هلا فيك أخوي المجروح


أبغاك قبل لا تكلم أخوانك إنك تكلم أمك،
علشان تكلمهم على حدة إذا جلست معهم.....

وكذلك أخوك الكبير خله يكلمهم على انفراد....!!!
خلهم يحسون أن كل من حولهم ضدهم
ويخالفهم على تصرفاتهم

بعدين إذا كلمت أخوانك اذكر لهم من كلامك
لو وصل خبر انهم بهذه التصرفات يشوهون سمعتهم
وسمعة بيتكم قدام ربعكم وجماعتكم وخاصة أن
منهي عنه بالشريعة الدخول على النساء وخاصة الحمو

وبعدين أوافق رأي الأخت همس أنه يكون لكم سكن
مستقل ما ينفع السكن بأهلك وسط هذا الحال ..... وترى عاجلاً أو أجلاً
أنت ملزم من نفسك أنك تسكن لوحدك..... فإقصرها من الحين!!!!
وترى ممكن تخلي جزء من بيتكم مثل تصميم شقة يكون لها مدخل واحد
أو تسكن بالملحق ، لأنه حتى لو توقف أخوانك عن تصرفاتهم
لكن بتستمر المشكلة بأذهانهم ونفوسهم كلما بغوا التنقل من الملحق والمدخل

ومن كلامك باين انكم في نعمة - ما شاء الله - فإطلب من والدك أو من جهة أمك
أنك تستقل بشقة في بيتكم أو تضبط الملحق ويصير سكن لكم


والله يصلح حالكم ويهدي أخوانك



عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

يالله
ياصبركـم على هالعيشـه
الله يفرج همـكم و يهديـهم

__________________

أفــتقدُ ح‘ـَـبُ الحيــآة

اخي ماذا تقصد بالرشاش؟؟؟ السلاح الاوتوماتيكي الذي نعرفه؟؟؟؟ ام تقصد شيئا اخر..

ان كان كذلك، فاي طيبة تلك التي تتكلم عنها يا اخي؟؟؟!!!!!!!

هذا وهم طيبون، وان لم يكونو طيبين ما الذي سيحدث؟؟؟ يرمي ابناء خالته بقنبلة يدوية ام ماذا؟؟؟

اعذرني اخي، انا لا اتهكم، وانما هي المفاجأة والصدمة..

اخي لقد تجاوزو كل الخطوط الحمراء، انا اؤيد انهم مراهقون، وسيعقلون بعد حين، الا انه، الى ان تحين تلك اللحظة عليكما بالسكن لوحدكما كما اقترحت همس والاخوة، بملحق في بيت اهلك، افرض انهم لن يعقلو الا بعد اربع او خمس سنوات، سيبقى الحال على ماهو عليه، عندها هل تضمن ان زوجتك ستتحمل؟؟؟

ارى ان في هذا الحل راحة لكم جميعا..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

اخي سهله واقصر المشكله اخي

تبادل مع ملحق اخوانك والله افضل بكثير وكل الاعضاء مع هلرئي ...

وهو المعرؤف والسائد عند اي متزوج وساكن مع اهله هو ان له قسم له ولزوجته
او ملحق بلسطح كم غرفه ودورة مياه وتنتهي المشكله اخي

واخوانك معهم حق بيتضايقؤن لانهم لاياخذون راحتهم فيرجعون علئ زوجتك
الاهم

حط ببالك ان هذا بيت العائله وهم بيرحون ويدخلون مثل مايبؤن لان اساس العائله بداخل البيت وهم الاب والام

اخي
بادل اخوانك بلمقلط اللي بلحوش
طبعا
اذا لم تكن لكم القدره علئ السكن بلسطح تبنون غرفه ودورة مياه ومطبخ

مستحيل
تكون ساكن مع زوجتك وسط عائلتك بظل وجود اخوانك وعليها بعد مشاااكل

اخي هذا هو الحل بنظري

انت فكر وناقش زوجتك وتجدها من المويدات لااخذ راحتكم .....وهم ايضا يجتمعون براحتكم ولهم جمعتهم وكيانهم .....

بما انه ابوك هو متكفل بمصاريفكم

خله يدبر لكم سكن خاص لراحتكم

هل من تطورات اخي ؟؟؟
بشرنا !

اسمحك لي اخوي اخوانك محتاجين تأديب فعلا هذي وقاحة

بصراحة مشاء الله تبارك الله على زوجتك انت محظوظ فيها عقلها كبير بس اخوانك لازم تلاقيلهم حل مرا زودها والله لو انا اسيب البيت الوحدة تتزوج عشان تعيش مرتاحة ومبسوطة ومكرمة ومعززة في بيت زوجها مو تتبهدل يسبها ياهبلة ويزعق والي مطلع الرشاش انت خلاص متزوج البنت هي عرضك لازم تحميها ولاتسمح لاحد يمسها بكلمة والله ان لو انهم متزوجين مايرضون يسير كذا في زوجاتهم بعدين الي اكثر من كذا انهم يخشون عليها من غير طريق اتجاوزو الحدود هذا دين مايجوز يشوفها وين امك ابوك لازم يدري بسالفة بس على هداوة اذا ماتبا يزعل كلمو بهدوء واشرح الوضع او كلم اخوانك لا حول ولا قوة الا بالله سامحني والله اني انقهرت على زوجتك
موبعيشة

ابشرررركم المشكلة انحلت بنسبة 99.99% ......

وش صار معي بالضبط ..

