخصوص الشك وعدم الثقة فكل شي أسويه دائما ما يتبادر لذهنها أني أقصد من وراه شي سيئ لها وأن أقولها يا حبيتي تراك زوجتي وقريبتي ولا يمكن أرضي عليك بشي إنت نصف الثاني إنت شريكت حياتي وعمري ومع ذلك عجزت أقنعها وعلي سبيل المثال لما أقول وأصف خواتي إلي ماتزوجن (بالبنيات) تقول ليش تقول لهن بنيات يعني أنا عجوز !!!!!!أما آخر شي صار وأبي ياخوان وأخوات حكم منصف والله إن صرت غلطان لأعتذرلها أعشيها في المطعم إلي تبي وأهدها حاجه حلوة ..... بس قولوا لي الحق وعلى فكره ترا راح أخليها تقرأ الموضوع .. لأني ما أبي أظلمها في شي.. السالفة هي سلمكم الله ولله الحمد إنها قصيرة عشان ما أتعبكم ... وحنا جالسين على الكنبه في الصالة طالعت إيديها إلا وأشوف أضافر أصابعها طوال بشكل أنا ما أحبه وهي تعرف الشي هذا بعدين قلت لها وش تبين بها الأضافر قصيهن الله يهديك ثم سكتت وسكت جا اليوم الثاني ولا سوت شي ونبهتها ولا ردت علي وقالت عندي موعد في المستوصف وأبيك توديني قلت سمي أبشري بعد المغرب رحنا المستوصف ورجعنا ثم قلت لها ورا ما قصيت هالأضافر ثم قالت أنا مانيب طالعه عند رجاجيل وبعدين هي أضافري وش دخلك قلت وشلون وش دخلني كل شي فيك لي دخل في الا مايغضب الله عزوجل قالت أصلا إنت فاهمها غلط تقصد (القوامة) المهم سكتنا وجا اليوم الثالث والله الأضافر ما أنقصت ورجعت ونبهتها بكل هدوء وترجع تقول نفس الكلام وزادت شفتني صلحت لك عجين بأضافري بعدين أن حره طيب أنا أبيك تخفف شاربك ليش ماتخففه لا تقول لي هذا شاربي مالك دخل!!!! ومن هالكلام عاندت وأنا صراحة مارضيت بأنها تسفهني كذا المهم خليتها حتى جانا الليل حوالي الساعة (12.30) وقلت ليش تسهرين لحالك يالله خلينا ننام سوا وهي طبعا تحب السهر ولو لوحدها حتي الفجر وهذي عاده أكرها فيها قالت إ(نشاء الله)صراحة أنبسطة واستانست من كلمتها وأثرها تسكتني مادريت جلست أنتظرها ولا جاني نوم حتي جلست تقريبا حول الساعة ورحت لها قلت وليش ماجيتي قالت مافيني نوم قلت مايخالف اليوم حاولي بكره راح تتأقلمين جلست لها شوي في الصالة وجت ثم قعدة على السرير نص ساعة وقامت رحت وراها وقلت ليش قالت ما أبي أنوم قلت وأنا ما أبيك تسهرين لوحدك ومن هالكلام حتي رجعت على نفس الموال وجلست بس أكثر من نص ساعة وقامت ولحقتها وقلت ليش إنتي كذا تبين أعاملك مثل الطفل أطفي الأنوار وأنا أقدر ولا راح تقدرين تسوين شي قلت ليش ماتسمعين كلامي من البداية وتجين بعدين ليش ما قصيتي أضافرك مال كلامي عندك إحترام ولا قيمة وكنت وقتها صراحة بديت أتنرفز بعد الهدوء المهم قالت لي والله إنت العنيد قلت وشلون أنا العنيد وأنا من ثلاث أيام أقول لك قصيهن بكل هدوء ومطنشتيني المهم قلت يالله الحين روحي قصي أضافرك وتعالي نامي الي صار إنها دخلت ونامت ولا قصت أضافرها بصراحة كنت عاد نويت بشي ثاني غير اليمين ولا الضرب بس تعوذت من الشيطان وقلت أبقول لها آخر كلمه إن سمعت وإلا الله يدلني على الي فيه خير وقلت لها ليش إنتي تبين تهينين كرامتي وأخيرا قامت وقصت أضافرها ورجعت ونامت....... وهذي كل السالفة وأنا الحين صراحة ما أخذ عليها في خاطر كثثثثثثثثثثثثير. قبل لا تجاوبون وتقولون أرائكم تذكروا إني أحبهااااااااا وأموت في ولدها وهي نفس الشي ... بس ماأدري ليش حنا كذا..FONT] |
30-09-2010, 01:41 PM
nly human9
30-09-2010, 03:41 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
