شوفى يا الأخت المجتمعات مو سوى

يعنى أنا تزوجت وما شفت من ولد الناس إلا كل خير أقسم وأقولها من وراه حبنى ودللنى واللى أبيه جابه لى



مع هذا طلبت الطلاق وتطلقت

لانى ما حبيته مو راضى يدخل قلبي والله شىء من الله والكل إنصدم من طلاقى لان قدام الناس مافيه سبب قوى


وعادى رجعت وعشت حياتى من أروع ما يكون وأنا الآن أستعد لزواجى الثانى عسى الله يوفقنى إن شاء الله

عن جذى أقولك حسب المجتمعات

لان بيت أبوى الله يطول بعمره ما حسسنى بعذاب المطلقه اللى أسمع عنه بالعكس
أقسم بالله عطانى ثقه أكثر من قبل ولبالى كل طلباتى


عن جذى أقولك حسب المجتمع وظروف الوحده000

أنا عندى صديقه عايشه مع زوجها عيشه الضيم والظلم وضرب حياة تقطع القلب ومع هذا تقول أجلس عنده ولا أرجع لأهلى لانهم بيعذبونى لانىمطلقه

حسب المجتمع اللى عايشه فيه الوحده وظروف حياتها



تكفون إدعولى بالتوفيق

اختي....انا معاك ان الطلاق زاد بكثر ه هلايام لكن مانقدر نلوم لا البنت ولا الولد لانها كلها قسمه ونصيب...يعني مثلا انا مطلقه مع اني كنت احب زوجي وهو يحبني ومرتاحين مع بعض في كل الامور ..الا في شي واحد وهو اساس العلاقه الزوجيه..زوجي للاسف كان ضعيف جنسيا.. يعني ببساطه عايشين مثل الاخوان...عشان كذا تطلقت...لكن اقول الحمدلله على كل حال وانشالله الله يعوضني ويعوضه

[quote=..لكن اقول الحمدلله على كل حال وانشالله الله يعوضني ويعوضه[/quote]


آآآآآآآمين إن شاء الله

حلو هالوفاء منك لطليقك وإنتى تدعين إن الله يعوضه


أختى معليش عندى سؤال ويمكن تضحكين منى 00!!!

بس بسأله هههههههههههههه



الضعف الجنسى فى الرجل يعنى بالمره ما يقدر يلمس الزوجه أو إنه يجيها بس ما يقدر يكمل



ياليت توضحينى أقسم أسمع فى الضعف الجنسى بس مانى عارفه وش طبخته00

عسى الله يوفقك إن شاء الله فى حياتك ويعوضك بأحسن منه


تحياتى لك

اختى نورا صح انتى تطلقتى وانتهى الموضوع
بس فيه سالفه جات في بالي مشابهه لقضية طلاقك
وهي انه جاء رجل الى عمر بن الخطاب
وقال له يا امير المؤمنين اريد طلاق زوجتى
فقال له عمر : ماذا رايت منها
فقال الرجل : لا احبها
فقال عمر : او كل البيوت تبنى على الحب ؟فاين الرعاية والذمم؟

الحقيقه يا أخت نوره انا مانني خبيره بهالامور بس اللي اعرفه ان الضعف الجنسي ممكن يكون ضعف تام يعني مايقدر الزوج يسوي شي اطلاقا او (هذي حالة زوجي السابق) انه يحاول بس مايقدر يكمل
الله لايحط احد بهالمواقف لا بنات ولا عيال امين يارب