طايحين تحقيق مع الأخت ،،
و تبغوها تصير شغالة لأم زوجها وو شغالة لشغالة أم زوجها ..؟؟؟هذا اللي ناقص كمان ..؟؟؟

ياخوي تميم .. إذا أردت أن تطاع ، فاطلب ما يستطاع ..
أظن الأخت عندها وظيفة و ماهي فاضية و كويس إنها ما طلبت شغالة لنفسها ..
و عندها التزامات أخرى ،، ما يكفي إنها تنظف بيتها و تطبخ لزوجها و تشتغل ؟ و كمان تنزل تجهز الأغراض و الشغالة
نايمة .؟؟؟؟

إذا الشغالة لا تطبخ ، و لا تنظف و لا تعمل شئ ..؟؟؟ إيش لها فايدة ..؟؟؟
قلنا تونس أم زوجها و تجلس تتكلم معها .. بس ما توصل إلى إنه نقول للأخت روحي اطبخي لهم و نظفي لهم ..؟؟؟؟


و هي ما جات تشتكي إلا يوم طفح الكيل و صارت الشغالة تتبلى عليها ..

ايه صح الشغالة كبيرة في العمر و واجب الإحترام و كذا ..
بس هل معناه إنه نفتح بيتنا سبيل لكل الناس و نجلس نخدمهم و ننسى أمورنا ..؟؟؟؟

دام البيت محتاج للتنظيف + خدمة الأم + الطبخ .. ليه نحط الفلوس في وحدة مالها لا شغلة و لا مشغلة ..؟؟؟
خليها جالسة في البيت ،، لكن لا تجلس تتبلى على خلق الله و تعمل مسلسلات ..
الشغالات نرحمهم علشانهم محتاجين .. لكن ( فيهم لئامة ) ..

شغالتي انشهرت في المنتدى
لإني من يوم سمعت النصايح هنا و تعدلت معاي الحمد لله من يومها و ما صارت تتعبني ..

و زوجي شايف معاملتي لها كيف و مع كذا قدامي بوجه و قدام زوجي بوجه ..
يقولي اخر مرة ،، صح إنه تحزن و الواحد يبغى يساعدها بس تقهر من جد حركاتها و تمثيلها و فيهم لئامة من جد ..
ما كنت أصدق لحد ما جربت بنفسي و توبة أجيب شغالة .. و ماجبتها إلا علشان الغربة و دراسة و ولدي ..

أعطيكم مثال اخر مرة حصل من شغالتي ..
زوجي ينقهر مني مرات يوم يشوفني اشتغل و الشغالة جالسة و مرتاحة و يقولي اجلسي هي تعمله بنفسها ..
و مرات كان يقولي ليه تخافي منها ؟ أقوله ما أخاف بس ما أحب أطلب من أحد يعملي شئ و أنا أقدر عليه ..
المهم ، هي تدري بالشئ هذا لإنها لاحظت كم مرة من وجهه يبان ..

فيوم يكون زوجي موجود و نكون جايبين أغراض أنا و هو من برة .. و أشيل الأكياس معها أساعدها
تقوم تقولي هاتي كل الأكياس مدام إنتي ارتاحي ،، و ماتخليني أشيل أي شئ
و يوم زوجي ما يكون موجود ، عادي تتركني أشيل الأكياس و تعمل نفسها ما تشوف ..
بس ما أدقق عالشئ هذا .. لإني لو أبغاها تشيله من يدي أعطيها تشيله