أنا برأيي إنه رسالتها هذه ( هي اعتذار ) خلاص ..
و شوف كيف اتغيرت رسايلها للأفضل .. ؟
لإنك ( تغيرت في معاملتك ) ..

غربتكم كانت 4 سنوات ، اعتبروا إنه حياتكم الفعلية سوا بدأت من دحين ..
برأيي ،، ترد عليها برسالة ..
( أشك في كذا .. )

سألت زوجي ،، و هو ما قرأ ردودك بس قلت له إيش يرد عليها ؟؟؟
زوجي يقول لك ، أكتب لها ..

( اللي يحب شخص يطرده من بيت أهله ؟ و يعمل اللي عملتيه ؟؟
و بعدين إنت بتقووليلي كذا عشان بس تسكتيني و لا من قلبك ؟؟؟؟
لإنه الحب مو بس بالكلام ،، بالفعل )


و أنا أتفق مع رسالة زوجي ،.



و إذا دقت عليك هي ، خلي كلامك لها عتاب ( المحبين ) ..
مو تضحك بسرعة و تعتذر عن تطنيشك لها ؟
حسسها إنك بجد انجرحت و إنه الإحترام من غير حب مو كفاية .. إلخ