خطيبتي طلبت الطلاق فجأه - منتدى عالم الأسرة والمجتمع

25-02-2010, 03:15 AM

مجنونةj

عضو نشيط جدا

تاريخ التسجيل: Feb 2010

المشاركات: 361

اخوي طمنا شنو صارلك
اتمنى وربي اني اسمع اخبار حلوه وتفرحك يارب
الله يحقق لك كل ماتتمناه يارب

01-03-2010, 09:00 PM

ساهرشوق

عضو جديد

تاريخ التسجيل: Jan 2010

المشاركات: 33

اقتباس:

المشاركة الأصلية كتبت بواسطة مجنونةj

اخوي طمنا شنو صارلك
اتمنى وربي اني اسمع اخبار حلوه وتفرحك يارب
الله يحقق لك كل ماتتمناه يارب

أختي الكريمه مجنونه وباقي الاخوان مشكورين على اهتمامكم

الكبير وربي ان قلوبكم بيضاء..مدري شقول وربي خطيبتي هذي ماتعرف من الحب الا حروفه وبس

تخيلوا قبل يومين قلت بسوي آخر محاوله لأني مخليها اسبوعين عشان تفكر بجد تبيني اكمل معها

ولا لا ..خصوصا ان حفلة الزواج ماباقي عليها الا 4 شهور بس ..المهم قلت استقل يوم

مولد الرسول صلى الله عليه وآله وسلم ..وقلت فرصه يوم حلو واقولها كل عام وانتي بخير

وانا عاد رومانسي حيييييييييييل رحت شريت دبودب وردي كبير ووسطه قلب أحمر

وصحن شوكليت من باتشي وباقة ورد جوري أحمر يجنن وجوال سوني اريكسون نانسي (حركات )

وكاتب لها كلام رومانسي يهبل ومعلق الكلام برقبة الدب بشكل حلو

ومسويه بشكل مغلف وحركات رهيبه وربي وأروح أطق بابهم الا محد يرد اتصلت على

جوال امها الا تقول من سمعت أسمك تصيح وجاتها حالة نفسيه قلت انتوا

من جدكم خطيب بنتكم جاي مو شيطان ؟؟ وربي حتى اهلها ماعندهم ذوق يعني تركوني

على الباب اكثر من عسر دقايق ولا احد فتح لي بذمتكم هذيلا اوادم ..يعرفون الاصول

طبعا التفاهم دووم مع امها بوها في الباي باي لا اسمع لا ارى لااتكم ولا حتى تعب نفسه

وقالي اتفضل ياولدي ..عاد انا انقهرررت خلااااااااااااااااص بجد طاحت من عيني

واللي يقول ليش ماتصير ثقيل وربي اني ثقيل بزوود وكل شي اوكي بس ياناس لما وصل

حب حياتي الى الطلاق ماهو شي سهل ولا توقعت بيوم من الايام ان البنت اللي اخترتها

انا وتقول لموت فيني تسوي فيني كذا ...انا طبعا الحين خلاص مع الموقف الاخير قهرتني

هي واهلها يعني ماهو كفووو وربي ...الحين خلاص ناوي اطلق تعبت منها ..بجد حسافه على

اني عطيتها قلبي وربي دلعتها وغنجتها بشكل ماتتصورونه ..اهلها عمرهم مادلعوها ولا عطوها حنان

ورومانسيه مثل انا ماقدمت لها بس شقول (زرعت بوادي غير ذي زرع )

طيب أخواتي الحين خواتي يقولون مدام سوت كذا وهي اللي مصره على الطلاق اهي لزوم

ترجع لك قيمة هدية الخطوبه (عندنا بالشرقيه نسميها هدية الخطوبه ) تشتمل على صندوق فيه

فساتين وبلايز وجزم الله يكرمكم ومجموعة عطور وارواب نوم ولانجري وسبورات وعبايات لها

وحق امها وطقم ذهب ..طبعا هذا غير هدية الملكه طقم فخم ذهب ..

يعني يقولون اهلي انوا جرت العاده اذا الزوجه او الخطيبه اهي اللي طلبت الطلاق قبل الزفاف

ترجع قيمة الهديه مالا لانها الملابس والعطور وغيرها لايمكن ان اهديها بيوم من الايام حق وحده

ثانيه ..وانا بصراحه شاري ماكات غاليه والذهب ايضا كان غالي ...يعني انا طبعا الهدايا

اللي جبتهم فترة الخطوبه ملابس وعطورات هذي مابيها لاني هذي هديه وخلاص

مستحيل اقبل ارجعها مو من الشهامه اطلبها بس اقصد هدية العقد والخطوبه لانها بصراحه

ماتستاهل اخليها لها خصوصا انها مكلفه فوق ال10 الاف ريال غير الذهب

والله يرزقني بوحده جديره بقلبي وطيبتي ...والله مقهور منها بس الله كريم

انا برسل اهلي ان شاء الله الاسبوع الجاي يتفاهمون مع امها

على امور الطلاق ..اذا اتفقوا رحت لابوها وخلااااص خل بنته تفرح بالطلاق احسن لها ...

التعديل الأخير تم بواسطة ساهرشوق ; 01-03-2010 الساعة 09:05 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه