تزوجت زوجي مو عن حب ولا شي بل زواج تقليدي وتعرفنا على بعض في فترة الخطوبة وبعدين الملكة وتزوجنا على بركة الله

بين فترة وفترة كان يسألني ها السؤال : تحبيني يا "فلانة"؟
أكون مترددة من داخلي وفي صراع هل أقوله أحبه وأنا بصراحة ما أعرف مشاعري تجاهه لأنه انسان غريب عني والحين بس عرفته ولا أقوله لا وأقعد أتفلسف وأقول بعدنا والحب وين !!

بس كنت أقوله ايه أحبك .... وأنا حاسة بذنب كبير لأني ما أعني ها الكلمة أبدا
في الأخير بعد ما تعبت قررت إني أعتبر زوجي صديقي ... أسولف وياه مثل صديق ونطلع ونسهر مثل الأصدقاء ونشوف الأافلام ونعلق عليها .... ومع الصداقة جاء الحب
كفاية إني ما أقدر أستغني عنه الحين أبدا أبدا

وأنا بصراحة أبغي أنصح أي أحد إنه يشيل ها الفكرة من باله (تحبني\يحبني) لأنها تخلي الواحد في حيرة وتشوش وتحسسه بالذنب وياما بيوت سعيدة جدا مبنية على الاحترام والتقدير والمودة أليس هذا أفضل من الحب ؟ برايي أنا هذا كفاية وخاصة لو فيه بينهم أطفال

__________________
الظلال تمد ايديها لنا !
هل يا ترى تكون ارفق علينا من الضوء؟