ممكن سؤال اخوي

اذا تخانقتو مرات وراحت لبيت أهلها يتصلوا عليك عشان تجي تاخذها ولا يلقون الذنب عليك وانك عديم الصبر معها ؟

اذا كانوا يتصلو عليك عشان ترجعها ومايتدخلون بشؤونكم فأيقن انهم ناس فاهمين وعاقلين ومايبون الخراب لبنتهم

وان كانو يتدخلون ويصعبون عليك ويكبرون المشكله فافهم انهم يبونك خاتم لبنتهم

وان شاءالله يكونون من النوع الاول

واسمحلي زوجتك للحين صغيره تزوجتك وهي صغيره وعاشرتك وهي صغيره حتى حملت وولدت وهي صغيره

الى مشاكلكم وطريقة معاملتها لك مثل طريقة الصغار تحليلي لشخصيتها انها خايفه من المستقبل يعني تقول تزوجني وانا صغيره لاحول لي ولاقوة .. بس الحين يوم كبرت وفهمت مارح اسكت عليه .. تحس انك سارق حياتها ومراهقتها وماتبيك تسرق الباقي من عمرها .. تحس ان حقها مأخوذه وتقوم بالعناد والقسوه عليك عشان تحمي نفسها

انا مب دكتوره او متفلسفه بس هذا الي حسيته من طريقة تصرفاتها ترد عليك على قد سؤالك

حتى ردودها عليك على قولتك اذا شريت جوال ليش انت تشتري وانا لا او اذا عصبت عليك وقلتلها لا تعصبين تقول انت الي عصبت .. كل سؤال تحول اجابته عليك تبي تنافسك تبي تاخذ حقها منك

بتقول انا وش سويت لها .. انت ماسويت شي بس هي من داخلها ان حياتها سلبت منها وهي صغيرة ماعاشت مثل صديقاتها تزوجت على طول ..

انت اصبر عليها وجرب معها طريقه انك ضعيف وماتقدر تسوي شي من دونها ناقشها بمشاكل انك مو لاقيلها حل قلها ساعديني

ابي شورتك وش اسوي حسسها انها ذو قيمه ورايها يهمك وان رايها صح وعلى شوي شوي بين لها انها فاهمه وانك مامشيت وتعديت مصايبك الا من الله ثم مشورتها وبعد على شوي شوي حسسها انها ربة بيت حتى لو البيت حوسه
قلها انتي تتعبين وتسهرين على البنت وتنظفين البيت وانتي احسن زوجه وجبلها مرات هديه بسيطه مو لازم غاليه بعدين تقول ان وراك شي جب لها ورده شوكلاته اطلعوا مرات بالسياره وخلها هي القائد حسسها ان لها كلمه

هذا رايي والله اعلم والله يخليكم لبعض ويهدي زوجتك ويصلحها لك