اقتباس:

المشاركة الأصلية كتبت بواسطة ahmoda-zezo السلام عليكم عندي ولد عمره 3 سنوات ومنذ أن كان في عمر ابنه صديقتنا هذه وهو طفل بشع لا يطاق بالمره وحتى الآن حول حياتنا إلى جحيم لا يطاق بالمره صراخ طول الوقت على أي شئ وكل شئ لا تعرفي ما يريد بالضبط لأنه نفسه لا يعرف ما يريد يريد كل شئ تتخيلونه يخصه أو لا يخصه عنف لا يوصف يضرب أخوته بأي شئ يصادفه مهما كان حادا، يخربشهم ويعضهم يمسك بأي شئ ويفرغ محتوياته بهستيريه ويكسر ويخرب الأشياء لا تستطيعين الجلوس معه لدقيفه واحده والله العظيم وكان أن وضعناه فترة العصر إلى العشاء في حضانه حتى نستطيع أن نحيا في البيت وأن أقوم على أولادي الآخرين من مذاكره وغيره ماذا نستطيع أن نقول غير اللهم الهمنا الصبر أما إنكم تستغربون الضرب فأنا أفعل ما لا يفعله أحد في هذا الموضوع وأجلس حزينه بعدها مما فعلت ولكن لا شئ يجدي ماذا نفعل إدعوا لنا من قلوبكم لعلها تكون ساعة إجابه والسلام عليكم

اخي مشكلتك انت بالذات غير مشكلة الاخت تماما.. تماما

انت لازم تعرضه على دكتور تعديل سلوك للأطفال وهم كثر جدا في مستشفياتنا في بلدنا

ونصائحهم ذهبية جدا .. واحيانا بيعملوا كونسُلتوا على الطفل من كافة التخصصات.. ويقيمولك قدراته ... ويدوك حلول عملية تتعامل بيها مع ابنك وليا واحدة صحبتي مجرباها وجابت نتيجة هايلة جدااااااااااااااااااااااااااا

مهم جدا تعرف ان الضرب لإبنك غلط تماما .. مش بيحل وقد يزيد في نوبات الغضب والعنف عنده .. الضرب بيخليك انت تنفس عن نفسك وغضبك فيه، وياريته بيدوم تنفيس وقتي ، بعده تعض اصابع الندم .. يبقى الضرب مش حل .. ولا حاجة انت مضطر تعملها ... لإنها مش بتأدي الغاية منها ... وبتدخل في دايرة مالهاش اول من اخر!

احنا بنجري بعيالنا على المستشفيات لما حرارتهم تعلى .. فالموضوع ده مايقلش اهمية عن كدا خصوصا انها سلوك حياه كاملة ومش عيب ان الطفل يكون مختلف .. ونبان اننا بنتلعم من اول وجديد رغم اننا مخلفين قبل كدا .. كل انسان غير التاني ووراد انه يكون مختلف عن اخواته ..ونروح نتعلم ازاي نتعامل معاه ..عشان اللي هنزرعه فيه هيستمر معاه العمر كله .. وقد يكون انجح وأميز اخواته كلهم بعد كدا !!!

كمان لو شخصية زي ابنك كدا أترعب أدخله حضانه ... اه والله ... مش كلهم بيفهموا يتعاملوا مع نوبات غضب الاطفال الاكستريم اللي زي ابنك

يعني تسألهم بتتعاملوا معاه ازاي وقت الغضب ؟؟ وسلوكه ماشي ازاي؟؟؟ وهل سهل انه يسمع الكلام ؟؟ طيب وبيسمعه ازاي ؟؟

ركز مع كلامهم اوي ... والاسباب بتاعتهم وشوفها هتدخل دماغك وتمشي مع شخصية ابنك ولا لأ.. ماتقولش في جواك لو مقتنعتش انه ممكن يكون ربنا هداه !! ابدا ..

وامه تروح فجأه تبص ... انا ابني شقي جدا جدا ... واجتماعي جدا جدا جدا ... وقلبي وجعني في يوم (غريزة الامومة ) .. ونزلت دخلت عليهم فجأه ولقيته بيبكي بحرقة ودي مش عوايده إلا اذا كان مأذي .. واقولهم ليه وايه السبب .. قالولي كلام فارغ ... كرهوه في الحضانات ... ولما غيرتها (طبعا) لواحدة كويسة رجع لطبيعته ..!!!

وربنا يستر على اولادنا ويحفظهم ويهديهم

ويكون في عونك ... التربية مش سهلة ابدا ..هَم بجد ... ربنا يعينك يعينك يعينك