أنا لازم أتحرك بسرررعة ....إذا طالت المدة أكثر وأكثر يسبب لي ضغوطات ..


لأني وكما تعلمون أن أهلي لا يعلمون ما يدور بيني وبين زوجتي الآن ..فقط هم يعلمون أنها في بيت أهلها ...ليش ؟؟ وش اللي صار ؟؟ ما يدرون عن شيء ...ولا يدرون عن الطرده ..

ووالدي مقلقه وضعي ...فبين كل يومين يتصل بي صار شيء ؟؟ أنا أقول الأمور إلى خير إن شاء الله ..

طبعاً أنا لا أتحدث مع والدي في مشكلتي مع زوجتي ...لأن المصلحة تقتضي ذلك ..

هو اتصل بأخ له ( عمي ) وقال له ما تشوف فلان ( أنا ) إلى متى بيضلوا كذا ؟

عمي كلمني ....وانا وقتها شبيت في داخلي لأن ما أحب أحد يتدخل في خصوصياتي ...

المهم الآن أنا أتحرك بسررررعة عشان لا تكبر الأمور ويدخل فلان وعلتان ...

وإذا دخل فلان وعلتان ودروا أهلي عن سالفة الطرده هذي مشكلة عويييصة جداً جداً ...لأن الوضع بين العائلتين مشحون ..

وعلم أهلي بموضوع الطرده سيكون القشة التى ستقصم ظهر البعير !!


الله يهدي الجميع ويصلح أحوالنا آمين يا رب العالمين ...نسألكم الدعاء أخواني وأخواتي ..

انت تتوقع بعد ما ترجع لك زوجتك ايا كانت الطريقه و الخطط اللي تخططها عشان ترجع لك هل تعتقد انها راح ترجع بأخلاق

عاليه و نفسيه ممتازه و راح تحترمك و تحترم اهلك ؟؟ لا .. زوجتك لن تتغير اخلاقها .. العوج راح يظل طول عمره عوج الا

اذا انت كنت راح تظل تعاملها طول عمرك بشده عشان ما تحيد عن الطريق ...

هذه النوعيه من النساء تشغل الزوج عن تطوير نفسه و تطوير عمله و تطوير علاقاته مع الناس .. يظل طول عمره يدور في

فلكها .. كيف يرضيها .. كيف يهرب من مشاكلها .. كيف يتحمل و يصبر عشان ما تعمل له مشاكل .. يقلق في كل مناسبه

كيف راح تواجه اهله او كيف راح تتعامل معهم .. يعني عيشه تقصر العمر ..

انت الان تسعى فقط من اجل ان تثبت لاهل زوجتك انك على حق و هي على خطأ و هنا الخطأ .. لان زوجتك لا يهمها

هذا الشي و لا تعمل حساب لاحد .. لا تعمل حساب لك و لا تعمل حساب لاهلها .. انما تسعى فقط لارضاء نفسها و ارضاء غرورها ..
الله يعينك .... مشوارك مع هذه الزوجه طوووووويل ...

كلامك صحيح 100% يا أختي ...

ولن ترجع البيت إلا بالطريقة التي قلتها لأخيها بل لن أجلس معها في مجلس إلا بعد ان تعتذر أمام أمها وأخوانها على طردتها لي ورميها ابنتي وتطلب مني أمامهم أن أرجعها إلى البيت ...

وبعد ذلك شروطي أمامها ...

الاخت
اميرات كلامها صحيح

الاخ الاخلاق
مشكلتك كلام الناس ماودك احد يعرف وتتوقع لملمت الموضوع واعتذار زوجتك حتى لو اهلها اجبروها على الاعتذار راح تنحل المشكلة

مشكلتك نفس مشكلت اخوي واختي
اخوي زوجته اخوها يصير زوج اختي يعني نفس حالتكم
و والله اخوي كان يتعامل نفسك وخايف من كلام الناس وغيره وخايف على حياة اختي
والحين هو ندمان اشد الندم عشان ماتخذ قرار صائب في حل مشاكله القديمة الحين كمل 13 سنة زواج بس يقول لو يرجع الوقت كان في اشياء كثير غيرتها وعنده 6 اطفال والمشكلة زوجته هي ااساس المشاكل
صدقني لو ماعرفت كيف تتعامل الحين مع زوجتك راح تفضل طول عمرك عايش كذا
واذا الحين تحبها بعد كم سنة تكره اليوم الي عرفتها فيه
الله يقدملك الي فيه خير

ويهدي زوجتك

أختي رولادا ....


قلتها مراراً وتكرارا ..ما راح ترجع إلا لين ما يتهشم كبرياءها الكذاب ...ولن أقبل اعتذارها الصوري ...

