الله يهديك أخي الكريم الأخلاق قرأت آخرالتطورات

واضح أن طريقتك في التفاهم مع أخوها لم تكن حازمة البته مع أننا ركزنا لك كثيرا على الحزم ولاتكاد تخلو مشاركة من هذه اللفظة

يعني المفروض لما بدأ أخوها في التبرير أنك تقوله أنا ماقلتلك عشان تقعد تبررلي تصرفاتها أو تحاول تهدي الوضع

أنا قلتلكم عشان تعقلون أختكم لأني مارح أصبر كثير على تصرفاتها والطلاق والزواج الثاني كلها خيارات مطروحة إذا إستمر الوضع كماهو

أنا رجال وألزم ماعلي كرامتي وبنتي والوضع هذا مايخارجني أبدا ولأننا أهل رأيت أن أخبركم بتصرفات بنتكم حتى لا تلوموني فيما بعد

لكن أنت للأسف بدل ماتتكلم معهم من منطق قوة جالس تخطط مع أخوها كيف تأثرون عليها ومن الأطراف الذين ستستعينون بهم

تصرفك هذا غلط في غلط ويدل على أنك متمسك بها

طالما زوجتك في بيت أهلها فهم المسؤلون عن تربيتها ولست مكلف بذلك هذا شغل أهلها

حتى لمّا أخوها يشاورك كيف يعقلونها المفروض ماتتفاعل معه وتخبره أن هذه مسؤليتهم وهذه أختهم وأنت قمت بما عليك وأخبرتهم بتصرفاتها

ليتحملوا هم مسؤوليتهم تجاه أختهم فأنت رجل لديك أشغال ولن تعطل نفسك من أجل التفكير في أختهم أو تقويم إعوجاجها الواضح

والأخوة الذين سبقوني ماقصروا الأخت رزان والأخ OnlyHuman9

__________________

[استغفرالله وأتوب اليه.]

شكراً أطياف الرياض وشكرا OnlyHuman9 ورزان والجميع :


مكالمتي معه البارح كانت من هذا النوع ....تغيرت لهجتي عن مسألة التخطيط والتكيكات ....كنت قوياً في طرحي ...كان ضعيفاً في منطق التبرير ......وكررت عليه أن رسائلها فيها استهتار بالجمييع وليس بي فقط ..

وغداً سيكون منطقي أقوي ....لكن سألعبها صحيح في هذا الاجتماع ...دبلوماسية وتكته ما راح تنفع ...الآن سياسة المواجهة بالحقائق متعينه ..

تحياتي

السلام عليكم

الاخوة والخوات ما قصروا وما في شي جديد ممكن أضيفه غير اني أقول نيابة عن الجميع انه مسعانا كله بأن الأمور تصير أفضل بينكم ولهالسبب تلاحظ شدة منا بالكلام على زوجتك وتذكيرك بأخطاءها.. كل القصد نحفزك على نقطة الحزم لكن مو قصدي ولا أظن قصد الاخوان انه زوجتك فيها عيب كبير لا يمكن اصلاحه لا سمح الله.
وصغر سنها له دور بطريقة تصرفها حاليا... يعني مع تغير أسلوبك والشد أحيانا راح تصير الاوضاع مثل ما تبي ... ومع الوقت وكل ما كبرت بالعمر بتلاقي تغير أكبر للأفضل ان شاء الله مثل ما صار مع الخوات اللي عرضوا تشابه بتجربتهم مع تجربتها ..

الخلاصة انه المشكلة مو مستحيل حلها بس تحتاج لشوية صبر ... أعرف انك تعرف هالكلام لكن حسيت انك تحتاج أذكرك فيه ... الامل كبير

دعواتي لك بالتوفيق بمسعاك باكر سواء رحت لاخوها أو اتصلت تليفون .. المهم توصل له وجهة نظرك .. واتوقع نفس الدعوات من كل اللي يتابعون الموضوع .

ملاحظة ...

ترى بنتي موعوده لولد عمها ..

ذكرتها بأحد ردودي حتى تقرأ زوجتك كلامي أو اللي يوصل لها اللي يصير بمنتدانا يوصله لها ... غرضي انه زوجتك تحس كيف ممكن يكون شعورها لو رحت لغيرها لا سمح الله ... قرصة أذن خفيفة مني وبدون ما يكون لك دخل بقرصة الاذن هذي .

مو متأكدة اذا كانت خطوة صح لكن هذي كانت طريقتي بتوصيل نقطة معينة بطريقة غير مباشرة لزوجتك وأقولها الحين بشكل مباشر اذا كانت تقرأ كلامي انه الزوجة تقدر تتغلى على زوجها وتتدلل عليه لكن مو بكل الاوقات ..

الله يجمعكم على خير وعن قريب ..

أنتي قرصتي أذنين ..

قرصتي أذن زوجتي ...وقرصتي أذن قلبي ههههه

أمزح معك

وعلى فكرة كنت ملتفت إلى مقصدك وقد أشرت إلى ذلك في ردي عليك .


الله يستر عليها ويوفقها يارب.

تحياتي