وحنا في الملكه وطالبه الطلاق (مستجدات في الرد 235)

26-05-2010, 08:38 PM

#11

عافتني

عضو نشيط جدا

تاريخ التسجيل: May 2010

المشاركات: 238

مستجدات

عدنا بعد خوف وهلع وقلبي بغى يوقف وبعد صلاة المغرب صليت ركعتين وقلت هذا الدعاء

(يا صانع المعجزات يا مجيب الدعوات اجعل لي في امري خيرا )

تعرفون الوالد مو بالديره ذي وصى خالي اخو امي يروح معي

شخصيات لازم تعرفونها << صار فليم

(ابو خالد) خالي اخوي امي
(ابو تركي) ابو زوجتي

رحنا انا وابو خالد لبيت اهل المدام استجابه لدعوتهم استغربت ترحيبهم الحار جدا جدا جدا والمرحب (ابو تركي) وحب راس خالي ابو خالد وحب راسي انا

بعد الاخبار والعلوم حلفوا اننا نشرب القهوه .....

شربنا قهوتنا وابو خالد استغرب ترحيبهم لأننا جاين نبي نطلق وناخذ اغراضنا ونمشي

تفجأت بكلام ابو تركي انهم شارينا ويتمنون ان الزواج يتم بأي طريقه كانت ويحنن قلب البنت علي <<

ابو خالد انصدم من كلامهم وقال كلامكم حلو ومدام انكم شارين الرجال والرجال يبيكم (@@) خلونا نحل الموضوع

طمر خالي ابو تركي قال انا ودي انه يطلقها طلقه وحده عشان اذا فيها نفس تروح ابو خالد قال عين العقل وش رايك قلت يا خالي اذا دخلنا في امور الشرع ياليت ندخل مره وحده ولا نطاول بالكلام وننهي الموضوع

ابو خالد قال وانا خالك لا تستعجل باقي على الزواج شهرين تقريبا (16-08-1431 الموافق 28-07-2010)

ورايي انك تطلقها طلقه وحده عسى ان الله يحدث بعد ذلك امرا

قلت ما بعد كلامك كلام يا خالي (صعبه اكسر كلمته قدامهم وانا عارف النهايه)

واتفقنا اني اروح يوم السبت للمحكمه واطلق طلقه وحده .

وطلعنا من عندهم وابو تركي مشى معانا لين ما طلعنا من الحاره << تقدير واحترام لنا

كلمني ابو خالد قال ياخي الناس شارينك وشوله تبيعهم وانا خالك قلت يا خالي اذا طلقتها طلقه وحده يعني انا عايفها والشرع يقول اذا طلقها الرجال ماله الا نص المهر

انصدم خالي من كلامي وقال لا تطلقها الا بشروط تكتبها عند الشيخ على انه يرجع كل اغراضك ومعك شهود 2

وانا ما كان ودي تطول السالفه اكثر من كذا مع ان كلامهم كان مقنع لدرجه ان خالي طلب يد بنتهم الثانيه لولده وقالوا اذا فهد يبي البنت الثانيه ما عندنا مانع

فنبي نسمع ارائكم !!!!!!!!!!!!!!!!!!!!!!!!!!!!!!!!!!!!!!!!!!!!!!!

اصبحت معلقا في علامة تعجب !!

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 11:21 PM.

روابط سريعه