والحقيقة إذا اعتذرت ..ما يعلم إلا الله علام الغيوب أن كان اعتذارها من داخل قلبها أو كان فقط صوري ...وكلامك صحيح ما راح تنحل مشاكلنا لو صار اعتذارها صوري ..

بعد الاعتذار على كل حال ...تأتي شروطي ...وشروطي الآن جاهزه معي ..فإن أخلت بشرط فقد ألقيت عليها وعلى أهلها وعلى الجميع الحجة ...وقتها لا أكون ملاماً على أي قرار أتخذه ..


وأختي وزوجها ....يحلووون مشاكلهم بنفسهم ...وعلاقتنا مستقلة عن علاقتهم ...


تحياتي

أخواني وأخواتي ..أرجو أن يكون تحليلي في الرد رقم 219 و 220 واضحاً لديكم ..


والذي على أساسه راح أتكلم بصراحة مع أخيها ...أنا على موعد بالاتصال معه بعد 15 دقيقة .


تحياتي .

لسلام عليكم

اهم شي لا تتحمس وانت تكلمه وتبين انك مررررررة ودها ترجع ... قلت لك سابقا وكرروها لك الاخوان ارسال زوجتك للرسائل ناجم عن قربها للانفجاااار هي تبي تثير استفزازك فلا ترد عليه .... وبالعطس لما تقول لك خذ بنتك خذها بدووووون اي تذمر ... هي تعرف انك ماتقدر عليها وحدك علشان كذا تبي تضغك عليك تاخذها وتتورط فيها وتحس بقيمة زوجتك فيزيد ندمك !!! وترجعها

تكلم مع اخوها ببرود واذا حدد موعد لا تقول خلاص نشوف قول بشوف وقتي انا مشغول وصدقني لا تهتم لكلام النااااااااس ولا راح تعيش طول عمرك في الم

الله يفرجها لك يارب

خلاص ، تكلم مع أخوانها علشان تشيل الغلط عن نفسك و تكون عملت كل اللي علييييييييييييييييك
و ماحد يلومك بعدين

ما عجبها الوضع ، هي اللي بتخرب بيتها بيدها

و صدقني ، لو لا سمح الله انفصلتوا ( لااااااااااااااااااااااااااسمح الله )
فما في أي رجال راح يتحملها و هي بداخلها أكيييييد معترفة بالشئ هذا

و على فكرة اخوي الأخلاق
لا تحاول ترمي بالغلط على اخواتها

اخواتها ما انشحنوا على اختك و اهلك ، إلا بسبب زوجتك
يعني هي اللي شحنتهم عليكم و الدليل عدم احترامها لك و لاهلك أمامك و خلفك

فالأهل مثل ما قلت لك قبل ، يحترموا الزوج من احترام زوجته له

وشروطي هي :

1 - أن تحترمني .

2- أمي وأبوي خطوط حمراء .

3- مشاكلنا تنحل بينا فقط وفقط ...وأن لا تخرج خارج البيت ولأي كان .

4- الانفتاح الكامل على بعضنا البعض.

5- لازم تفهمني ...وبطبيعة الحال لازم أفهمها ...وهذا ما راح يصير إلا بالحديث الصريح مع بعضنا البعض.

6- لازم تفكر مره ومرتين وثلاث على أي كلمة توجهها لي أو أي رسالة ترسلها لي.

7- لازم تتحكم بغضبها وانفعالاتها.

8- إذا سوت غلط ..لازم تعترف به وتعتذر عنه ..

9- لازم تراعي شعوري تجاه أبوي وأمي إذا كان لديها نقد عليهما ..هم بطبيعة الحال بشر ولهم سلبياتهم وطبائعهم التي قد لا تعجبها ....يعني تصبر عليهم .

10- لازم تتساعد معي في تطوير علاقتنا بالطرق الصحيحة.

11- لازم تثقف نفسها كيف تربي بنتي عاطفيا واجتماعيا ونفسيا وفسيلوجياً.

12- لازم تعرف أني حبي لها لا يفقدني احترامي وتقديري لذاتي .

تحياتي.

السلام عليكم

اخي الكريم اللي تعتبرها شروط ليست شرررروط ابدا .. استغرب ليش ماحطيت الاعتذار من ضمنها ؟؟؟

الاحترام وماادري ايش اللي تقوله كيف تضمن انها راح تنفذه ؟؟ راح تقول ايه في البداية وبعدين لا !!!

بصراحة الشروط المقنعة لي هي 2 و 3 فقط والباقي مستحيل تغيره في شخصيتها الا بالحزم وليس بالخوف من كلام الناس !!!
الباقي طبيعي جدا ان يكون في اي زوجة وزوج يكونون يطبقونها في حياتهم ...

الله يكتب لك اللي فيه الخير ولا تستعجل بشرط الخوف من كلام الناس اهم شي حياتك

طمنا على مكالمة اخو زوجتك