أشيروا علي في عزومة أهل زوجي ((حُلت ولله الحمد ))

22-03-2010, 01:59 AM

#11

بدون مجامله

عضو نشيط جدا

تاريخ التسجيل: Jan 2010

المشاركات: 249

اقتباس:

المشاركة الأصلية كتبت بواسطة الرااسي

^

^

عفا الله عنك يا سيف ..

عموماً صدق القائل ( إذا أردت الرجال فاذهب إلى المقابر لكي تراهم )

يعلم الله اني ما خليت بيتي في هذه الساعه وطلبت اجي بيت اخوي الا لهذا السطر.. النت اسمع فيه واتفرج عليه من بعيد .. هذا اول رد لي في حياتي وبسم الله..

ايش يعني اذا اردت الرجال فاذهب الى المقابر لكي تراهم؟

يعني اخوي زوجي ابوي ولدي مو رجال؟؟؟؟؟؟؟؟؟؟؟؟؟؟؟؟؟؟؟؟

والرجال اللي هنا في (المنتدى) وش هم بالله عليك؟ فالرجاء وزن الكلام قبل كتابته .. لان اللي انكتب عيب

وبعدين استشهادك بالحديث من كان يؤمن بالله.....فليكرم ضيفه ...... مو في محله ابدا

هذا اذا جاني الضيف لحد باب بيتي ودخل وصار وسط البيت

اما انها في بيت عيالها من وين هي ضيفتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يكون استشهادك صحيح لو فعلا ناداهم وحطني امام الامر الواقع مثل ما قال السيف المهند ان الرجال يسوون.. ساعتها فعلا لابد من اكرامها .. بس كذا والموضوع لا يزال مطروح للنقاش خطأ مع احترامي لإجتهادك

احب اقول لكم .. ان الموضوع للأسف غير الاشراف عنوانه

والا هو اصلا كان موجه

للحريـــــــــــــــــــــــــــــــــم.. للحريمات ... للنسوان .. للنسااااااااء ..

بس طالما الرجال في المقابر فعادي الجميع يدخل فما الومك...

كان عنوانه ( لو كنتي مكاني وش تسوين )

وجهة نظر زوجي هي النظره الذكوريه الوحيده المكتفيه بها

لأنه هو المعني بالموضوع

لكن النظره النسائيه فعلا احتجتها وياليت الاشراف ع الاقل وضح هذا الشي في التعديل ..

اخ السيف المهند .. رد دانتيل عليك شافي كافي ووافي

والله كل ماجيت اكتب القاه مايحتاج بسم الله عليك يادانتيل ..مو لأنك في صفي بس قلتي العقل وانصفتي ..

وبوسه على راسك يا شيخه وربي انك ملكه ..

لكن لي تساؤل

وش سالفة مجالس الحريم اللي كلها غيبه؟؟؟؟؟؟؟؟؟
انت تعرفني والا تعرفها عشان تقول غيبه ؟

ما انت بعد اغتبت زوجي وقلت انه سلبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اجل الشيوخ كلهم يجلسون مجالس غيبه اذا استمعوا للفتاوي؟؟؟؟؟؟؟؟؟؟؟؟؟؟؟؟؟؟؟؟؟؟

انا طالبت بعدم المثاليه في الردووووووووووووود ياناس ياعالم
ابي ناس من ارض الواقع
كان الاولى تحط نفسك انت وزوجتك محلنا.. يعني اذا طريقتك زي ما انت كتبت الزوج ينادي عيلة العيله ويعلم الزوجه بس .. الله يخلف عليها

احب بس اضيف نقطه يمكن ما انتبهوا لها الرجال هنا

انا قلت في الموضوع ( العمه الكبيره )

واضح من كلمة كبيره انها مو عمته لزم.. ولا حتى زوجة عمه

هي حرمه كبيره يقدرها الجميع لا اكثر ولا اقل

لي 15 سنه متزوجه .. عمر زوجة الولد هذي ماطالعتني بشكل كويس .. قلت لكم لدرجة اني افتكرتها خلقتها .. وربي محسنه النيه فيها

قلت مو معقوله كره على طول كذا؟

طلع سبحان الله كره

والله يانظراتها لي في العشا اللي قبل فتره انها تخرررررررررررع .. مالها اي لازم لكن سبحان الله.. قلبها معمي الله يجيرنا وللعلم تراها كبيييييييييييره اكبر مني بما لا يقل عن عشرين سنه

سالفة ان العزومه بردت ... ليه يعني مكتوب في القران لازم ثاني يوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا اصلا مو مطالبين بالعزومه بس من باب الذوق لا اكثر ولا اقل

الحرمه الكبيره هذي متعودين احنا نزورها في بيوت اولادها

بس بحياتنا ماسوينا لها عشا ... ولا احد من حمواني او حمواتي سوى لها

يعني المسأله مافيها بر او عصيان او جحود.. مسألة ذوق فقط ...

ياليت التثبت قبل الرد .. واذا المووضوع شايفينه يا الرجال حريمي فليش تردون من الاصل؟
والله امره عجيب اللي يرد على موضوع مو عاجبه !

اما باقي الردود فكلكم والله تاج على الراس

تفاوتت الردود بين رافض وقابل

ما اعرف استقبل حرمه واسفهها .. او اتعامل معها عادي جدا وهي تكرهني بالشكل الفظيع هذا .. بإختصار ما اعرف امثل

وهذا سبب الصعوبه بالنسبه لي وسبب تساؤلي ..

والا انا الحمد لله متعوده على الاستقبالات .. اسوي بوفيه لحالي طبخ بيت وعلى قلبي زي العسل .. لكن استقبال حرمه بسواد القلب هذا والحقد .. جديد علي وعمري ما اختبرته .. لكن شكلي أضغط على نفسي واناديهم وافرح قلب زوجي الله لا يحرمني منه .. وفعلا اخذ الموضوع اجر عند الله .. ورح اطلع العشا بعد جيتهم بساعه واحده او على حسب ما اشوف الجلسه .. اذا هي غثيثه مره عجلت فيه واذا عادي ماشي الحال اخرته

الموضوع لا يزال قيد النقاش

للي عندها طريقه اقدر استفيد منها لتمضية الوقت بشكل لطيف

اللي عندها تجربه مثل هذي تعلمني شلون تعاملت معها

تربيت على عدم النفاق والتمثيل ..فصعب جدا جدا جدا هالموقف ..ابي بس تجارب الله لا يحرمكم الاجر ويجزاكم خير على كل ما كتبتم

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه