حبيبتي والله اللي بتحكيه قريب كتير عاللي بسير معاي بس مش بالزبط كتير، بس وجه الشبه انو بحاول يقلل من قدري ويحسسني بعدم ثقة بنفسي واني انا ولا شي بالنسبة لإلو مع انو احنا الاتنين شهاداتنا عليا، وطالما انك بتحكي انو انتو متعلمين، فانا بدي احكيلك انك تلازم تأكديلو انك متعلمة وبتفهمي مش بس بالشهادة، لا بالتعامل حاولي تكوني شوي شخصيتك جدية اكتر وخففي التلقائية شوي، لانو شكلو بعتبرها ( سذاجة ) اسفة مو قصدي بس هيك فهمت من كلامك. شغلة تانية: هو ليش بحكي انك قوية؟؟ بترفعي صوتك؟ عنيفة؟؟ ولا بتهمك ظلم؟؟ لما يضربك ويركلك شو بتحكيلو؟؟ كيف بتتصرفي؟؟؟ ومثلا رقم شو اللي ما حفظتيه؟؟؟ بيتك؟؟؟؟ يعني في اشياء لازم تكون بديهية يا حبيبتي في مخ المرأة عشان تثبتيلو انك ذكية مش بس متعلمة، لانو في ناس بعتبرو انو الشهادة بلا ذكاء مجرد كرتونة، اثبتيلو العكس، لاني حاسة انك فهمانه ما شا الله عنك، مش كل الرجال حبيبتي بحبو التلقائية، الرجال اشكال، جربي وشوفي هل بتغير وبستجيب ولا لأ، اذا استجاب كملي واذا لا واستمر في اهانتك احكي للناس الكبار واللي إلهم وزنهم بعيلتكم لانو في رجال بفكرو سكوت الزوجة انو ما الها حد وما وراها رجال، خلي هالمحاولة اخر شي، وبعدها خبري ناس ثقة وبحسنو التصرف ويشوفولك حل، الاولاد ما بحبو يشوفو امهم بتنهان، ما تخليه يهينك اكتر لانك ببساطة انسانه وعندك ولاد، بس زي ما حكيتلك حاولي بهدوء وخليه يلاحظ تطور شخصيتك وتغيرها من العفوي للجدي، الله يهونها يا اختي واستعيني بالله.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..