حبيبتي دانتيل لو ماكنتي بس عروس كان وريتكِ شغلكِ
حسستيني كأنكِ صاحبة مدرسة اهلية ولا مسئولة بأمانة جدة؟؟
شوفي ياعمري اغلب اللي يشتغلون بمدارس اهلية فاتحين بيوت ويصرفون على اهلهم
وهالرواتب الضعيفة في ظل هذا الغلاء ماتنفع بشي
انا من بعد الثانوية التحقت بالجامعة طالبة منتظمة وبنفس الوقت اشتغلت بنظام الساعات الين تخرجت
وبعد التخرج لاترسيم ولا وظيفة عينوا بنات عمرهم ماكانوا معي يشتغلون بنظام الساعة
وبعدها اشتغلت سنة بمدرسة اهلية و وش اقول بس عن الراتب ولا المعاملة ولا الحصص
ولا عدد المناهج , ولا تقولين عشان التخصص مو مطلوب
تخصصي لغات وكنت ادرس لغة انجليزية وفرنسية وادرس ستة مراحل تخيلي بس
وبعدها ربي اكرمني بهالمركز اللي اشتغل فيه ولا عاد ابي وظيفة لا حكومية ولاغيره
بس ابي الشباب اللي عندي يلقون وظايف زينة ويتزوجون ويرتاحون
وتعويضات سيول جدة بالله يادانتيل وبعيد الشر عنكِ لو عزيز لكِ مات فيها ترضين بالتعويض؟
ولا تقولين ماارضى إلا تجيبون راس اللي كان السبب؟
وبعدين ياعمري انا بجدة وعارفه وخليني ساكتة بس مو عشان لا اطلع عن مسار الموضوع
عشان لا اطلع عن مسار الحياة
__________________
إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}
02-04-2010, 10:24 PM
ضوابط المشاركة
العرض الشجري