والله يا اختي ذكرتيني بصديقتي
لما الوحده منكم تتكلم تحس ان جالسين في جلسة تحليل نفسي
تفلسفوا كل الأمور
وانتوا الصح والناس اللي ما تفهم

الحين بتقولي مافاهميني وانا احس وانا اشعر والرومانسية ومدري ايش
طيب انا اقص ايدي اذا انتي تعرفي اصلا شو تريدي

يا حبي الناس اصناف وانواع وشخصيات وتربيات وبيئات وهذا غير عن هذا
كل هذي الخيالات اللي براسك اتركيها وركزي على هذا الرجل ..

رجل شاريك وبيسترك وبيلبي طلباتك بس شوي شوي

مااااايعرف يكون رومانسي مثل الشكل النمطي اللي في راسك

هذا الشي اللي لازم تفهميه وهنا مربط الفرس

مايعرف ياخذك بحضنه وانتوا تشوفوا التلفزيون
مايعرف يقولك حبي هاتيلي الغدا والعشا يوعان

مايعرف

شفتي الطفل اللي بعد مادخل المدرسه تجي وتقوليله اكتب اسمك
واذا ماعرف تعاقبيه

وفوق هذا يحاول ويحاول يرضيج ومايفلح


وكل ما سوى شي يقولك (هاه مبسوطه)

هذا لازم تعطيه وسام في عالم الرجال هذا نادر


لاتحسسيه بالنقص لانه مش مقطع السمكه وديلها
ولانه مب فنان قبل واحضان

هالأمور بتجي بالصبر ومابتجي كلها على فكره الكمال لله تعالى

ولاتذكري دايما انك انتي بعد مب كامله

وبهمسك بسر

رغم اني فهمتك لكن قد يراك الكثير من الناس اللي قرأوا موضوعك انك متطلبة مغروره

على فكره والله اشفقت عليك لما قلتي قطعت دفتر الذكريات

لهذي الدرجة تملكتك خيالات رسمتيها وقلتي انها هي هذي الحياة

وتركتي من اجلها الواقع

اصحي يا اختي الله يهديج ويرضالي عليج

الرجل اذا تركتيه بيحصل الف وحده تحتضن طيبته وصفاءه

بس انتي من بيحتضن خيالاتك وبيلبيها على حسب ما تبي

المشاركة الأصلية كتبت بواسطة [COLOR=blue هي تشتكي من كونه حجرا لا يتأثر بكونها امرأة متاحة له بالحلال( بحدود ) حتى وان كانا بمفردهما، اسمحولي، مهما وصل به الخجل فابدا لا يصل لهذه الدرجه، ومهما كان عديم الخبرة بالنساء وقليل التجارب، ففطرته سوف تقوده، اما ان يكون صنما طوال الوقت، فهذا امر يستدعي وقفة جادة..[/COLOR] اختي انا لا اثير شكوكا في نفسك، وانما اقول لك كما اخبرتك سابقا، ابحثي الموضوع مع من تثقين به من اهلك..

والله يا اختي يصل بالشباب اكثر من هذه التصرفات
ولاتنسي ان التي تقص لك القصة انسانه تعاني لذلك ترى كل فعل منه مصيبه عظمى
لكن صدقيني يصل بالشباب من عدم القدرة على التصرف لدرجة الجمود
زماننا هذا اختلفت فيه كل المقاييس
كثير من الشباب لم يعودوا هؤلاك الجوعى جنسانيا
البنات في كل مكان وكل بقعه
حتى الاصحاب اصبحوا يغذون لدى بعضهم البعض بعض الجوانب وقد تسمعين كلمات حبي وحبيبي بين الشاب وصديقه كأنها بين خطيب وخطيبته
اختلفت الموازين نسأل الله العافية
هذا الشاب يستحق بعض الصبر من الأخت الغالية
نسأل الله لها التوفيق
وان يرزقني ويرزق بنات المسلمين يارب العالمين

