مشاكلكم عااااااااادية..

بس يبي شوية حكمة.. قضية الأظافر.. بما اانه مانفع اسلوب التصريح ..ممكن تقول لها باسلوب التلميح..

مثلا: بصرااااحة انا اقرف ما علي اشوف الاضافر الطويلة!!

حتى الاكل ما اشتهيه.. وإذا طبخت شي لا تاكل من اللي تطبخه..

طبعا هي راح تلقاها فرصة انها تفتك من الطبخ ولا راح تطبخ!!!

عااااادي انت خلك ذكي وقولها انا اليوم معزوم .. وشف لك أحد أخوياك وتغدو سوا.. أو عند أهلك ..

أو إذا عندكم ديوانية أو أستراحة خذ غداك ورح هناك مدة اسبوعين ثلاث..

طبعا هي راح تغلي غلي.. وإذا قالت لك وشفيك متغير!!

قول لها والله لا متغير ولا شي.. بس كل الموظوع أني أقرف من الأظافر وانت ولا همك.. وش تبين أسوي أموت جوع!!

ـــــــــــــــــــــــــــــــــــــــــــ

وبالنسبة لقضية السهر..

طيب ليش ما تسهر معاها!!!

يعني انت تبيها تسايرك وتتغصب النوم وانت ماتبي تسايرها وتسهر معاها..

وبعدين هذي حرية شخصية مو نونو تبيها تنام نامت تبيها تقوم قامت..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

تحط صفاتك لانك تبي تكون حيادي ومنصف مثل ما تقول وبعدها تنفي كل الصفات

تقول انك كنت تبادر بالرومانسية .... كيف يعني ؟؟؟ الانسان يصير رومانسي نص ساعة وبعدها تنتهي المبادرة ؟؟؟؟؟؟؟؟؟ تكون رومانسي يعني انك تودها .. تعاملها بود وحنان ولما تطلب شي ما يكون بصيغة الامر وكأنك ضابط كتيبة ..انت فاهم معنى الزواج وحقوق الزوج غلط .. الزواج شراكة بين اثنين بالغين وتتم الامور بالتفاهم والمودة .

والظاهر انه أم عبدالله مو عارفه حقوق الزوج ... حتى لو ما شفتي منه مودة بتعامله معاكي لازم تطيعيه حتى تكسبي رضى رب العالمين ... مافيها شي لو قصيتي أظافرك لما يطلب منك ..ما اعتدى على حريتك الشخصية لما طلب تقصيهم لانه أظافرك اللي راح تطبخ له ... ادري انه طريقته كانت فيها استفزاز لانها بصيغة الامر لكن كان لازم تطيعيه وخلي عنك العناد ... العناد صفة تأذي صاحبها قبل ما تاذي اللي حواليه خاصة العناد مع الزوج .

يلزمكم مثل ما قالت اختنا لمني بشوق جلسة حوار هادية يكون الاحترام من الطرفين هو سيد الموقف وكل واحد يشرح للثاني اللي مضايقه ..