بسم الله الرحمن الرحيم
اخ عافتني قريت موضوعك وردود الاعضاء .حابه اعلق على مشكلتك
أول شيء راح اعلق على العنوان ( واحنا بالملكة وطالبة الطلاق...!!! )
يعني ياعافتني لو طلبته بعد الزواج بيكون اخف عليك من ان تطلبه في الملكة؟
الملكة ياعافتني هي فترة تعارف بين الخطيبين للاسف عندنا بالسعودية مافيه
فترة خطوبة يتعرفون فيها .يتم التعارف بالملكة يعني اذا طاح الفاس بالراس..!
والعريس يخسر ويأثث والبنت بعد تجهز وهما اصلا في فترة تعارف .
يعني ممكن بأي لحظة البنت او الشاب يتراجع ..!
وهذا الي صار معكم ..البنت تراجعت وطلبت الطلاق
حتى لو افترضنا ان البنت مافيها(عين) طيب ياخي يمكن استخارت ربها اكثر
في هالزواج.يجوز مارتاحت يجوز اثر عليها احد يجوز شي في اسلوبك يضايقها.
المهم انها ماتبيك...! وانت مشكلتك كلها احتجاج ..ليش ماتبيني..وش فيني؟
مايعبيني شي. ماقصرت بشيء. ترا المسألة يا عافتني شيء نفسي يمكن
انت مافيك عيب بس هي ماتبيك. حتى لو كبيت عليها هدايا الدنيا.ممكن شخص
مايجيب لها ولا حتى وردة لكن تعلقت فيه .وشخص مغرقها هدايا لكن ماارتاحتله
بعدين واضح من كلامك انك مقهور على الخساير والفلوس والهدايا موعليـــها.
وهذا الي حارق قلبك ليش تعوفني وانا خاسر عليها !؟موعشانك تحبها
انت لو انك تحبها ماجبت طاري الخساير الي فاقعه مرارتك.وماكان استخسرت شي اندفع .
وانت بنفسك قلت انا حبيتها لانها عروستي المستقبلية !! بس عشان كذا حبيتها؟
يعني مو لشيء يميز هالبنت.بكره تخطب اي بنت وبتحبها لانها بتكون عروستك عاادي
مدام هذا سبب الحب!!!!!!!!
وكل شوي تقول ماقصرررت وماقصرررت ..وعطيتها الهدايا الغالية.شكلك ماخذ فكرة عن البنات
غلط ان الهدايا تسحرهم وتخطف قلوبهم..ترا البنات مو لهدرجة سطحيات همهم هدايا وخلاص.
وانت الله يهيديك قاعد تحرق في نفسك اكثر وتقول ليش اخوياي زواجاتهم تمت واعرسوا وانا لا؟
هذا نصيب يا أخي وش يدريك لو واحد منهم يطلق بعد شهر او شهرين لاسمح الله.موشرط ان
زواجاتهم تمت يعني خلاص توفقوا !! لاتقارن نفسك بأخوياك شوف الناس الثانيه ياما ناس
اشترو كلشي بالاخير فكو الملكة.
اقتباس:
المشاركة الأصلية كتبت بواسطة saalech
اها يعني البنت فيها عين !!!! , حسبنا الله على اللي كان السبب وان شاء الله سينفضحون الذين سببوا ذلك ,ولكن البنت ليست في وعيها وهي تحت تأثير العين نسأل الله العافيه .
|
اهاا يعني البنت فيها عين!! >> توكم تستوعبون؟ بعد ماقطعتو جلد البنت !!
اهلها من البداية قالو ان فيها عين لكن ماحد حب يصدق وماخليتو شي ماقلتوه فيها
بعد ايش توكم تدرون ان البنت مو في وعيها وتحت تأثير العين.
الي قال مرتك بزررر وعينها قوية. وانت ياعافتني كانك ماصدقت يقولون هالكلمة
في كل رد تكتب عينها قوية. عشانها ماتبيك صارت عينها قوية..!
او انك تبي ان طلب الطلاق يجي عن طريق ابوها؟
بالعكس انا شايفة ان صاحبة الشأن هي الي توصلك هذا الشيء وجها لوجه لان محد
يقدر يوصلك شي هي تبيه غيرها. لكن مع الاسف قلت عليها عينها قوية.متى بنعيش
في مجتمع حضاري يسمح للمرأة تعبر بنفسها عن شئ يخصها؟متى بنتطور؟ الى متى
لازم البنت تسكت وماتتكلم وماتعبر واحد يتكلم عنها؟ خاصة انكم كنتم تجتمعون لوحدكم
كثير يعني يوم على جاء الشيء المهم الي لازم هي تقوله وصفتها بالعين القوية؟؟؟؟
والاخت عروسة مغتربة وش هالتحامل على البنت؟ ردك كله تشفي في البنت تقولين
هي المسكينة وانت الربحان هي الخسارنة وهي وهي.. انتي بنت لو جالك الي جاها
او اصبتي مثلها بعين وقلبت موازينك وكرهتي زوجك هل ياترا راح تقولين نفس الكلام
الي قلتيه على بنت الناااااااس؟؟
محد يدري عن حالة البنت الحقيقية وانتم جالسين تحكمون بس من طرف واحد.
اما انت ياعافتني لاحظت انك تفرح بالردود الي بصفك ايا ً كانت واي شي بصف البنت
تعتبره هجوم عليك ليش؟ انت حاول تلاقي حل مو صاير تدور من معك من ضدك.
واستغربت كثير لما شفتك تقول انها فعلا صارت عين بس انا اثقل واتغلى؟
كانك تقول بذوقها الي ذقته.البنت مصابة بعين وانا انصحك انك تقراء كثير عن
المصاب بالعين بدل ماتحاول تعاملها العين بالعين والسن بالسن.
وبقولك شيء ترا البنت ماتفصل فستان العرس الا اذا كانت مقتنعه مئة بالمئة بعريسها
يعني هي كانت تبيك فعلا بس نظلوها العالم .فياريت انك ماتظلمها وتقول معطينها اهلها وجه
وبزر ومن هالحكي؟
أما خالك الي يبي يزوجك ويعطيك مهر والله مايبي مصلحتك وشكلك تبي تعرس
بس عشان تقهرها مو اكثر طيب والعروس الجديده ماراح تتعرف عليها؟ ولا بس عرس
الله يهديك ويعينك ويعوض عليك وعليها
التعديل الأخير تم بواسطة *نجمة*الليل* ; 05-06-2010 الساعة 08:58 PM
05-06-2010, 08:52 PM
ضوابط المشاركة
العرض الشجري