المشاركة الأصلية كتبت بواسطة النار والهيل والله يا اختي يصل بالشباب اكثر من هذه التصرفات ولاتنسي ان التي تقص لك القصة انسانه تعاني لذلك ترى كل فعل منه مصيبه عظمى لكن صدقيني يصل بالشباب من عدم القدرة على التصرف لدرجة الجمود زماننا هذا اختلفت فيه كل المقاييس كثير من الشباب لم يعودوا هؤلاك الجوعى جنسانيا البنات في كل مكان وكل بقعه حتى الاصحاب اصبحوا يغذون لدى بعضهم البعض بعض الجوانب وقد تسمعين كلمات حبي وحبيبي بين الشاب وصديقه كأنها بين خطيب وخطيبته اختلفت الموازين نسأل الله العافية هذا الشاب يستحق بعض الصبر من الأخت الغالية نسأل الله لها التوفيق وان يرزقني ويرزق بنات المسلمين يارب العالمين

المشاركة الأصلية كتبت بواسطة تعويذة عشق اختي الحبيبة لامير نمر .. والله استشعرت كل كلمة كتبتيها و حاسة فيها .. مو لأن خطيبي فيه اللي قلتيه .. بالعكس يحبني و احبه .. بعض المناوشات و المعارك لابد منها بعدين تصفوا الحياة بس لان خطيبي _ السابق _ كان نفس الحالة اسمعي و لا تستعجلي !!! خليني اعلق على بعض الاقتباسات من كلامك .. و بليييز يا حلوة .. اسمعيني و اقري كلامي بأريحية .. روووقي و اقري كلامي و كلام الاعضاء بقلب مفتوووح .. بصرااحة باين من من ردودك انك معصبة و متنشنة طول الوقت .. معذورة .. بس حاولي تروقي و تستفيدي من كلام الناس اللي هنا .. والله هم اصحاب خبرة و عقول حكيمة و رزينة .. و لهم علي فضل كبير كثيييييير ما أنساه .. المهم خليني أجي للمفيد يا قلبي أنتي .. اذا عند الجدية و الرغبة الفعلية لاصلاح ما بينك و بين خطيبك .. لااااااازم تشيلين هالكلمات من قاموسك .. اكرهه .. ما اطيقه .. اتمنى يموت .. ياريت ينتحر .. خليها على جنب شوي .. قولي لنفسك كلمات عكسها تماما .. صدقيني راح تتغير نفسيتك .. لأن اي شي تكرهينه راح تسعين للتخلص منه مهما كان .. و أي شي تحبينه راح تتمسكين فيه و تصلحينه مهما كان .. صدقيني اذا تحبينه بكل ما فيك .. حتى اخطاءه تحبينها .. و راح توحشك اذن كبداية .. تخلصي من هالكلمات .. اوكي كررتي على مسمعيه اكثر من مرة .. هذي ممكن تعمليها مع احد يشتغل معك ! مو مع زوجك .. اووكي و قولي هو ما عنده ما عند جدتي بالرومانسية .. انتي صيري أذكى .. ارسلي له على جواله كل يوم تقولين له صباح الخير .. اذا عودتيه .. صدقيني لو ما ارسلتي يوم بيقول ما ارسلتي تعودت ابدأ يومي بكلماتك .. و خليك مبدعة مثلا أنا خطيبي .. ارسل له كل يوم .. صباح الفراولة .. صباح المشمش .. صباح المانجو .. صباح التفاح .. و هيييييك .. لما يوم ما ارسلت .. اتصل قال احس يومي ناقص التتش المعتادة من حبيبتي .. اما هي نايمة أو فاكهة ثلاجتهم خلصت بالنسبة للشي اللي مؤرقك .. مثل ما قالوا الأعضاء _ ترا أنا مثل ما انتي ملاحظة مرررة احب اعضاء هذا المنتدى هههه _ المهم مثل ما قالوا .. يمكن هو يستحي .. يمكن مو فاهمك .. طيب اتفقي معه على وقت مستقطع في علاقتكم .. لانكم تحتاجون بالفعل وقفة .. اذا كنتي تعصبين و يرتفع التنشن وقت المحادثات وجها لوجه .. اوكي اكتبي له ايميل .. قولي له كللللللل اللي خاطرك فيه بلغة بسيطة محببة .. و لاحظي اني ما اقول لغة بسيطة عشان هو يفهمها عشان هو اقل منك .. لااااااا اقول لغة بسيطة لأنها اقرب للقلوب .. ابدأيها حبيبي و اشرحي فيها كل اللي خاطرك فيه .. و كل اللي مضايقك .. و اختميها انك تتطلعين لليوم اللي تحطون ايدينكم بايدين بعض و تبنون عش الزوجية طابوقة طابوقة ههههه شوفي حبيبتي .. انا اشوف انو مو حلوووو انك تقولين له .. انت ما ارضيتني و لا حتى بنسبة 10% بهالطريقة يخاااف منك و تخلينه يتوتر .. و تعطينه احساس انه هذا واااااااااجب لازم يسويه عشان ترتفع نسبة رضاك عنه .. ليه ما تقولينها بطريقة انثوية و محببة اكثر .. ليه ما تطلعون في مطعم رومانتيك أو اي مكان و تقولين له حبيبي ما تتخيل قد ايش هالـ _ 10% اللي انتي تتكلمين عنها _ اسعدتني و حسستني بحبك و حنانك .. كذا تشجعينه .. و هو يفهم بطريقة غير مباشرة اللي يسعدك .. و بنفس الوقت ما يحس بالتوتر و هم رضاك .. حبيبتي بليييز لا تتعاملين معه بشهادتك .. خليكي معاه انثى .. زوجته اللي تحبه و تخاف عليه .. مو الاستاذة لامير نمر .. يمكن لاحظتي اكثر من عضو يقول عنك مغرورة .. أنا ما بقول اتفق معهم .. بس بقول اسمعي وجهة نظر الآخر .. لا تخلين افكارك تسيطر عليك و يخليك ما تشوفين الا وجهك و لا تسمعين الا صوتك .. بالنسبة لتعليقي بالبداية .. اني واجهت هالشي من خطيبي السابق .. بصراحة خلعته أنا .. و انفصالي انا و توفيقي بالارتباط بشخص افضل .. مو المقصود منه تشجيعك على الانفصال .. هذي حيااااة طويلة .. أنا طلبت الانفصال لهذا السبب و غيرها من الاسباااااب الكثير .. و لاحظي غيرها اسباب كثير .. يعني لو كان هو السبب الوحيد ممكن كنت راح اتغلب عليه .. فأنتي نفس الشي .. لو كان خطيبك رجال خلوق و طيب و كريم و كل شي بس هالشي اللي مضايقك منه .. تبنيه و خليه مشروعك .. انتي انسانه ناجحة و أنا متأكدة ان مشاريع كثيرة في حياتك خضتيها و نجحتي .. لا تخلين المشروع الأهم في حياتك يفشل بسبب شوفة حال .. ترا مهما وصلت البنت من الدرجات العلمية و الشهادات .. زوجها يحب يشوفها زوجته الحبوبة الحنونة اللي ما عندها بالدنيا غيره _ حتى لو كانت بالحقيقة تقدر تستغني عنه ماديا و اجتماعيا و عاطفيا_ الله يوفقك حبيبتي .. و نسمع عنك أخبار طيبة .. بليييييييز رووووقي و طمنينا عنك .. ترا كلنا هنا نحبك و نتمنى لك الخير .. و بالنهاية .. ادعوووا لخطيبي ينجح باختباراته و يرجع السعودية سالم غانم يارب