سؤال لجميع الاخوات و الاخوة - استفتاء - منتدى عالم الأسرة والمجتمع

20-06-2010, 02:38 AM

cute_baby

كبار شخصيات المنتدى

تاريخ التسجيل: Jul 2004

المشاركات: 7,421

قلبي ..

اسأل الحي القيوم .. الكريم المتعال .. الذي يرى مكانك ويعلم مابنفسك أن يخيِّرك للخير ويدلك عليه ويشرح صدرك له ويصرف عنكِ كل سوء ويعوضك خيراً منه ..

شوفي ياغالية انا برد عليك بناءً على ثاني رد لك في الموضوع ..

زوجة أخوه ..في نفس بلدك المقيمة فيه ؟؟ إذا نعم تقدري تعرفي امور كثير منها .. حتى لو مو بنفس البلد تواصلي معها أو حتى مع اهلها .

كفكرة ياغالية ممكن تقبلها .. طبعا بعد الاستخارة واستشارة كثير ..وبصراحة رأي الأخت الكريمة الغربة مرة فيه الكثير من الايجابية اوافق على رأيها بشدة

غاليتي فيه اكثر من وسيلة للسؤال .. صدقيني بس انتي اهدي وترويّ ستجدي كل العقد اللي شايفاها بتنحل لوحدها بس هدي من نفسك .. واكثري من الاستغفار وادعي الله يدبر لك من امرك كل خيرة ..

غاليتي .. ليه ما يتم التعارف بينه واحد اخوانك عن طريق الانترنت .. ويتحدثو مع بعض مو ضروري عن موضوع الزواج يتكلمو بشكل عام ويحاول اخوك يختبره مثلا يعرف طريقة تفكيره بأسئلة معينة .. نظرته للحياة الزوجية .. للمرأه .. وانتي تكوني مطلعة على المحادثة أو سامعة حديثهم اذا كان صوتي .. هذا الشيء بيطمنك كثير

انا مثلا زوجة اخي .. تقرب لي لكن لظروف الغربة ماكنت اعرفها عن قرب ولا اعرف طريقة تفكيرها حتى لما نسافر لبلدنا ما اقدر خلال فترة بسيطة اتعرف على طباعها وسلوكياتها ولا طريقة تفكيرها .. مهما طالت المدة نبقى ضيوف والتعامل بيكون في تلك الفترة رسمي وطبيعي الواحد مايبين إلا كل خير واحسن ماعنده فكانت الوسيلة الأفضل قبل مانخطبها اننا نتكلم وياها على المسنجر ويكون اخي شايف المحادثة ويطلب مثلا اسألها سؤال معين عشان يعرف كيف تنظر للأمور بدون ماتعرف هي انه السؤال منه ولا انه جنبي.. كدا عرف عنها الكثير وبدون ماتحس هي بإحراج ولا تحاول انها تظهر غير الحقيقة ..

هذه طريقة ممكن تستفيدي منها

ياغالية تفاءلي لا تكوني متوترة ... من جد إيش اللي يجبره انه يختار وحدة تبعد عن المكان اللي عايش فيه امياااال وامياااااال !!!! الا يكون سأل عنك وعرف عنك كثير واطمن لك .. والا بنات بلده يا كثرهم

وحدة من صديقاتي نفس وضعك بالتمااااام .. خالها اخذ ايميله وتعرف عليه .. واخذ وقته في التعارف لين ما تطمن له .. وراح بنفسه سافر لمكان اقامته وسأل عنه في عمله وفي سكنه جيرانه ..

وكماااان بحث عنه في الانترنت .. هذه اقولك ياها بعدين

..المهم ولما اطمنو انه ابن حلال ومحترم والكل يمدح فيه تمت خطوبتهم والحمد لله .. قريب بتتزوج ..

قريبة لي اليوم عرفت انها بتسافر هي واهلها لبلد عربي آخر لانه في خاطب جاها واهلها بيروحو يسألو عنه هناك .. .. أٌخرى نفس الوضع الصيف الماضي راحو لبلد الخاطب يسألو رجعت عاقدة قرانها ..

اذا اهلك مو معارضين تروحي لمحل اقامته وياهم .. وهما ياخدو راحتهم بالسؤال فهذه فرصة لك .. وكمان افضل من انه يجيك لبلدك وما تقدري تاخذي فكرة كافية عنه لانه اكيد بتكون جيته محدودة جداً .. اما انت تاخدي راحتك ومنها سياحة

>>> شكلك بتضربيني

وطول هالوقت استمري بالاستخارة .. والله ياوفية ان الاستخارة لها اثر عجيب .. اذا لك خير رح تلاقي امورك كلها تتيسر بدووووووون ما تحسي وكإنها حلـــــــــــــــــــم .. وإذا ربي مو كاتب لك نصيب معه رح تحسي وكل الامور تتعقد ..

بس قولي يارب .. وتوكلي على الله وفوضي له امرك .. مهما بلغنا من الحرص والتدقيق في السؤال والتمحيص عن الخاطب اذا كان لك نصيب معه رح تاخديه لو إيش ماكان وترى الناس ما تقول كل شي ولا تعطيك التفاصيل اللي انتي تدوري عنها .. صدقيني ..

فاتوكلي على ربك .. هو أرحم وألطف بك من جميع خلقه ..

__________________

.

إلهيْ ’ / أبدل عُسَرِنا يسُراً ,
وفرّج عَنِا كُل ماَ ضاَقتَ بهِ صدُورَنا , وحَال معُه صبَرنُا و إَرزقِنا مَن حيَثُ لَا نحتَسُبْ..آمينَ

.

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه