ماشاء الله الردود اللي قبلي وفرت عليا الكثير

وردة ..

اولا.. باالنسبة لاهلك .. ارجوووك رجاء خاص . لا تفضفضي لامك و لا لابوك ابدا ابدا


كلنا متعلقين باهالينا لكن ما نفضفض بلاشياء السلبيية .. مو لاننا مو قريبين منهم

بس يا زينب الام شي عظييييم و حب الام الاولادها فوق الخيال و لما تجي بنتها تشتكي

خلاص الام تنهار ... تقعد تفكر ببنتها ليل نهار ...

احنا ننسى المشاكل وهم ما ينسوا و يقعدوا شايلين الهم

فا ارحمي امك و ابوك كمن الهم اللي تشلينه لهم


ثانيا : بخصوص زوجك ... و الثقة

زوجك غلط .. صح و ماحد يقدر ينكر ..ز و انتي اكيد محتاجة وقت عشان ترجعي تثقي فيه ...

بس مرور 11 شهر ما تعتبر كافية بنظرك ؟؟؟ كل الخطط اللي عملتيها و طلع منها براءة ما تشفع له

حبه لك اللي انت متاكده منه ما يشفع له .... غيرتك و شكك الحين راح تدمر حياتك

بتخليه يقول دام انها ما تثق فيني و على طووول شك .. خلي شكها يكون بمحله

ودام انه بيلقى لوم عمل و لا ما عمل غلط .. فا راح يعمل عنادا فيك

الغيرة بتجيب لك الهم و بتنكد حياتك .. كلنا نغييير على ازواجنا

لكن ما نبين ... زوجي شغله مختلط جددددا .. بس عمري ما بينت له غيرتي من ممرضاته

الا واحنا نمزح فقط .. لكن وقت الجد دايما اكرر على مسامعه اني واثقة فيه و بتربيته و اخلاقه و خوفه من الله

حبيبتي لساتكم عرسان عيشوا حياتكم و انبسطو .. اتركي الغيرة و سلمي امره لله

لو خان مرة ثانية اتاكدي انه ربي بيكشفه لك .. فا ليش تتعبي نفسك الحين بالشك و النكد ؟؟




ثالثا و اخييرا .. بالنسبة لك شخصيا ...

نمي من شخصيتك .. قويها .. اخرجي من دور الطفلة المدلله ...

اقرأي كثير من الكتب الي تفيد الحياة الزوجية زي تحفة العروس او كتاب النساء من الزهرة و الرجال من المريخ

راح تستفيدي كثييير ... تابعي الاخبار .. ثقفي نفسك .. مش عشانه و انما عشانك انتي عشان تنمي مداركك
و تصيري قادرة على حل اي مشكلة بحياتك بروية و حلم و حنكة

اخرجي من عباءة و الديك للحياة الفعلية .. الزواج مش حياة وردية و حب و عشق .. لا ياقلبي فيه العسل و فيه البصل

لسه كثير مشاكل بتواجههك بحياتك .. ايش بتسوي ؟؟ باطلب الطلاق و ارجع لاهلي

الله يطول بعمر ابوك و امك .. بس الدنيا فانية و الاعمار بيد الله و ماحد بيقعد لحد

ماحد بيكون سندك الا زوجك و اطفالك باذن الله ... عشان كدا اسسي اسرتك صح بعيدا عن الدلال و الدلع


الطفلة اللي بجواك حلوة .. و الغيرة حلو .. لكن كله باعتدال .. اذا زودتيهم راح يمل منك زوجك و يسيبك
لاا تكثري زعلك منه .. على كل شي بسيط تزعلي ... اليوم بيراضيك و بكرو بيراضيك لكن كثر الزعل ممل
فا بيمل منك و يسيبك .. و لا تقولي لي عاادي باروح بيت اهلي

تضمني انك بتتزوجي غيره ؟؟ تضمني انه اللي بياخذك بيعاملك بطيب .. و مابيكون زي اللي نسمع عنهم يضرب و قاسي

زوحك فيه صفات طيبة كثيير .. فا حافظي عليه و حافظي على بيتك و انضجي شوي


الله يوفقكم و يسعدكم

نصيحة اخيرة ... تقربي من الله و دايما ادعي بصلاتك انه ربي يقربكم من بعض اكثر

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله