الف مبروك علحمل .. ربي يتمم لك على خير و يرزقك احلي بيبي معافي


اولا تعالي نمسك المشكلة من النهااية

موضوع العيش في بلاد غير بلادك... حبيبتي .. لنفترض انك عشتي مع زوجك في بلدك و انجبتو و كان حياتكم من احلى مايكون

ثم اضطر لاي سبب يتغرب و ياخذك معاه .. هل كنتي بتقولي خدعني وتطلبي الطلاق ؟؟؟

لا ياقلبي الوحدة مع زوجها باي مكان .. حاسة بشعوك لاني مثلك ببلد غير بلد و بلد ماعندي فيه

لا اهل و لا اصحاب و لا جير ان على الاقل انتي عندك اهل زوجك .. يسلوك و يونسوك



ثانيا ... موضوع اهله .. ياقلبي اهله ماعندهم الا هو يقدر يطلعهم وزي ماانتي تملي هم برضو يملوا و يبغوا من يوديهم و يرجعهم

احتسبي الاجر..و خلي ببالك انك مثل ما بتعاملي امه و ابوه .. اولادك بيعاملوك ... فعملي خي فيهم عشان ربي يبارك باولادك

صح الوحدة تحب تطلع لحالها .. مو مشكلة .. اطلعوا كلكم سوى و انبسطوا مافي احلى من اللمة

وبعدين روحوهم البيت و انتو كملوا سهرة مع بعض و كملوا الطلعة

او اطلعو من بدري و كونوا مع بعض لحالكم و بعدين اجعوا خذوهم و اطلعوا ....

لا تحطي ببالك انهم بيكونو حمل ثقيل و ووو .. لانه الانسان يتاثر بافكاره

وانما خذيها من ناحية الوناسة .. اللمة حلوة و انتي بعيدة من اهلك .. اعتبريهم اهلك

و صدقييني كلما كنت طيبةمع حماتك وحماك ربي بييسر لامك و ابوك من يعاملهم كويس من حريم اخوانك


اخيرا .. كلمي زوجك بهدوء بينك و بينه و بشكل لطيف .. بموضوع اخبار ابوه باي شي

قولي له انت زوجي و شوري منك .. و ابي يكون لنا خصوصيتنا بكل امورنا

بس زي ماقلت لك بشكل لطيييييييييييييييف جدا جدا ... و بيني له انه الوحدة محتاجة امها وقت النفاس تهتم فيها

و انكما تقدري تتامري على حماتك و تتعبيها .. بعكس امك اللي تقدري تطلبي منها اي شي بدون خجل

و ان شاء الله بيتفهم وتولدي عند اهلك

حبيبتي .. اعرفي انه جزء كبيير من الضيق اللي انتي فيه سببه الحمل ... لانه يسبب تغغير بالمزاج

و ضييق شديد في اغلب الاحيان ... و يخلي الوحدة تكبر من الامور البسيطة و تهولها

ان شاء الله اول ماتولدي و تشوفي البيبي بتشوفي كل شي سهل و يسير

الله يقومك بالسلامة يارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله