15-05-2010, 12:38 AM
|
المشاركة الأصلية كتبت بواسطة نبض الدان
السلام عليكم ورحمة الله وبركاته
وعليكم السلام ورحمة الله وبركاته سؤال.. إذا الزوجة خلاص أمتلت من زوجها من المواقف اللي تصير ولاعاد له بقلبها أي رصيد هي تحترمه وتقدره وهو يذلها ويقسى عليها تحاول تراسله وتحاوره يقتل كل كلمة قبل لاتولد منها بكلماته القاسية .. وعدم اعترافه اصلا بوجود مشاكل>>لأنه طبعا مرتاح من رايي ما تفتح معاه اي كلمة فترة من الزمن - لعني كلمة ورد غطاها فقط - وربي اني أحيانا أحس بالكلمة تموت قبل لاتطلع مو تموت لا ترجع وتبقى بصدري لأني عارفة انها راح تلاقي تصدي وترجع عشر بدال ماهي وحدة وبعدها يبدأ بطريقة سخيفة لإرجاع المياه لمجاريها يبدأ يتطلب>>لأنه عارف اني أحترم حق الطاعة له ويبدأ يكلمني وكأنه أصلا ماصار شيء هذا دليل الاعتذار ودليل على معزتك بقلبه - لانه باعتقادي ان هالنوعية من الناس فنانين بالحقران واذا ما حقرج يعني يبيج ويبي يستسمح منج- وإذا شاف ان هالحلول ماسوت شيء يزيد من الكلام القاسي والمذلة والاستهزاء ويرجع الاخطأ كلها لي وطبعا لو بتكلم كلمة على طول يصير الخلل مني اني حساسة ولا اتحمل والحريم طبعهم كفارات عشير.. يبي يعتذر وشاف الهدف اللي يبيه ( الصلح ) ماصار وبنفس الوقت شاف ان الكلام القاسي هو اللي بيخليج تردين،، وحتى دموعي مالي حق فيها لو بصيح أيضا بنال حقي من رمي الكلام وان دموعي على الباب ..طيب خلني ابكي على كيفي مالك دخل.. بفضي شوي.. تدرين ان دموعج تفعل العجايب فيه،، ما يبيج تصيحين لان ما يبي قلبه يعوره عليج،، ما يبي يحس بتانيب الضمير،، - وهذا سلاح فعال ضده- طبعا الحين خلاص انا صرت أمثل اني طبيعية وعادي بس بقلبي كلام كثير وعتاب لأني أبد مو راضية عن تصرفاته حبيبيتي هذا اكبر غلط ،، المفروض انج تلاقين حل مو انج تمثلين لان لا زال بقلبج اثار ماراحت كل هذا ولد عندي إحساس ميت نحوه صار ابدا مايثيرني ولا أشتاق له وإذا شفته أشيل عينه عنه لأني صرت اشوفه قبيح ولا أتقبل شكله على أني مر علي وقت أموت فيه انا ماابي أعيش بهالشكل هذا زوجي حلالي أبي أعيش الهدف من الزواج مو بس تلبية طلبات وحمل وولادة وتربية أبي أصلح حياتي ومحتاجة أحد يساعدني زوجي للأسف ملتزم وأنا قبلت فيه على أساس ان الملتزمين يخافون الله بزوجاتهم ويقتدون بالنبي صلى الله عليه وسلم بالتعامل والله كانت جدتي تقولي تراه اسمر قلت عادي مايهم أنا بعيش مع شخص وجسد مو بس جسد وشيء يغطي على شيء أنا ماابي رومانسية ولا أبي هدايا كلها غاسلة يدي منها من زمان بس ابي تعاااااامل أبي تفاهم وشخصية راقية تقتدي بالرسول على فكرة زوجي يتأثر من بعض المحاضرات بس ماحصلت محاضرة تتكلم عن حسن التعامل مع الزوجة وتقديرها واحترامها لو عندكم قولها لي يتكسبون فيني أجر ماابي رومانسيات ولا كلام من غير ربط بالسيرة لأنه مايقتنع بكل شيء الله يهدينا جميعا أخيرا أنا اتعب إذا نزلت موضوع لأني أنشر غسيلي وأفتح دفتر حياتي للجميع بس رجاي اني ألاقي حلول عملية أرجوكم لاتبخلون على بأي حل تشوفونه مناسب.. وعلشان تكونون بالصورة زوجي من النوع اللي قلبه أبيض يعني مستحيل يشيل على أحد يثور بساعتها وخلاص حتى على اصدقائه وأهله شخص مسؤول وكريم مايحب الحوار يحب الطلعات وسوالف الشباب أنتظركم |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري