نور اليوم جاه شك مو طبيعي في واحد من ربعه اسمه مضحك ودائما لا كنت رايقة اكرر اسمه بالمزح
المهم جا فتش جوالي والرسائل والمكالمات الصادرة وكل شى
شوي قالي ايش جاب ابو فلان عندك يقصد صاحبه؟ قلت له وينه انت صاحي ولا مجنون؟؟؟؟؟؟
قالي والله تهيئ لي انه هو ..قلت لاحول ولاقوة الا بالله
المهم شاف مسنجري مالقى احد كلهم بنات وصار يسالني عن الماضي هل كان لي علاقات؟ وهل اكلم اي رجل غيره
قلت له انت تشك فيني؟ قالي الشيطان لعب براسي المهم احلفي وخلاص ازعجني هالشى ولكن بنفس الوقت حبيته يذوق من نفس الكاسة الي شربني منها وبغيت يحس وقت مانا اشك فيك كيف بتكون حالتي
قلت له شف والله لو اني مو عاذرتك وحاسة في كان ماجلس على ذمتة ثانية وحدة انا ابي غيرة مابي شك
وكانت محلامه تخوف ومرعبة وكان يدور علي اي مصيبة وشوي قالي مافي طلوع مع السواق وعبايا عالراس وقفزات
قلت له ابشر وهالشى اسعدني كثير لكن الشك الثاني ازعجني
وكل هذا تدرين يانور وش سويت له يوم الخميس ارسلت له رسالة اني بروح لصديقتي واتعشى عندها ونطلع نتمشى على البحر وحنا لا رحنا البحر ولا شى بس حبيت اهيج غيرته المهم ارسلت الرسالة الظهر وخليت جوالي عالصامت ورحت انظف البيت شوي والا اكثر من 13 مكالمة لم يرد عليها .. واقوم ادق عليه قلت له خير وشفيه؟

قالي ليش ماتردين وليش جوالك على الصامت قلت له من امس على الصامت وكنت مشغولة بتنظيف البيت
المهم طلعت بعد العصر ورحت المشغل ومن هناك رحت لصديقتي وهو معي تلفونات وقالي اجي اوصلك قلت له انت طلع عيالك اليوم خميس وانا بيوديني السواق ماعليك
وجلس كل شوي يتصل يتصل وانا ارد على اخر رنة ههههههههه قهرته
ولما تعيشت مع صديقتي قالي بجي اخذك وجاني وكان بوجهه عتاب ولوم وقهر وشوق ومدري وانا جالسة بالسيارة وحاطة رجل على رجل وساكتة وارد على قد السؤال
لمن جيت اطلع من عند صديقتي عطرتني من العادات الحلوة قالي معطرة اجل هههههههههه اضحكي شوي
وصلنا البيت وطلع معي رغم ان اليلة مو ليلتي وجامعني كانه يشوفني لاول مرة
انبسطت وكنت فرحانة بهالشعور حتى لمن جيت اقوم الله يكرمك ورفع الله قدرك لدورة المياه ماخلاني اقوم قالي اجلسي شوي على السرير عشان تحملين يالله يانوووووورتي حسيت اني ملكة
احساس حلو حلو مرة ليته بتكرر
بس اليوم ازعجني بسالفة شكه الغبي هذا مرة فقد السيطرة على نفسه ابي الغيرة حقت يوم الخميس مو شك يانور
المهم حبيبتي هذا الي صار خلال هاليومين فديت روحك والفضل كله يرجع لك بعد الله
لا تغيبي عني يانور مرة اشتاق لك ولنصايحك يالغلا ربي يحفظك اينما كنتي