اخوي الأخلاق

ما نبغى حياتكم تخرب لا سمح الله ، و زوجتك كأنها أختي و ما أتمنى لها إلا كل خير ..
طلاقك لها مو حل ..

إنت مشترك معها في الغلط و في تماديها و في تعاملها معك .. لإنه واضح إنها متعودة تعاملك باالشكل هذا
فما نقدر نلومها 100 بالمية ،، إنت مشترك في الغلط كذلك لا تنسى

علشان كذا الهدف من الموضوع إصلاح حياتكم و الحل إنك تغير من نفسك
مو الحل هو الطلاق أو الزواج

لا تخربها في الأخير يوم إنها بدأت ترجع لعقلها ؟؟؟

نحن ما ندري هي ليه اتصلت ؟ يمكن تكون عقلت ؟ يمكن تبغى تستفز كذلك ؟ يمكن و يمكن و يمكن ؟؟؟
لكن ما أنصحك بالطلاق لا سمح الله ، بما إنه هناك أمل في انصلاح حياتكم بإذن الله

4 سنوات عشتوها مشتتين في غربة و سفر و مانتم مستقرين ..
خلي هذه هي بداية حياتكم الفعلية .. إن صلحت زوجتك كان بها ، إن لأ .. وقتها تتخذ أي قرار

لكن حاليا لا تفكر باخر العلاج و اللي ممكن يكون بداية المشاكل لا سمح الله

--------------------

ملاحظة ، مثل ما ذكر الأخ أبو فيصل إنه هناك ناس تنسخ مواضيع من هنا لجذب قراء لهم ..
بالفعل اكتشفت إنه مواضيع منتدانا تنتقل حرفيا لمنتديات أخرى .. اعتذر مجددا ووضحت السبب ..

الغالبية العظمى من الردود ستجعلني أفقد ذلك الآمل ...أن لم أفقده بعد.

يا جماعة الخير ليش كل هالتحامل على زوجة أخونا الاخلاق وكأن الاراء شيء معدي ... لما واحد يكتب باتجاه معين تلاقي الباقيين كتبوا بنفس الاتجاه ...

وكأن الكل معصوم عن الغلط ...وكأن زوجاتنا وأزواجنا ملاااااااائكة وما عندهم مشاكل ..

وكأن الطلاق أو الزواج الثاني شيء سهل وعواقبه بسيطة ...

وكأن كل واحد فينا كان عايش ببيت أخونا الاخلاق ويعرف كل كبيرة وصغيرة عنهم ....

أشوف أخي انك أقدر الناس على الحكم على شعور زوجتك وعلى أطباعها ... يمكن ما كان في تواصل كافي بينك وبينها حتى توضح لها اعتراضاتك على تصرفاتها بهدوء ..مو بالضرب بعد ما تصبر وتصبر الى أن يفيض بك الكيل ...

وأكيد انه الغربة وأطباع البلد اللي كنتو فيها له تأثير على نظرتها للأمور ...

مااااااا أقدر غير اني أخمن مثلي مثل كل اللي شاركوا باراءهم بموضوعك ... لا انا ولا غيري نقدر نعطيك رأي سليم 100% مهما كتبت لنا تفاصيل وأعطيتنا معلومات ...

تذكر محاسن زوجتك ولا تنساها بوسط زحمة الكلام اللي بموضوعك أخي ... البنت تحبك وأم لبنتك ..

كل الاخوان كانوا يقولوا لك اصبر وبتتحسن أطباعها ... اصبر وبتجيك هي تعتذر منك وأشوف انهم هم اللي مو صابرين ... الحين وبعد ما بدأت الامور تفرج جايين نقول لك طلقها وتزوج غيرها ونحط ظن السوء بالسبب اللي خلاها تتصل ....

صحيح انه لازم تصبر وما ترد عليها من أول اتصال وانك لما ترد على اتصالها تكون حازم أمامها لكن لازم ترد بنهاية الامر وتشوفها وش تبي والا كيف راح توصل معها للموافقة على شروطك

هذا الذي ألاحظه ...

من اللي قال لك طلقها ؟؟؟؟؟الأعضاء قصدهم تأدبها وتعلمها وتربيها تحترمك وتقدرك وتعرف واجباتها وحدودها معك اذا تعلمت وتأدبت معك وقدرتك وعطتك هيبتك واحترمك هذا اللي أبغاه انا والأعضاء اللي لهم نفس الرأي ......واذا بدأت تتعدل فهذا شي ايجابي كلنا نأيدك على أنك ما تخرب اللي بديته مو على طول من أول تجاوب منها تروح تنطل وجهك عندهم واعذرني على أسلوبي فوالله أنه من القهر اللي فيني.....
خلها تتعلم وتنكوي ويلعب التفكير براسها الين تعرف إن الله حق بعدين رجعها وتكون استفدت أنت وأياها من المشكلة .....
أما اذا ما تعدلت وكابرت وشافت نفسها عليك ولا قدرتك وعطتك أحترامك ( وأحترام أهلها لك من أحترامها لك واذا شافوها ما تحترمك ما راح يحترمونك لا رجالهم ولا حريمهم بدليل عدم اعتراضهم على الطرد ) فذيك الساعة أقول دور لك غيرها وحدة تقدر الحياة الزوجية ....الله يصلح حالكم ويوفقكم .أخوك أبو نواف