.. أخي الكريم .. انا ما أقدر افيدك بشيء سوا اني اكتب لك قصه صديقتي , وهي جدا قريبه مني , ,طبعا الرأي بالاول وبالاخير لك أنت بس ,
.. صديقتي , تزوجت تقريبا معي بنفس الفتره , وكانت مو تحب زوجها لااااااااا ,, كانت تعشقه بكشل مو طبيعي ..
.. حتى وقت ملكتهم ( واحنا في بلدنا عادي المملوكين يطلعون مع بعض ويشوفون بعض كل يوم ) ,, اذا يوم ما كلمها وما شافته وما طلعت معاه , تحسها غييييييييير .. هي من النوع الا تموت وتعشق وتحب زوجها , وهو بعد ,,
.. لكن الزمن ما تركهم في حالهم , وشاءت الاقدار , ان يمرض زوجها ( بالسرطان ) , وبصراحة حزنا عليها وعلى زوجها كثييييير , وانا حالا فكرت فيها لما يموت زوجها اكيد لا محال راح تموت من بعده ,,
.. وعانت صديقتي مع زوجها , ومن حبها له , ابد ابدا ما تركته دقيقه لوحده , عاشت معاه اسبوعين بالبيت , وشهرين بالمستشفى , وكان يعاني كثير , ومريض مرررره , ويتعب بالايام , وخصوصا انه كان يتعالج كيماوي , وظلت صديقتي تحبه وتموت عليه وتعشقه لآآآآآآآآآآآآآآآآخر يوم بحياته ,,
.. ومن سنتين توفى زوجها ( الله يرحمه ) وكانت هي صغيره , وهو بعد صغير الله يرحمه ( وكان انسان رائع بصراحه )
.. لكن ماراح تصدق ..
.. كملت العده وتزوجت .. ان اكثر وحده من الشله انصدمت ,, كيف قدرت تنسى زوجها الا تموت عليه وتعشقه بشكل مو طبيعي , وتتزوج غيره ,,
.. الحين هي متزوجه , وتحب زوجها وتعشقه وتموت عليه .. اقصد زوجها الثاني ..الله يوفقها ويسعدها , ويرزقها طفل تفرح فيه ..
.. الخلاصه , انه النساء مو متشابهات ابدا ,, فيه الا تقدر تتزوج وتكمل حياتها وتعيشها بكل تفاصيلها , وحتى من بعد ما يتوفى زوجها الا تعشقه , وفي نساء لا ماتقدر انها تتزوج مره ثانيه , تعيش على ذكرى زوجها وبس ,,
.. اتمنى اني قدرت افيدك لو بشيء قليل ..
.. الله يوفقك ويسعدك ..
14-04-2010, 10:26 AM
ضوابط المشاركة
العرض الشجري