الله يقويك

بأقول لك قصة أعرف صاحبها شخصيا يمكن تفيدك وتساعدك ..


هذا شاب كان رايح يوم يزور قريب له ساكن في عمارة وهو طالع انتبه لنافذة صغيرة لدورة مياه - أكرمكم الله - وشاف إمرأة تستحم


زين له الشيطان ومن بكرة راح لباب الشقة وطق الباب ومن ورى الباب صار ياخذ ويعطي مع الحرمة وهي بعد لانت له


تطورت العلاقة بينهم وبعد فترة راح الولد ودخل شقتهم من المنور والحرمة ماتدري

طلعت له لقته بالصالة

صارت تترجاه يطلع لأن زوجها داخل

بهالوقت طلع الزوج ،، والشاب من طبعه إنه يشيل معه سلاح دائما

يقول طلعت السلاح وأطلقت على الرجال وانحشت برا المدينة


بعد ثلاث شهور من الله عليه بالهداية وتعرف على صحبة طيبة وقال لواحد من أصحابه الي صار وقال إني ماأنام الليل من الخوف من ربي

طبعا هو يقول إن الطلقة جت في صدر الرجال وإنه متأكد إنها قتلته


قاله صاحبه عقاب الدنيا ولا الآخرة ونصحه لين راح لهم

يقول طقيت الباب إلا فتح لي رجال كبير وجنبه نفس الرجال الي أطلقت عليه زوج الحرمة

احتاس مرة وماعرف وش يقول لهم لأنه جاي عساس يسلم نفسه للقصاص وصار الرجال حي مامات

المهم إنه قالهم كل شي وقال إنه جاهم عساس الرجال قد مات

الرجال وأبوه صارو يبكون من التأثر خاصة إن الولد بينت عليه مظاهر الالتزام والتحى ماشاء الله عليه ..

قالوا احنا مسامحينك وعفونا عنك لكن فيه اثنين ماسكينهم اشتباه

راح معهم واعترف على نفسه وهم تنازلو لكنه سجن 3شهور حق عام



فأنت صف النية لربك (ومن يتق الله يجعل له مخرجا) ..