اليوم كلمت اخوي الكبير قلت عندي موضوع مهم وبمر اخذك من البيت,قال والله تعبان توني جاي من الداوم قلت حتى لو

مايحتمل التآجيل قال طيب, (( طبعآ انا مواعد اخواني الصغار بكافيه )) , ويوم ركب اخوي السيارة قال وش عندك ياسبع

البرمب ههههههه ,طبعآ علمته السالفة كلها وملحتها زيادة خخخ ((علشان يشب عليهم )) , قال لي احسك يافلان انك

مكبر السالفة , قلت شلون مكبرها والبنت كل اسبوع تبكى من مضايقاتهم , قال لي اجل انت اسكت وانا ابتكلم معهم

وامضغط اذانهم , ويوم وصلنا الكافية طلبنا شي بارد وقعدنا نسولف شوي واخواني الصغار يطالعون فيني وينتظروني اتكلم

وشكلهم عارفين موضوعي , المهم اخوي الكبير خش بعيونهم وقال انا تعبان و ابا ارقد والموضوع ومافيه ان فلانه طلبت

الطلاق من اخوكم وكله من حركاتكم الصبيانية والمشكلة انكم رجال ينشد بكم الظهر , ترى انتم قبل لا تسؤؤون لانفسكم

تسؤؤن لوالدينا , وقال انا مااختلف معكم ان في مشاكل سابقة بس انسوها خلاص لمتى وحنى نتشاحن وخالتنا واجب

علينا احترامها لانها مثل الوالدة اما ابوها واخوانها لاتحتكون فيهم ولا تسبونها قدام فلانه, بعدين انا ابغا اعرف كيف ترضى

على نفسك انت وياه تتكلمون على حرمة بهالطريقة مدري يمكن تحسون انكم رجال ؟ ... وكلام واجد (( بس والله كلام

مؤثر وفيه تهزيئ محترم )) قلت في نفسي اخوي ينفع خطيب جمعة ههههه

اخوي اللي بالجامعة ساكت وواضح عليه التأثير اما اللي بالثانوي قال والله انكم حساسين بزيادة واحنا مانتكلم الا لانها الله

يهديها تسوي اشياء تبغى تستفزنا وترفع ضغطنا وانا اعرف مين اللي يدزها قلت مين قال امها واخواتها وايده اخوي اللي

بالجامعة قلت والله ثم والله ماتسمع كلام احد وهي ماغبية حتى تخرب بيتها بيدها , قال ياخوي والله لو حنى عمي

مانشوف ترا كلامها وتصرفاتها واضحه قال اخوي الكبير عذر اقبح من ذنب خل نفترض انك صحيح ماهوب عذر انك تكلمها ولا

حتى ترفع صوتك عليها......

قال اللي بالجامعة يسلم راسك حنى ماراح نتكلم ولا نقول لها اي شي وإن شفناها بدرب مشينا للدرب الثاني وإن

سمعنا صوتها قفلنا اذاننا او اي تصرف بنسوي نفسنا ماشفنا شي قلت انت ماشفت ولا انت بشايف بس نفسك تهئ لك ,

قال خلاص اقفل الموضوع بس اخوانها ان قربوا صوبنا راح نتصرف قلت ماعلى من اخوانها بس انتك كفو السنتكم عن زوجتي

قلت وعد قالو وعد وهذي حبة لراسك علشان تعرف صدقنا , قلت طيب على اي حال انتم شايلين عليها ؟ قالوا لا والله

وانها بمكانة اختنا حتى لو تبينا نروح نعتذر لها, قلت اجل كذا انا الحين مرتاح.....

غيرنا الموضوع وقعدنا نتفرج بالمباراة وغيرنا الجوو وبعدها هم اخذوا سياراتهم وراحوا واخذت اخوي وقلت له والله طلعت

منتب سهل ياعبسي (( هذا لقبة )) هههههه قعد يضحك , قال بس كيف الفقشة يقصد الطلاق قلت والله خوفتني خخخ

وقبل لا انزله لبيته قال بيكلم ابوي على اساس ياخذ لك شقة لاني شكلي مطول بالجامعة قلت اجل جس نبضة قال

ماعليك.

وقبل شوي كلمنى اخوي اللي بالجامعة وحجز لي ولزوجتي عشاء بالفيصلية يوم الخميس وقال علشان تعرف ان النية

تجاه زوجتك واستسمح منها قلت يوصل.......


هذا اللي صار بالمختصر المفيد وانا اتوقع اني راح انسى المشكلة للابد وخصوصآ اني راح اخذ لي شقة بإذن الله ..

وش تتوقعون انتم .؟؟

ماشاء الله تبارك الله ،،
عجببتني أخوتكم ، ماشاء الله ربي يحرسكم

و الله أخوك ( عبسي ) <- عجبتني شكلي بأخليها لقب لولدي الصعنون
خطييييير ماشاء الله ، و ما عنده لعب

واضح إنه علاقتكم بتكون حلوة إن شاء الله أكثر من قبل
بس دحين باقي تتكلم مع زوجتك كمان إنها ما تدخل أخوانها و لا أهلها في اي شئ يخص أخوانك و أهلك
علشان أخوانك لا يعادوها و يشيلووا عليها و تثبت المقولة عليها ..

باقي بس إنت تتكلم مع زوجتك كمان إنها خلاص لا تحتك بهم و لا تقولهم شئ ..
الحمد لله إنها انتهت كذا

مبارك اخي لتفريج همك .....

والف الف مبروك وليله سعيده باذن الله .....

والحمدلله اخي يعلم الله فرحت لكم ...