انا أشوف إنهاقلت في هذا الوقت لأنه صارت الوحده ماتطلع إلا لواجب مثل زيارةحرمه ولدت أو زيارة مريض او عزا لميت لقدرالله أنا بالنسبه لي أجتمع بصديقاتي بالشهر مرتين أوثلاث بيوم خميس تكون دوريه بينناكل مره عند وحده فينا وتكون سهره في اليل طبعا بالنسبه للعصر فهذا وقت محسوم من زمان ما أطلع أبد إلا لضروره لأنه هاذا وقت يعتبر ملك لأبو الشباب مخصص إنا نشرب قهوتنا فيه ونسولف فيه طبعا عن مستقبل عيالنا وعن البيت اللي بنشتريه وعن التقاعد ومره عن السيارات ومره عن دوامه وشغله طبعا هو عسكري والمهم نجيب سوالف من تحت الأرض ونجلس نفكر أنا وياه بتصميم البيت المهم يخلص آخر فنجان من الدله إلا قد أثثنا البيت وفرشناه طبعا كلها أحلام في أحلام بس وش تسوي لوماجلست تحلم أكيد تفكيرك رايح يتعب من هموم الحياه
بس أنا أتوقع إنه مازالت موجوده بس في اماكن الإسكان طبعا لاحظت عند ناس اعرفهم بسكن تابع لدوله زي أسكان أرامكو وسابك والسكن العسكري يتواصلون الحريم المتزوجات في زيارة العصر هيه العاده موجوده بس الحين قلت بكثير عن أول بس تحسي كمان العائله الكبيره يتجمعوا أحيانا ياالله كم من عادات وتقاليد تغيرت علا الناس أولها وأهمها إحترام الصغير للكبير وعدم تقبل النصيحه يوم تنصح شخص وهومقيم علا باطل كأنك غلطت بحقه وصار الغني مايداني الفقير حتى عياله مايخليهم يلعبوا مع واحد مستواه أقل منه ومن أول حتى الطالب بلمدرسه يهاب المعلم ويخاف منه أكثرمن ابوه لاكن الحين خليه يغلط بس بلسانه عليهم وعقب الدوام يروح يشوف سيارته شلون صارت من الطلاب حتى إحترام الوالدين صار ضعيف إلا مارحم الله من أول لو صارت مشكله وإلا دين علا واحد من الجيران تلقى جيرانه حوله وحواليه لاكن الحين اللهم نفسي نفسي إنسجن إلين تنطق وعيالك ماحد درى عنهم ولاأحد سئل فيك ولافيهم إلا مارحم الله.