فعلاً .. صدقتي والله ،
البعض متحامل على النساء والاغرب والاعجب انهم يكونون من النساء أنفسهم !!
ما ادري والله شنو التفسير الصحيح حق مثل هالمواقف ..
هل اهيه غيره ؟ حسد ؟ خلط بين مشاكلهم الخاصة ومشاكل الناس ؟ او اهمه اصلاً دفشين بالتعامل ويحبون العنف ؟ أو انهم معنفين من اهاليهم وازواجهم ؟
بس مهما كان التفسير ومهما كان السبب ..
ما اظن إن أي وحده من هالبنات اللي يردون بـ مثل هالردود لو كاااانت اسوأ خلق الله بعد ماراح ترضى إن زوجها يعاملها بالطريقة اللي اهمه يبون الزوج صاحب المشكلة يعامل زوجته فيها
{ لو كنت فظاً غليظ القلب لانفضوا من حولك }
أصعب المشاكل بالدنيا ولها حل ، بس كل انسان له باور معين ..
ممكن يتحمل وممكن لا !
ساعتها الزوجين يفكرون .. هل يقدرون يمشون على نفس الطريق ؟
أو يوصلون لـ مفترق طرق وكل واحد يواصل طريقه لحاله !
وآنه اقول ... اللي يشوف نفسه غير مؤهل للنصح
لا ينصح ... راح يكون سكوته من ذهب
أما اسطرها
اصعفها
طلقها
لا تتحملها
تزوج عليها
خلها خدامه لك ولعيالك
شنوووووووووووو في أي عصر قاعدين ؟؟
عصر " شراء النساء والرق " انتهى !
بس ما شاء الله ، فيه ناس تفكيرهم من " العصور الجاهليه ووأد النساء "
الواحد قبل لا يرد يتذكر { ما يلفظ من قول إلا لديه رقيب عتيد }
وفوق هذا كل واحد يحط نفسه مكان صاحب المشكلة ومكان الطرف الآخر .. عشان يقدر يوازن الأمور !
أما الردود العنجهيه السوداويه المخربه الهدامه ..
ما تفيد أحد .. وممكن تخرب البيوت !
بدال ما تساهم في إعمارها
الله يهدينا ويهدي الجميع
11-09-2010, 08:11 AM
ضوابط المشاركة
العرض الشجري